Números 11 - Tayta Diospa Wilakuynin

Israel runakuna Tayta Diospa contran parlayashqan

¹ Israel runakuna fiyupa nakayashpan Tayta Diospa contran parlayaptinmi Tayta Dios fiyupa rabyakurqan. Saymi paypita nina shamur campamentu kuchuncho kaq toldukunata rupar usharqan.

² Runakuna pasaypa mansakäyashpanmi yanapänanpaq Moisésta ruwakuyarqan. Saymi paykunapaq Tayta Diosta Moisés manakuptin nina upirqan.

³ Ninawan Tayta Dios rupasishqanpitami say sitiuta jutisiyarqan Tabera jutin kananpaq.

⁴ Saypitanami Israel runakunawan takukash aywaq jäpa runakuna Egiptucho ali mikuykunata mikuyashqanta yarpäsipäyarqan. Saymi Israel runakuna seqaypa aysanar niyarqan: <<¡Pilaraq aysata qararkamashwan!

⁵ Egiptuchöqa dembaldilami pescäduta mikuq kansi. Saynöpis pepinuta, melonta, pöruta, ceböllata y äjustami mikuq kansi.

⁶ Kaychöqa manálata mikurmi pasaypa ajayashna kaykansi>>.

⁷ (Maná karqan culantrupa murunno y jachapa weqin niraq qarwashqami.

^8-9 Cada tutami imayka shulyano maná warämuq. Saytami runakuna shuntarkur aqakuyaq o rumiwan takayaq. Wakin yanukuyaq y wakinnami saypita tantata rurayaq. Sayno ruraskir mikuyaptinmi gustunpis aceitiwan masarash tantano karqan.)

¹⁰ Israel runakuna wamrankunawan toldunkuna punkucho waqayashqanta wiyarmi Moiséspis y Tayta Diospis fiyupa rabyanäyarqan.

¹¹ Saymi Tayta Diosta Moisés nirqan: <

¹² ¡Manami paykunapa mamansu ni taytansu kä! ¿Imanirtaq nimashkanki chuchuykaq wamratano marqash apanäpaq? ¿Imanöparaq Abrahamta, Isaacta y Jacobta promitishqayki nacionman chäsishaq?

¹³ ¿Maypitataq aysata tarishaq saysika runakuna mikuyänanpaq? Pasaypa aysanarmi waqar nikäyäman: .

¹⁴ Saysika runakunata japalä manami pushayta kamäpaküsu. Kay runakuna seqaypami rabyanäsikuyan.

¹⁵ Rasunpaypa kuyamarqa kayno nakasimänaykipa trukanqa jukla shuntakalämay>>.

¹⁶ Sayno niptinmi Tayta Dios nirqan: <

¹⁷ Saymanmi shamushaq qamwan parlanäpaq. Nirkurmi Israel runakunata pushäsiyäshunaykipaq qamcho kaykaq Espïrituta paykunatapis qoshaq. Kananpitaqa mananami japalaykinasu pushanki.

¹⁸ < Kananqa Israel runakunata niy waray junaq aysata mikuyänanpaq kashqanta. Saypaq kanan junaq purificakuyäsun. Noqami aysata qarashaq.

¹⁹ Aysata manami juk junaqlasu ni ishkay junaqlasu ni pisqa junaqlasu ni chunka junaqlasu ni ishkay chunka junaqlasu mikuyanqa.

²⁰ Saypa trukanqa juk killami pasaypa melanäyashqanyaq mikuyanqa. Paykunawan kaykaptïpis waqarmi niyämash: <¡Imapaqraq Egiptupitapis yarqamurqansi!> Sayno parlarmi manakaqman churayämash>>.

²¹ Saymi Moisés nirqan: <

²² ¿Maychötaq saysika uyshapis cabrapis y wäkapis kaykan kaysika runakuna mikuyänanpaq? Lamarcho lapan pescädupis manami aypanqasu>>.

²³ Sayno niptinmi Tayta Dios nirqan: <<¿Pasaypa munayniynaq kashqätaku yarpanki? Kananmi rikanki nishqäkunata cumplishqäta>>.

Mayor runakunata Espïritunta Tayta Dios qoshqan

²⁴ Saypita aywarmi Moisésqa lapan runakunata wilarqan Tayta Dios nishqankunata. Nirkurmi qanchis chunka (70) mayor runakunata Tinkuna Tolduman qayasirqan.

²⁵ Tinkuna Toldu jananman pukutaycho urarkamurmi Moiséswan Tayta Dios parlayarqan. Nirkurmi Moiséscho kaykaq Espïrituta qanchis chunka mayor runakunata qorqan. Espïrituta chaskiskirnami profëtanöna parlayarqan. Saypita yapayqa mananami imaypis sayno parlayarqannasu.

²⁶ Qanchis chunka (70) mayor runakunata qayarmi Eldadta y Medadta Moisés qayarqan. Isanqa Tinkuna Tolduman aywayänanpa trukan campamentulachömi quëdakuyarqan. Paykunamanpis Espíritu chaptinmi profëtanöna parlayta qalaykuyarqan.

²⁷ Saymi juk maqta cörrila aywar Moisésta wilar nirqan: <>.

²⁸ Sayno wilaptinmi Moisésta Nunpa surin Josué nirqan: <<¡Sayno mana parlayänanpaq michay, taytay!>> Josuéqa Moiséspa yanapaqnin maqtami karqan.

²⁹ Sayno niptinmi Moisés nirqan: <<¿Imanirtaq noqala profëta kanäta munanki? ¡Alimi kanman lapan runakunapis profëta kayänanpaq Espïritunta Tayta Dios qoptin!>>

³⁰ Saypitanami Moiséspis y mayor runakunapis campamentunkunaman kutikuyarqan.

Codornizkunata Tayta Dios yurisishqan

³¹ Nirkurnami lamarpita wayrata Tayta Dios wayräsimurqan. Say wayrami saysika codornizkunata pasalapa pajaykaqta campamentu nawpankunaman apamurqan. Say codornizkunami campamentu nawpankunapa juk junaq aywayyaq kayarqan.

³² Ishkay junaq y juk sakaymi Israel runakuna saysika codornizkunata sariyarqan. Walkalata sariqkunapis chunka muntuytami sariyarqan. Nirkurnami campamentu nawpankunapa majar sakisiyarqan.

³³ Codorniz aysata mikur qalariykäyaptinmi Tayta Dios fiyupa rabyash kar aska runakunata qeshyawan castigar wanusirqan.

³⁴ Pachalanpaq yarparaq runakunata saycho pampayashqanpitami say partita jutisiyarqan Kibrot-hataava jutin kananpaq.

³⁵ Kibrot-hataava partipita aywakurmi Israel runakuna Hazerot partiman chäyarqan. Saychömi campamentukunata rurar posädakuyarqan.