Nehemías 6 - Tayta Diospa Wilakuynin

Nehemíasta chikiqninkuna atacayta munayashqan

¹ Sanbalat, Tobías, Arabia runa Gesem y wakin chikimaqnï runakunami musyayarqan Jerusalén markapa murällan juk uchkulatapis mana kachaypa alsasishqäta. Punkukunatami isanqa tanasirqäraqsu.

² Ushaykäyashqäta musyaykurmi Sanbalatwan Gesem wilakasiyämurqan: <> nir. Sayno niyaptinmi maliciaskirqä niq tumpala atacayämänanpaq sayno qayaykäsiyämashqanta.

³ Saymi kachayämushqan runakunata nirqä: <>.

⁴ Sayno nikaptïpis chusku kutimi kachata kachayämurqan puntata niyämashqannöla niyämänanpaq. Noqapis puntata nishqänölami nirqä.

⁵ Pisqa kutichönami yanapaqninwan cartata apasimurqan. Say cartachöpis punta kaq cartakunacho nishqannölami nirqan. Isanqa lapanpis liyiyänanpaq kichashlatami apasimurqan.

⁶ Say cartachömi nirqan: <

⁷ Saynölashi Jerusaléncho rey kashqaykita wilakuyänanpaq profëtakunatapis churashkanki. Paykunashi niyanqa: <¡Judácho mandamaqninsi rey kaykannami!> Saykunata rey Artajerjes manaraq wiyashqanyaq jukla parlanansipaq shamuy>>.

⁸ Saymi Sanbalatta wilananpaq kachamushqan runata nirqä: <>.

⁹ Paykunaqa aruykäyashqäta kacharinäta munarmi imaykanöpapis mansakäsiyämayta munayarqan. Sayno kaptinpis Tayta Diostami manakurqä mana kachaypa yanapämänanpaq.

¹⁰ Nirkurnami Delaíapa surin y Mehetabelpa wilkan Semaíasta watukaq aywarqä. Payqa wayinchömi pakaraykänaq. Chaykuptïmi nimarqan: <>.

¹¹ Nimaptinmi nirqä: <>.

¹² Semaías Tayta Diospa profëtan mana kashqantami tantiyarqä. Payqa profëta tukurqan Sanbalatwan Tobías pägash kaptilanmi.

¹³ Payta sayno pägayarqan mansakäsimänanpaq y yäsimashqanta rurar jusalikunäpaqmi. Sayno ruraptïqa conträ parlayashpan pasaypa penqaymanmi churayämanman karqan.

¹⁴ <<¡Sanbalatwan Tobías sayno rurayämashqanpita castigaykulay, Tayta Dios! ¡Saynöla profetïsa tukuq Noadíastapis castigaykulay! ¡Wakin profëta tukuqkunatapis mansakäsiyämashqanpita castigaykulay!>>

¹⁵ Elul killacho ishkay chunka pisqa (25) junaqchömi murällata sharkasiyta ushayarqä. Pisqa chunka ishkay (52) junaqmi say aruycho kayarqä.

¹⁶ Lapan chikimaqnïkunami musyayarqan walka junaqlacho aruyta ushayashqäta. Cerca nacionkunacho taq runakunapis pasaypa mansakäyashpan runa tukuyashqanpis maypashi awarqan. Paykuna tantiyakuyarqan Tayta Diosninsi yanapämaptin aruyta ushayashqätami.

¹⁷ Say wisanmi respitädu Judá runakunawan Tobías aska kuti cartanakuyarqan.

¹⁸ Judácho taq aska runakunami Tobíaswan ali rikanakuyarqan. Sayno rikanakuyarqan Arapa surin Secaníaspa mashan Tobías kaptinmi. Saynöpis Tobíaspa surin Johanánmi Mesulampa mashan karqan. Mesulam karqan Berequíaspa surinmi.

¹⁹ Tobíaspaqqa pïmaypis ali runa kashqantami niyämaq. Saynölami ima nishlätapis payta jukla wilapäyaq. Tobíasqa mansakäsimänan kashqami cartata noqapaq cadala apasimuq.