Miqueas 6 - Tayta Diospa Wilakuynin

Israel runakuna defiendikuyänanpaq Tayta Dios nishqan

¹ Tayta Dios nishqanta wiyayay. Paymi nin: <

² Jirkakuna, kuyashqä runakunata shimpiptï wiyayämay. Pasata tuknaraq cimientukunapis, Israel runakunata cuentata manaptï wiyayay.

³ <

⁴ Egiptucho ashmay kaykäyashqaykipita salvashpämi qamkunata jorqamurqä. Noqami kachamurqä Moisésta, Aarónta y Maríata pushayämushunaykipaq.

⁵ Kuyashqä runakuna, yarpäyay Moab nacionpa mandaqnin rey Balac qamkunapa contrayki sharkushqanta. Sayno sharkuptinpis yarpäyay Beorpa surin Balaam maldicionashunaykipa trukan bendisishushqaykita. Yarpäyay Sitimpita Gilgalyaq Jordán mayuta imano päsayashqaykitapis. Saykunata yarparmi tantiyakuyanki noqa Tayta Diosniki qamkunata imaypis salvashqäta>>.

Tayta Dios imata munashqanpis

⁶ ¿Imalansiwanraq Tayta Diospa nawpanman chäshun? ¿Imalataraq munayyuq Tayta Diosta adoranansipaq apashun? ¿Sacrificiuta rupasinansipaq watayuq turïtukunatasuraq apapashun?

⁷ Waranqa (1,000) carnikunata pishtar paypaq rupasish ¿kushikunqasuraq? Chunka waranqa (10,000) mayukuna aywaykaqtano saysika aceitita altarman jichapash ¿kushikunqasuraq? Jusalikushqansipita qechpa surinsitapis wanurkasir rupasipash ¿kushikunqasuraq?

⁸ Tayta Dios imata munashqantapis nimashkansinami. Pay munaykan ali kaqlata ruranansita, runa mayinsita kuyapänansita y mana runa tukuypa pay nishqanta cäsukunansitami.

Jerusalén runakunata Tayta Dios castigananpaq nishqan

⁹ Jerusalén runakuna, Tayta Diosmi qayaykäyäshunki. Tantiyakuq runa karqa payta mansapakuyay. Qayakurmi nin: <

¹⁰ Wayikikunachöpis suwakuyashlaykimi kaykan. Saynöpis wayikikunacho kaykan runa mayikita engañayänaykipaq pësakunami.

¹¹ ¿Imanöpataq perdonäman runa mayinta pësuwan engañaqtaqa?

¹² Kay markacho kaq rïcu runakunaqa runa mayinta nakasiq, runa mayinta engañaq y lulakuqlami kaykäyan.

¹³ <

¹⁴ Mikurpis ukushnikita watarkunalaykipaq tarirmi malaqaykälar kawayanki. Cosëchata shuntayashqaykipis manami aypanqasu pirwayänaykipaq. Pirwakuyashqaykitapis guërracho vinciyäshushpaykimi apakuyanqa.

¹⁵ Mururpis manami cosechayankisu. Aceitünasta aqayaptikipis lushikuyänaykipaq aceiti manami kanqasu. Üvata jaruyaptikipis vïnuta upuyänaykipaq manami kanqasu.

¹⁶ <>.