Números 14 - Tayta Diospa Wilakuynin

Israel runakuna Tayta Diospa contran rikakuyashqan

¹ Sayno niyaptinmi Israel runakuna qaparäyashpan say sakay warati waqaykar waräyarqan.

² Saymi Moiséstawan Aarónta qayapar niyarqan: <<¡Alimi kanman karqan Egiptulacho o kay sunyaq jirkalacho wanukush!

³ ¿Imapaqtaq kayman Tayta Dios pushamashkansi? Guërracho wanusimashpansimi warminsitapis surinsikunatapis contransikuna apakuyanqa. ¡Saypa trukanqa Egiptuman kutikush alimi kanman!>>

⁴ Saymi juknin jukninpis wilanakur niyarqan: <>.

⁵ Sayno niyaptinmi Moiséswan Aarón ima ruraytapis mana kamäpakur pasaypa lakikuyashpan lapan runakunapa nawpancho lätakuykuyarqan.

⁶ Nunpa surin Josuéwan y Jefonipa surin Calebpis fiyupa lakikuyashpanmi mödanankunata rachiyarqan. (Paykuna kayarqan Canaánman rikapakuq aywaqkunami.)

⁷ Nirkurnami Israel runakunata niyarqan: <<¡Rikapakur puriyämushqä nacionqa maypis täkuy munaymi kaykan!

⁸ Tayta Diosmi kuyamashpansi say nacionman yaykasimäshun. Saychöqa lichipis abëjapa mishkinpis askami kaykäyan.

⁹ Isanqa Tayta Diospa contran ama sharkuyaysu ni saycho taq runakunata ama mansayaysu. Paykunataqa chushpitanölami lapirishun. Saynöpis paykunataqa manami pipis yanapänanpaq kansu. Tayta Dios noqansiwan kaykaptinqa ama mansarishunsu>>.

¹⁰ Sayno niyaptinmi runakuna samqayta munayarqan. Say hörami lapan runakuna rikay Tayta Diospa chipipiyninta Tinkuna Tolducho rikayarqan. Saychömi

¹¹ Moisésta Tayta Dios nirqan: <<¡Imayyaqraq Israel runakuna rabyanäsiyämanqa! Milagrukunata rurashqäta rikaykarpis ¡imayyaqraq criyiyämanqasu!

¹² Kay runakunata pestiwanmi ushakäsishaq. Qampita miraqkunalami jatun nación rikakuyashqanyaq mirayanqa>>.

¹³ Sayno niptinmi Moisés nirqan: <

¹⁴ Egipto runakuna musyaykur Canaáncho taq runakunatami wilayanqa. Cananeo runakunapis musyayanmi noqakunawan kaykashqaykita. Saynöpis musyayanmi yuripaykamar parlapämashqaykita, ichiraykaq pukutaycho puntäkunata junaqpa aywashqaykita y ichiraykaq nina rupaykaqcho sakaypa aywashqaykita.

¹⁵ Israel mayïkunata lapanta ushakäsiptikiqa maysaychöpis runakuna jamuräyäshushpaykimi niyanqa:

¹⁶ .

¹⁷ <

¹⁸ mana rabyakuq y kuyapäkuq kashqaykitami. Saynöpis nishkanki mana cäsukuqkuna perdonta manakuyäshuptiki perdonanaykipaq kashqantami. Saynöpis nishkanki jusalikuqkunataqa kikintapis, surintapis, wilkantapis y shurukta wilkantapis castiganaykipaq kashqantami.

¹⁹ Egiptupita kayyaq pushamänaykipaqpis pacienciayki kashqami. Kuyapäkuq kaykarqa jusalikuyashqanpita kay runakunata perdonaykulay>>.

Israel runakunata Tayta Dios castigashqan

²⁰ Saymi Tayta Dios nirqan: <

²¹ Imayyaqpis kawaq Dios kar y intëru munduta munaynïcho sarararmi nï:

^22-23 Egiptucho y sunyaq jirkacho milagrukunata rurashqäta rikaqkuna manami ni juklaylapis chanqasu unay aylluykikunata promitishqä nacionman. Paykuna yaparir yaparir kikin munayashqanta rurasimayta munayashpanmi cäsukayämashsu. Manami mayqanpis sayno rabyanäsimaqkunaqa say nacionman chäyanqasu.

²⁴ Sirvimaqnï Calebmi isanqa nishqäkunata cäsukaman. Saymi rikapakamushqan nacionman payta yaykasishaq. Paypita miraqkunapis saychömi täyanqa.

²⁵ Amalecita runakuna y cananeo runakuna täyashqan pampapaqa amana aywayaynasu. Saypa trukanqa waray junaq sunyaq jirkaman kutiyay Puka Lamarpa aywaq nänipa>>.

²⁶ Saypitanami Moiséstawan Aarónta Tayta Dios nirqan:

²⁷ <

²⁸ Kayno nishqäta paykunata wilay:

²⁹ Conträ parlayashqanpitami ishkay chunka (20) watayuqpita janaman lapan censash kaqkuna kay sunyaq jirkacho wanur ushakäyanqa.

³⁰ Jefonipa surin Calebwan Nunpa surin Josuélami promitishqä nacionman yaykuyanqa. Saypita kaqqa manami mayqaykikunapis yaykuyankisu.

³¹ Wamraykikunatami isanqa chikiyäshuqnikikuna apakuyänanpaq kashqanta yarpäyaptikipis yaykasishaq. Manakaqman churayashqayki nacionchömi wamraykikuna täyanqa.

³² <<

³³ Wanur ushakäyashqaykiyaqmi wamraykikuna chusku chunka (40) wata uywankuna qatish sunyaq jirkacho puriyanqa. Qamkuna mana wiyakayämashqaykipitami sayno nakayanqa.

³⁴ Chusku chunka junaq Canaánta rikapakayämushqaykinömi chusku chunka watantin nakar puriyanki. Saynöpami cada junaqpita juk wata sunyaq jirkacho kayanki. Sayraqmi musyayanki imano castigakuq kashqätapis.

³⁵ Noqa Tayta Dios karmi nishqäta cumplishaq. Saymi conträ sharkuq y mana cäsukamaq runakunata castigar kay sunyaq jirkalacho ushakäsishaq> >>.

³⁶ Runakunata desvalorasiyashqanpitami Moisés kachashqan chunka rikapakuqkunata

³⁷ pesti qeshyawan Tayta Dios wanusirqan.

³⁸ Josuéwan Caleblami kawaykar quëdayarqan.

Amalecita y cananeo runakuna Israel runakunata vinciyashqan

³⁹ Tayta Dios nishqanta Moisés wilaptinmi Israel runakuna fiyupa lakikuyarqan.

⁴⁰ Saymi saka sakala sharkurkur jalqakunaman aywayänanpaq niyarqan: <>.

⁴¹ Sayno niyaptinmi Moisés nirqan: <<¡Walälami yarpaykäyanki sayman aywayta! Sunyaq jirkaman kutinansipaq Tayta Dios nikämashqaqa ¿imanirtaq cäsukuyta munayankisu?

⁴² Promitimashqansi nacionman ama aywayaysu. Mana wiyakuypa aywayaptikiqa Tayta Dios manami yanapäyäshunkisu. Chikishuqnikikunapis vincir wanusiyäshunkimi.

⁴³ Amalecita y cananeo runakunaqa ushakäsiyäshunaykipaqmi shuyaykäyäshunki. Mana cäsukuq kayashqaykipitami Tayta Dios sapäyäshunkinasu>>.

⁴⁴ Moisés sayno nikaptinpis Israel runakuna chölu tukuyashpanmi jalqakunaman aywayarqan. Sayno aywayarqan campamentucho Moisés quëdaptinpis y Pactu Babulta mana aparpis.

⁴⁵ Israel runakuna aywaykäyaptinmi jalqakunacho taq amalecita y cananeo runakunapis yarqapäyämushpan Israel runakunata atacayarqan. Vinciyashpanmi Hormayaq qatikachäyarqan.