Nehemías 2 - Tayta Diospa Wilakuynin

Jerusalénman Nehemías aywananpaq rey Artajerjes awnishqan

¹ Ishkay chunka (20) watana Artajerjes rey kaykaptinmi Nisán killacho payta vïnuta sirviykarqä. Sirviykaptïmi rey tantiyarqan lakish kaykashqäta.

² Saymi tapumarqan: <<¿Imanirtaq lakish kaykanki? Manami qeshyaykaqnösu kaykanki. Sayno kanaykipaq capaz imalapis päsaykäshunki>>. Sayno nimaptinmi fiyupa mansakarqä.

³ Nirkurmi reyta nirqä: <<¡Tayta rey, imayyaqpis kawaykulay! Unay ayllükuna täyashqan marka pasaypa raqälanami kaykan. Punkunkunapis pasaypa rupashqami kaykan. Sayno kaykaptinqa ¿imanirtaq lakikümansu, taytay?>>

⁴ Saymi rey nimarqan: <<¿Imano yanapänätataq munaykanki?>> Sayno nimaptinmi jana pasacho kaykaq Tayta Dios yanapämänanpaq shonqulächo jinan höra manakuskir

⁵ nirqä: <>.

⁶ Ruwakushqä hörami reypa nawpancho reina jamaraykarqan. Sayno ruwakuptïmi rey tapumarqan: <<¿Imayyaqtaq saycho qoyämunki? ¿Imaytaq saypita kutimunki?>> nir. Imay kutimunäpaq kashqantapis wilaptïmi Judáman aywanäpaq awnimarqan.

⁷ Saymi mastapis ruwakur nirqä: <

⁸ Saynöpis muntikita täpaq Asafpaq cartata rurapaykalämay qeruta kamaripämänanpaq. Say qeruta nistäshaq templu punkukunapaq, marka murälla punkukunapaq y tänäpaq kaq wayita rurasinäpaqmi>>. Sayno manakuptïmi kuyapäkuq Tayta Dios yanapämarqan rey awnimänanpaq.

⁹ Susapita yarquptïnami walkiyämänanpaq rey kachamurqan cawallu loqash soldädukunata y capitanninkunata. Éufrates mayu wak simpancho kaykaq gobernadorkunaman chaykurnami rey apasimashqan cartakunata entregarqä.

¹⁰ Israel runakunata yanapänäpaq Jerusalénman chashqäta musyaykurmi horonita ayllu Sambalat y amonita ayllu autoridä Tobíaspis rabyakuyarqan.

¹¹ Jerusalénman chashqäpita kimsa junaqtanami

¹² juk ishkay runakunawan sakaypa rikapakuq yarquyarqä. Pitapis manami wilaparqäsu Jerusaléncho imata ruranäpaq Tayta Dios yarpayta qomashqantapis. Rikapakuq aywar noqalami cawallü loqash aywarqä.

¹³ Say sakaylami Raqra jutiyuq punkupa yarqur Dragón jutiyuq pözuläpa tumayarqä. Nirkurnami Qanra Jitakuna jutiyuq punku kaqman chäyarqä. Saypa purirmi rikayarqä Jerusalénpa murällan juchush kaykaqta y punkunkunapis rupash kaykaqta.

¹⁴ Saypitanami päsayarqä Pukyu jutiyuq punkuläpa y Rey Armakunan Pözu kaqläpapis. Saypitaqa cawallü päsananpaq näni manami karqannasu.

¹⁵ Saymi raqralanpa wisar perqa murälla imano kaykashqantapis rikapakuyarqä. Pasa manaraq waraptin rikapakur ushaskirmi Raqra jutiyuq punkupa kutiyarqä.

¹⁶ Saycho kaykaq autoridäkuna manami musyayarqansu rikapakur puriykashqäta. Sayyaqqa manaraqmi wilaparqäraqsu Israel runakunata, ni cürakunata, ni mayor runakunata, ni autoridäkunata, ni murällata alsayänanpaq kaqkunatapis.

¹⁷ Saypitanami paykunata nirqä: <>.

¹⁸ Saychömi paykunata wilaparqä Tayta Dios kuyapämar yanapämashqanta y rey imata nimashqantapis. Sayno wilaptïmi niyämarqan jukla yapay sharkasiyänäpaq. Saymi lapäkuna aruyänäpaq shakyäsinakuyarqä.

¹⁹ Sayta musyaykurmi horonita ayllu Sanbalat, amonita ayllu autoridä Tobías y Arabiapita kaq Gesem asipämar niyämarqan: <<¿Ima ruraytataq yarpaykäyanki? ¿Reypa contran sharkuytaku munaykäyanki?>>

²⁰ Saymi nirqä: <>.