Números 21 - Tayta Diospa Wilakuynin

Arad runakunata Israel runakuna vinciyashqan

¹ Neguevcho kaykaq Arad markapa mandaqnin reymi cananeo runa karqan. Paymi Israel runakuna Atarim nänipa aywaykäyashqanta musyaykur soldädukunawan atacaq aywayarqan. Saycho pelyarmi juk ishkay Israel runakunata prësu sariyarqan.

² Saymi Israel runakuna Tayta Diosta manakur niyarqan: <>.

³ Israel runakuna manakuyashqannöla Tayta Dios yanapaptinmi lapan cananeo runakunata y markankunatapis chipyaq ushakäsiyarqan. Sayno ushakäsiyashqanpitami say partita jutisiyarqan Horma jutin kananpaq.

Broncipita culebrata Moisés rurashqan

⁴ Hor jirkapita Israel runakuna aywakurmi Edom nacionman mana yaykuyänanpaq Puka Lamarpa aywaq nänipa tumayarqan. Saypa nakar aywaykäyaptinmi pacienciankuna ushakarqan.

⁵ Saymi Tayta Diospa y Moiséspa contran niyarqan: <>.

⁶ Sayno parlayaptinmi wanusikuq culebrakunata Tayta Dios yurisimurqan. Culebrakuna picayashqanwan askaq wanuyaptinmi

⁷ Moisés kaqman aywaykur niyarqan: <>. Saymi Moisés manakuptin

⁸ Tayta Dios nirqan: <>.

⁹ Sayno niptinmi broncipita culebrata Moisés ruraykur qeru puntanman bandërarqan. Culebra picaptinqa broncipita rurash culebrata pipis jukla rikärirqa wanuqnasu.

Israel runakuna Moabman aywayashqan

¹⁰ Saypita aywarnami Israel runakuna Obotcho posädakuyarqan.

¹¹ Obotpita päsarmi sunyaq Ije-abarimcho posädakuyarqan. Say parti kaykan Moabpita inti jeqamunanläpami.

¹² Saypita aywakurmi Zered raqra nawpancho posädakuyarqan.

¹³ Saypita aywarmi Arnón mayu simpancho posädakuyarqan. Arnón mayuqa sunyaq jirkapa päsarmi amorreo runakunapa y moabita runakunapa lindërun kaykan.

¹⁴ Israel Runakunata Guërracho Tayta Dios Yanapashqan jutiyuq librucho kaynömi qelqaraykan: <

¹⁵ Saypita juk raqrapa aywarmi Ar partiyaq chäyarqä. Say raqra chaykan Moab nacionpa lindërunyaqmi>>.

¹⁶ Arnón mayupita aywakurmi Beer pözuyaq chäyarqan. Say pözuchömi Moisésta Tayta Dios nirqan: <>.

¹⁷ Saycho yakuta tariykurmi Israel runakuna kayno cantayarqan: <<¡Pukyucho yaku mana sakiypa kaykuläsun! ¡Yaku pashtamushqanpita cantaläshun!

¹⁸ Mandaqkunami pözuta uchkuyarqan. Respitädu runakunami tukrunkunawan uchkuyarqan>>. Say sunyaq jirkapita aywarmi Israel runakuna Matana partiman chäyarqan.

¹⁹ Matanapita aywarmi Nahalielman chäyarqan. Nahalielpita aywarmi Bamotman chäyarqan.

²⁰ Bamotpita aywarnami Moab nacioncho kaykaq sunyaq pampaman chäyarqan. Saypitami Pisga niyashqan punta rikakan.

Rey Sehónta Israel runakuna vinciyashqan

²¹ Say pampaman manaraq charmi Israel runakuna propiuta kachayarqan amorreo runakunapa mandaqnin rey Sehónta niyänanpaq:

²² <>.

²³ Sayno ruwakuyaptinpis rey Sehón manami munarqansu Israel runakuna nacionninpa päsayänanta. Saymi lapan soldädunkunata shuntarkur sunyaq jirkaman aywayarqan Israel runakunawan pelyayänanpaq. Jahazacho tinkurmi paykunata atacayarqan.

²⁴ Jina kaqta Israel runakuna tikraparmi markankunata y chakrankunatapis Arnón mayupita pasa Jaboc mayuyaq qechuyarqan. Amonita runakunapa lindërun ali sigurash kaptinmi Israel paykunapa lindërunyaqla qechuyarqan.

²⁵ Amorreo runakunapa markankunata qechuyashpanmi Hesbóncho y caseriunkunachöpis Israel runakuna täyarqan.

²⁶ Hesbónqa amorreo runakunapa mandaqnin rey Sehón tashqan markami karqan. Israel runakuna Hesbón markata manaraq qechuyaptinmi Sehónqa Moab nacionpa mandaqnin reywan guërrata rurayarqan. Payta vincirmi moabita runakunapa chakrankunata Arnón mayuyaq qechuyarqan.

²⁷ Saypitanami poesíata recitaqkunapis niyan: <<¡Hesbón markaman lapayki shayämuy! Rey Sehónpa jatun markanta yapay sharkasiyay.

²⁸ Sehónpa markan Hesbónpitami mansariypaq ninanöraq soldädukuna yarqayämurqan. Paykunami Moabcho kaykaq Ar markayaq lapanta ushayarqan. Arnón mayu nawpancho kaq jalqakunayaqmi sayno ushayarqan.

²⁹ ¡Wawalaw, moabita runakuna! Quemos jutiyuq diosta adoraqkuna, ushakashqami kayanki. Amorreo runakunapa mandaqnin rey Sehón shamuptinmi Quemos diosniki kachariykuyäshushpayki yanapäyäshurqaykinasu. Saymi olqu kaqkuna qeshpir aywakuyarqan. Warmi kaqkunatapis prësu sarirmi apakuyarqan.

³⁰ Mandashqan markakunatami ushakäsiyarqä. Saymi Hesbón markapita Dibón markayaq wanuyarqan. Saynöpis Nofapita Medebayaq ushakäsiyarqä>>.

Rey Ogta Israel runakuna vinciyashqan

³¹ Saynöpami Israel runakunaqa amorreo runakunapa markankunaman yaykuykur täyarqan.

³² Saypitanami runakunata Moisés kacharqan Jazer markata rikapakayämunanpaq. Kutiykuyaptinnami Jazerman y nawpan markakunaman aywar amorreo runakunata qarquyashpan Israel runakuna saycho täyarqan.

³³ Saypitanami Israel runakuna päsayarqan Basán nacionman aywaq nänipana. Sayta musyaykurmi Basán nacionpa mandaqnin rey Og soldädunkunawan Edreiman aywayarqan Israel runakunawan pelyayänanpaq.

³⁴ Saymi Moisésta Tayta Dios nirqan: <>.

³⁵ Tayta Dios nishqannölami rey Ogta, surinkunata y lapan soldädunkunatapis wanusir Israel runakuna ushayarqan. Manami pitapis kawaykaqta kachayarqansu. Nirkurnami lapan chakrankunata sarikurkuyarqan.