Nehemías 4 - Tayta Diospa Wilakuynin

Israel runakunata chikiqninkuna manakaqman churayashqan

¹ 1 (3.33) Juchush kaykaq murällata alsaykäyashqäta musyaykurmi Sanbalatqa fiyupa rabyakushpan manakaqman churayämarqan.

² 2 (3.34) Saymi mandaq mayinkunapa y Samaria soldädukunapa nawpancho parlar nirqan: <<¡Imatataq ruraykäyan mana väliq Israel runakuna! ¡Alsayta ushaskir sacrificiuta rupasiyänanpaq kashqantachi yarpaykäyan! ¡Juk junaqla ushayänanpaq kashqantachi yarpaykäyan! ¿Rupash qoturaykaq rumikunawansuraq perqayta yarpaykäyan?>>

³ 3 (3.35) Saynölami Sambalatpa nawpancho amonita Tobíaspis nirqan: <>.

⁴ 4 (3.36) Sayno niyaptinmi Tayta Diosta manakur nirqä: <

⁵ 5 (3.37) Jusalikuyashqantapis ama perdonaykulaysu. Paykunaqa marka murällata sharkasiyaptïmi manakaqman churayäman>>.

⁶ 6 (3.38) Sayno manakuskirmi lapan voluntänïwan arur murällata pulanyaqna sharkasiyarqä.

⁷ 7 (1) Jerusalén murällata altutana sharkaykäsiyashqäta y lapan laqturaqkunata alsaykäsishqäta musyaykurmi Sanbalat, Tobías, Arabia runakuna, amonita runakuna y Asdod runakuna pasaypa ajanäyarqan.

⁸ 8 (2) Saymi wilanakuyarqan Jerusalénman shamuykur atacayämänanpaq.

⁹ 9 (3) Saymi Tayta Diosninsita manakuskir churanakuyarqä sakaypapis o junaqpapis atacayämaptin defiendikuyänäpaq.

¹⁰ 10 (4) Saypitanami Judá runakuna mansariyashpan niyarqan: <>.

¹¹ 11 (5) Chikimaqnïkunashi wilanakuyash: <> nir.

¹² 12 (6) Saynölami chikimaqnïkuna täyashqanlächo taq Israel mayïkunapis yaparir yaparir wilayämarqan wakpita kaypita atacayämänanpaq wilanakuykäyashqanta.

¹³ 13 (7) Saymi runakunata ayllunpa ayllunpa churarqä espädankunawan, lanzankunawan y flëchankunawan cuidayämänanpaq. Paykunatami churarqä murälla waqtankunaman, fácil yaykayämunanpaq kaqkunaman y pipis mana täpashqan partikunamanpis.

¹⁴ 14 (8) Runakuna mansariyashqanta rikarmi mayor runakunata, mandaqkunata y lapan runakunatapis nirqä: <>.

¹⁵ 15 (9) Noqakunapis pelyayänäpaq shuyaraykäyashqäta musyaykur y Tayta Dios sapata churapashqanta tantiyaykurmi conträkuna atacayämarqannasu. Saymi murälla alsayta lapäkuna sïguiyarqä.

¹⁶ 16 (10) Saypita pasami munaynïcho kaq pulan soldädukuna aruyarqan y pulan kaqkunanami bronci chalëcun jatish pelyayänanpaq shuyaraykäyarqan lanzankunawan, escüdunkunawan y flëchankunawanpis. Capitankunapis Judá runakunata yanapäyänanpaq listumi kaykäyarqan.

¹⁷ 17 (11) Murällata alsaqkuna y rumi ashtaqkunapis jukaq makinwan aruyaq y jukaq makinwannami armankunata aptaräyaq.

¹⁸ 18 (12) Paykuna lapanmi espädanta seqlancho sararäyarqan. Imapis kaptin jukla tukananpaq cornëta tukaqpis nawpächömi kaykarqan.

¹⁹ 19 (13) Mayor runakunata, mandaqkunata y wakin runakunatapis nirqä: <

²⁰ 20 (14) Sayno kaptinqa atacamaptinsi cornëtata tukamushqanta wiyar sayman lapansi jukla shuntakäshun defiendikunansipaq. Tayta Diosninsimi noqansipa favorninsi pelyanqa>>.

²¹ 21 (15) Saymi pasa warashqanpita pasa sakashqanyaq aruyaptï pulan kaq runakuna lanzan aptash kaykäyarqan.

²² 22 (16) Mastapis runakunata nirqä: <>.

²³ 23 (17) Noqapis, ayllükunapis, yanapämaqnïkunapis y walkiykämaq soldädukunapis manami mödanäkunata loqtikuyarqäsu. Saynöpami atacayämaptin pelyayänäpaqpis cada ünükuna kamarikushla kaykäyarqä.