Nehemías 8 - Tayta Diospa Wilakuynin

Moisés qelqashqan leykunata runakunata liyipashqan

¹ Saypita juk junaqchönami lapan Israel runakuna Yaku jutiyuq punkucho kaq pläzaman shuntakäyarqan. Saychömi yachasikuq Esdrasta manakuyarqan Moisés qelqashqan leykunata apapänanpaq. Say leykunatami Israel runakunata Tayta Dios entregash karqan.

² Sayno manakuyaptinmi lapan runakuna, warmikuna y tantiyakuq wamrakunapis juntaraykäyashqanman cüra Esdrasqa leykuna qelqaraykaq rölluta aparqan. Say junaq karqan qanchis kaq killa punta kaq junaqmi.

³ Yaku jutiyuq punkucho kaykaq pläzachömi say runakunata tutapita pulan junaqyaq röllupita liyiparqan. Liyipaptinmi lapan runakuna shumaq wiyayarqan.

⁴ Parlamunanpaq rurayashqan tabladïlluchömi yachasikuq Esdrasqa runakunata yachasinanpaq ichiraykarqan. Say tabladïlluqa say junaqpaq rurashqami karqan. Aluq kaq nawpanchömi ichiraykäyarqan Matatías, Sema, Anías, Urías, Hilcías y Maasías. Isuq kaq nawpanchönami ichiraykäyarqan Pedaías, Misael, Malquías, Hasum, Hasbadana, Zacarías y Mesulam.

⁵ Saycho lapan runakuna rikay rölluta Esdras kichaptinmi runakuna sharkuyarqan.

⁶ Saymi Esdrasqa munayyuq Tayta Diosta alabarqan. Runakunapis makinkunata joqarirmi niyarqan: <<¡Amén! ¡Sayno kaykuläsun!>> Nirkurmi Tayta Diosta adorar qonqurpakuykuyarqan urkunkunapis pasaman töpashqanyaq.

⁷ Levitakunami Esdras imata liyishqantapis runakunata shumaq tantiyasiyarqan. Tantiyasiyaptinmi runakuna mana kuyukuypana wiyaykäyarqan. Say levitakunami kayarqan Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán y Pelaía.

⁸ Tayta Diospa leyninkunata röllupita sinchipa liyiparkurmi shumaq tantiyasiyarqan.

⁹ Liyipäyashqanta wiyaykurmi lakikuyashpan lapan runakuna waqayarqan. Saymi gobernador Nehemías, yachasikuq cüra Esdras y leykunata tantiyasiq levitakunapis niyarqan: <>.

¹⁰ Esdras mastapis nirqan: <>.

¹¹ Saynölami levitakunapis runakunata shoqar niyarqan: <>.

¹² Saymi lapan runakuna aywayarqan mikuq y upuq. Liyipäyashqanta tantiyayashpanmi kushikuypita jukninpis jukninpis mikuyta aypunakur jatun fiestata rurayarqan.

Ramäda fiestata rurayashqan

¹³ Waraynin junaqnami mayor runakuna, cürakuna y levitakunapis yachasikuq Esdraswan yapay shuntakäyarqan leykuna imata nikashqantapis shumaq musyayänanpaq.

¹⁴ Liyiyashpanmi tantiyayarqan qanchis kaq killacho fiestata rurar Israel runakuna ramädalacho täyänanpaq Tayta Dios Moiséswan wilakasir mandashqanta.

¹⁵ Saymi jinan höra wilakasiyarqan Jerusaléncho y lapan markakunachöpis runakuna jirkapa aywar olïvupa, arrayanpa, palma jachapa y wakin qerukunapa rämankunatapis shuntayämushpan leykuna nishqanno ramädata qatayänanpaq.

¹⁶ Saymi jirkapa aywar rämakunata apayämurqan. Saykunawanmi ramädata rurayarqan wayin janankunacho, patiunkunacho, Tayta Diospa templun patiucho, Yaku jutiyuq punku pläzacho y Efraín jutiyuq punku pläzachöpis.

¹⁷ Juklä nacioncho taykäyashqanpita chämuq lapan Israel runakunami ramädata ruraykur saycho posädakuyarqan. Nunpa surin Josué kashqanpita pasa manami fiestata rurar ramädacho punuyashno kash. Tayta Dios mandashqanno fiestata rurarmi runakuna seqaypa kushikuyarqan.

¹⁸ Say fiestata rurayarqan qanchis junaqmi. Qalaykunan junaqpita ushanan junaqyaqmi Tayta Diospa leyninkunata waran waran Esdras liyiparqan. Puwaq kaq junaqchönami leycho nishqannöla Tayta Diosta adorayänanpaq lapan shuntakäyarqan.