Números 20 - Tayta Diospa Wilakuynin

Qaqapita yaku pashtamushqan

¹ Wata qalaykunan killacho Zin niyashqan sunyaq jirkaman chaykurmi Israel runakuna Cades particho täyarqan. Saychömi María wanuykuptin pampayarqan.

² Saycho yaku mana kaptinmi Israel runakuna Moiséspa y Aarónpa contran sharkur

³ niyarqan: <<¡Kayno nakayänäpa trukanqa alimi kanman karqan wakin Israel runakunata Tayta Dios castigaptin wanuyashlancho noqakunapis wanukuyaptï!

⁴ Tayta Dios kuyashqan kaykäyaptïqa ¿imapaqtaq kay sunyaq jirkaman pushayämashkanki? ¿Uywantintaku ushakäsiyämayta munaykäyanki?

⁵ ¿Imapaqtaq Egiptupita mana yachakaypaq jirkaman pushayämashkanki? Kaycho murupakuyänäpaqpis mana ali kaptinmi hïguspis, üvapis ni granädapis kansu. ¡Yakulapis upuyänäpaq manami kansu!>>

⁶ Sayno niyaptinmi Moiséswan Aarón Tinkuna Toldu patiuman aywaykur fiyupa lakikuyashpan pasaman lätakuykuyarqan. Say höra chipipiyninta rikakäsimurmi

⁷ Moisésta Tayta Dios nirqan:

⁸ <>.

⁹ Saymi Tayta Dios nishqannöla babul nawpancho kaykaq tukrunta Moisés aptakurqan.

¹⁰ Nirkurnami wawqin Aarónwan qaqa nawpanman lapan runakunata shuntaykur nirqan: <>

¹¹ Sayno nirmi aptaraykashqan tukrunwan ishkay kuti qaqata wiruykuptin aska yaku yarqamurqan. Saytami runakunapis uywakunapis upuyarqan.

¹² Saypitanami Aarónta y Moisésta Tayta Dios nirqan: <>.

¹³ Saycho Tayta Diospa contran Israel runakuna parlayashqanpitami yaku pashtamushqan sitiupa jutin kaykan Meriba. Saychömi Tayta Dios musyasirqan santu kashqanta.

Israel runakuna päsayänanta edomita runakuna mana kachapäyashqan

¹⁴ Cades particho Israel runakuna taykäyaptinmi propiukunata Moisés kachakurqan Edom nacionpa mandaqnin reyta niyänanpaq: <

¹⁵ Unay ayllükuna Egiptuman aywakuyashqanpita pasami saycho täyämushkä. Paykunata nakasiyashqannölami Egipto runakuna noqakunatapis fiyupa nakasiyämash.

¹⁶ Sayno nakar Tayta Diosta manakuyaptïmi angilninta kachamush Egiptupita jorqayämänanpaq. Saynöpami nacionnikipa lindërun cercan Cadeschöna kaykäyä.

¹⁷ Taytay, nacionnikipa päsaq nänilapa päsakuykuyäläshaq. Chakraykikunata ni üvaykikuna plantaraqtapis manami jarukuyäshaqsu. Saynöpis pözuykicho yakuykitapis manami upuyäshaqsu. Maypapis mana yaqaykachaypami jatun nänilapami päsakuyäshaq>>.

¹⁸ Sayno niyaptinmi Edom nacionpa mandaqnin rey nirqan: <>.

¹⁹ Niptinmi Israel runakuna yapay niyarqan: <>.

²⁰ Sayno niyaptinpis Edom nacionpa mandaqnin rey nirqan: <<¡Manami päsayankisu!>> Sayno mana munarmi shumaq kamarikuskir saysika soldädunkunawan aywarqan Israel runakunata ichipar michäyänanpaq.

²¹ Sayno michäyaptinmi Israel runakuna juk nänipana tumayarqan.

Aarón wanushqan

²² Saymi Israel runakuna Cadespita aywakuyashpan Hor jirkaläman chäyarqan.

²³ Hor jirkapis Edom nacionpa lindërun cercachömi karqan. Sayman chaykuyaptinmi Moiséstawan Aarónta Tayta Dios nirqan:

²⁴ <

²⁵ Aarónta y surin Eleazarta Hor puntaman pushay.

²⁶ Saycho Aarónpa mandaq cüra kay mödananta loqtipaskir surin Eleazartana jatipanki. Aarón saycho wanukurmi unay ayllunkunawan tinkuq aywakunqa>>.

²⁷ Tayta Dios nishqannölami lapan Israel runakuna rikaykäyaptin Aaróntawan Eleazarta pushakurkur Hor puntaman Moisés wisarqan.

²⁸ Saychönami Aarónpa mandaq cüra kay mödananta loqtipaskir surin Eleazartana jatiparqan. Say jirkacho Aarón wanuykuptinnami Moiséswan Eleazar kutikayämurqan.

²⁹ Aarón wanushqanta musyaykurmi juk killa Israel runakuna lütuyarqan.