Números 24 - Tayta Diospa Wilakuynin

¹ Israel runakunata Tayta Dios bendicionta qoshqanta tantiyarmi Balaamqa Tayta Diosta tapukuq aywarqannasu. Saypita sunyaq jirkapa tikrar

² rikachakushqanchömi rikarqan Israel runakuna trïbunpa trïbunpa campamentuncho kaykäyaqta. Saycho Tayta Diospa Espïritun parlasiptinmi

³ wilakur nirqan: <

⁴ Tayta Diosmi noqata parlapäman. Lapanpaq munayyuq Tayta Diosmi imatapis musyasiman. Paymi imatapis revelaman.

⁵ ¡Jacobpita miraq runakuna, kuyaylapaqmi tolduykikuna kaykäyan! ¡Israel runakuna, campamentuyki kamaraqlami kaykan!

⁶ Palmëra jachakuna fïlaylanpa ichiraykaqnömi Israel runakuna kaykäyan. Mayu nawpancho huertata Tayta Dios plantashqannömi kaykäyan. Saynöpis yaku kuchuncho jatusaq cedru jachakuna kaykaqnömi kaykäyan.

⁷ Israel runakuna upuyänanpaq y parqukuyänanpaq yaku manami pishinqasu. Paykunapa mandaqnin reyqa Agagpitapis mas munayyuqmi kanqa. Munayyuq kashqan maysaychömi musyakanqa.

⁸ Tayta Diosmi Israel runakunata Egiptupita jorqamurqan. Payqa poqush törunöpis kalpayuqmi kaykan. Israel runakunaqa contran nacionkunata lapantami ushayanqa. Tulunkunatapis pakiyanqami. Flëchankunawanmi wanusiyanqa.

⁹ Uywata sarinanpaq león kamarikuqnömi Israel nación kamarikush kaykan. Pïmaypis paykunata mansayanmi. Israel runakuna, qamkunata bendisiyäshuqnikitaqa Tayta Diospis bendiciontami qonqa. Maldicionashuqnikitami isanqa maldicionanqa>>.

¹⁰ Balaam sayno parlaqta wiyaykurmi Balac fiyupa rabyakushpan makintapis jitarraq nirqan: <

¹¹ ¡Manaraq imapis kashqanyaq wayikipa kutikuy! Qamta ali päganäpaq kaykaptïpis Tayta Diosmi munashsu päguta chaskinaykita>>.

¹² Sayno niptinmi Balaam nirqan: <

¹³ . Saynöpis nirqä Tayta Dios tantiyasimashlanta wilanäpaq kashqantami.

¹⁴ Markämannami kutikü. Isanqa manaraq kutikur wilashayki nacionnikita Israel runakuna imata rurananpaq kashqantapis>>.

Balaam mastapis wilakushqan

¹⁵ Saymi Balaam wilakur nirqan: <

¹⁶ Tayta Diosmi noqata parlapäman. Poderyuq Tayta Diosmi imatapis tantiyasiman. Paymi imatapis musyasiman. Paymi imatapis revelaman.

¹⁷ Shamuq watakunacho imapis päsananpaq kaqtami rikaykä. Karucho kaykämuqtami rikaykä. Jacobpita miraq runakunapitami juk qoyllar yurinqa. Israel nacionchömi munayyuq rey kanqa. Moabita runakunatami asulanqa. Setpita miraqkunatapis ushakäsinqami.

¹⁸ Paymi Edom nacionta vincinqa. Seir runakunatami contran kaptin munayninman churanqa. Sayno vinciptinmi Israel runakunata pïmaypis seqaypa mansayanqa.

¹⁹ Jacobpita miraqkunapitami munayyuq runa yurimunqa. Ar markacho quëdaqkunapis ushakäsishqami kayanqa>>.

²⁰ Sayno nirkurmi amalecita runakuna täyashqanläpa rikärir Balaam wilakur nirqan: <>.

²¹ Ceneo runakuna täyashqanläpapis rikärirmi Balaam wilakur nirqan: <

²² Sayno kaptinpis Asiria soldädukuna shamur prësu sariyäshuptikimi ushakäyanki>>.

²³ Sayno nirkurmi mastapis Balaam nirqan: <<¡Kaychi kaylaqa! Tayta Dios sayno mansariypaq ruraptin ¿piraq kawanqa?

²⁴ Quitim islapita büquikunawan shamurmi Asiriacho markakunata raqälatana kachaykuyanqa. Heber runakunatapis pasaypami ushakäsiyanqa>>.

²⁵ Saypitanami Balaam wayinman kutikurqan. Balacpis aywakurqanmi.