Números 25 - Tayta Diospa Wilakuynin

Baal-peor diosta Israel runakuna adorayashqan

¹ Sitimcho taykarmi Israel runakuna moabita warmikunawan kakuyarqan.

² Saynöpis say warmikunami Israel runakunata pushayarqan sacrificiukunata rurar diosninkunata adorayänanpaq. Sayno pushayaptinmi Israel runakunapis moabita runakunapa diosninkunata adorayarqan. Nirkurmi diosninkunapaq churayashqan mikuytapis mikuyarqan.

³ Baal-peor diosta sayno adorayaptinmi Tayta Dios fiyupa rabyakur

⁴ Moisésta nirqan: <>.

⁵ Saymi Israel runakunapa juezninkunata Moisés nirqan: <>.

⁶ Sayno niptinmi lapan Israel runakuna Tinkuna Toldu patiucho waqaykäyarqan. Say hörami Moisés y wakin runakunapis rikaykäyaptin juk Israel runa mana penqakuypa madianita warmita toldunman yaykasirqan.

⁷ Sayta rikaykurmi cüra Aarónpa wilkan y Eleazarpa surin Finees fiyupa rabyanarqan. Saymi shuntaraykäyashqanpita lanzanta aptakurkur

⁸ aywarqan madianita warmita pushaykashqanpa qepanta toldun ruriyaq. Yaykurirmi muntanakush kaykaqta pachanpa tuksirirqan. Sayraqmi fiyu qeshyawan Israel runakuna wanuykäyashqanpita chawäyarqan.

⁹ Say fiyu qeshyawanmi ishkay chunka chusku waranqa (24,000) runakuna wanuyarqan.

¹⁰ Saypitami Moisésta Tayta Dios nirqan:

¹¹ <

¹² Kanan Fineesta wilay paywan pactu rurashqäta.

¹³ Pactuta rurarmi kikinta y paypita miraqkunata imayyaqpis cüra kayänanpaq churä. Noqata respitamar say jusayuq runata wanusishqanpitami Israel runakunapa jusankunata perdonashkä>>.

¹⁴ Wanusishqan Israel runapa jutinmi karqan Zimri. Pay karqan Salupa surin y Simeón trïbupa mandaqninmi.

¹⁵ Wanusishqan madianita warmipa jutinnami karqan Cozbi. Paymi karqan Zurpa surin. Zurnami karqan madianita runakunapa juk mandaqnin.

¹⁶ Saypitami Moisésta Tayta Dios nirqan:

¹⁷ <

¹⁸ Paykunami Israel runakunata engañaypa shakyäsiyash Baal-peor diosninta adorayänanpaq. Saynöpis madianita runakunapa mandaqninpa surin Cozbi mana penqakuypami lapanpa nawpancho Zimripa toldunman yaykush paywan kakunanpaq. Say warmitami wanusish Israel runakunata fiyu qeshyawan wanuykäsishqä höra>>.