Miqueas 5 - Tayta Diospa Wilakuynin

Israel runakunapa mandaqnin rey yurinanpaq nishqan

¹ 1 (4.14) Jerusalén runakuna, contraykikunata ichipäyänaykipaq kamarikuyay. Qamkunata atacayäshunaykipaq jäpa runakunami chäyämunqa. Paykunami vinciyäshushpayki mandayäshuqniki reyta qaqlancho fiyupa wiruyanqa.

² 2 (1) Belén Efrata marka, Judácho kaq wakin markakunapita mas takshala kaptikipis qamchömi Israel runakunapa mandaqnin rey yurinqa. Payqa unaypita pasami kaykan.

³ 3 (2) Itita warmi qeshyakushqanyaqlami contrankunapa makincho Israel runakunata Tayta Dios kacharinqa. Wamra yuriskiptinnami Israel runakuna mashtakash kaykäyashqanpita kutiyämunqa.

⁴ 4 (3) Say wamra winarkurnami Tayta Dios yanapaptin imayka uysha misiqnöpis kuyashqan runakunata shumaq rikanqa. Maysaychöpis runakuna payta adorayaptinmi Israel runakuna pitapis mana mansaypa jawkana kawakuyanqa.

⁵ 5 (4) Paymi salvamäshun jawka kawanansipaq. Say wisan Asiria runakuna markansita atacar palaciunsikunaman yaykayämuptinpis ichipäyänanpaq aska capitankunatami kachashun.

⁶ 6 (5) Say capitankunami espädankunawan Asiria runakunata vincirkur munayninman churayanqa. Saynöpami Nimrodpa markanpita salvamäshun.

Contrankunata Israel runakuna vinciyänanpaq nishqan

⁷ 7 (6) Jacobpita miraqkunata wakinta wanusiyaptinpis kawaykar quëdaqkunataqa maysay markakunachöpis alimi rikayanqa. Shulyapis tamyapis Tayta Diospa bendicionnin kashqannömi paykunapis lapan marka runakunapaq bendición kayanqa.

⁸ 8 (7) Mayqan markapis contran sharkur atacaptinqa munti uywakunata león atacaqnöraqmi Israel runakuna atacayanqa. Malta león uyshakunaman yaykur wanusir ushashqannömi paykunapis contrankunata wanusir ushayanqa. Kawaykaqtaqa manami juklaylatapis kachayanqasu.

⁹ 9 (8) Tayta Dios, saynöpami Israel runakunapa lapan contrankunatapis ushakäsinkipaq.

¹⁰ 10 (9) Say contran runakunatami Tayta Dios nin: <

¹¹ 11 (10) Markaykikunatapis y amparakuyänaykipaq sharkasiyashqayki jatun wayikunatapis lapantami juchusir ushakäsishaq.

¹² 12 (11) <

¹³ 13 (12) Adorayashqayki ïdulukunatapis y wankakunatapis ushakäsiptï kikikikuna rurayashqayki dioskunata manami imaypis adorayankinasu.

¹⁴ 14 (13) Asera diösapaq jawiyashqayki raku qerukunatapis lapantami ushakäsishaq. Markaykikunatapis lapantami juchusir ushashaq.

¹⁵ 15 (14) Fiyupa rabyashpämi mana cäsukamaq runakunataqa may markacho täyaptinpis castigashaq>>.