Miqueas 4 - Tayta Diospa Wilakuynin

Maysay nacionpitapis Jerusalénman Diosta adoraq aywayänanpaq nishqan

¹ Shamuq watakunachömi Tayta Diospa wayin kaykashqan lömaqa wakin lömakunapita mas respitash kanqa. Saymanmi maysay nacionpitapis runakuna Tayta Diosta adoraq aywayanqa.

² Saynölami Sión lömapita Tayta Diospa yachasikuyninta maysaymanpis apayanqa. Jerusalénpita pasami palabranta wilakuyanqa. Maysay nacionpita runakuna Jerusalénman aywarmi niyanqa: <>.

³ Aska nación runakuna chikinakuyaptinpis Tayta Diosmi arreglanqa. Say nacionkuna jatun y mayjina karucho kayaptinpis paymi juzganqa. Juk markawan juk marka guërrata manami rurayanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa. Guërracho pelyayänanpaqpis manami kamarikuyanqanasu.

⁴ Sayno kaptinmi runakuna mana mansariypanami kawayanqa. Üva jachapa y hïgus jachapa chakincho jawkanami jamapäyanqa. Lapanta mandaq Tayta Diosmi sayno kananpaq kashqanta nin.

⁵ Wakin marka runakuna diosninkunaman yärakuyaptinpis noqansiqa munayyuq Tayta Diosninsimanmi imaypis yärakushun.

Israel runakuna markanman kutiyänanpaq nishqan

⁶ Tayta Diosmi nin: <

⁷ Chakin pakish uyshano kayaptinpis y juklä markaman qarqush kayaptinpis yanapäshaqmi markanman kutir munayyuq rikakuyänanpaq. Nirkurnami Sión lömapita imayyaqpis paykunapa mandaqnin rey kashaq.

⁸ <

⁹ Sayno kananpaq kaykaptinqa ¿imanirtaq wachay nanaywan qaparaq warmino qaparaykanki? ¿Manaku mandashuqniki rey kan? ¿Yachaq runakuna wanukuyashku?

¹⁰ Sayno kaptinpis qamcho taq runakunata jäkuq jirkakunapa prësu aparmi Babilonia nacionman chäsiyanqa. Ay Sión, sayno kananpaq kaptinqa fiyupa lakikur wachay nanaywan qoshpaykaq warmi qaparashqanno qaparay. Juklä nacionman apayäshuptikipis contraykikunapa makinpitami Tayta Dios salvayäshunki>>.

¹¹ Kananqa aska nación runakunami shuntakaykur contrayki sharkuyash. Paykuna wilanakurmi nikäyan: <<¡Sión marka ushakaykaqta rikar kushipäshun!>>

¹² Isanqa say runakuna manami tantiyayansu Tayta Dios imata yarpaykashqantapis. Manami musyayansu trïguta wirunanpaq ëraman shuntaqno paykunata shuntar castigananpaq kashqanta.

¹³ Tayta Diosmi nin: <>.