Marcos 14 - Tayta Diospa Wilakuynin

Jesústa wanusiyänanpaq wilanakuyashqan

¹ Jesús sayno yachasirqan Pascua fiesta y Levadüraynaq Tantata Mikuna fiesta qalaykunanpaq ishkay junaq pishiykaptinmi. Say junaqkunami mandaq cürakuna y ley yachasiqkuna wilanakuyarqan runakunata mana musyasiylapa Jesústa imanöpapis sarir wanusiyänanpaq.

² Sayno wilanakurmi niyarqan: <>.

Jesúspa umanman perfümita winapashqan

³ Betania markacho leprösu niyashqan Simónpa wayincho Jesús kaykaptinmi juk warmi charqan alabastro rumipita rurash pömuwan perfümin aptash. Say perfümi nardupita rurash karmi selläma chanin karqan. Mësacho Jesús kaykaptinmi say warmiqa pömupa shiminta pakiskir Jesúspa umanman winaparqan.

⁴ Sayta rikarmi wakin saycho kaykaqkuna rabyanäyashpan niyarqan: <<¿Imapaqtaq say perfümita perdisish?

⁵ Saypa trukanqa juk wata arupakur gänashqansipita mascho rantikushwan karqan. Nirkur say qellaywanna muchuqkunata yanapashwan karqan>>. Sayno nirmi say warmita jamuräyarqan.

⁶ Saymi Jesús nirqan: <<¿Imanirtaq kay warmita jamuraykäyanki? Pay alitami rurash.

⁷ Muchuqkunaqa qamkunawanmi imaypis kaykäyanqa. Noqami isanqa qamkunawan kashaqnasu.

⁸ Pampash kanäpaqmi payqa perfümita winapaykäman.

⁹ Rasunpami nï: Maysaychöpis wilakuynïta wilakur kay warmi perfümita winapämashqantapis wilakuyanqami>>.

Jesústa rantikunanpaq Judas Iscariote conträtuta rurashqan

¹⁰ Jesúspa apostolnin Judas Iscariotimi mandaq cürakunaman aywaykur Jesústa entregananpaq nirqan.

¹¹ Saymi cürakuna kushikuyashpan pägayänanpaq niyarqan. Sayno niyaptinmi Judas yarpachakurqan Jesús kaqman imay höra pushananpaqpis.

Pascua mikuyta discïpulunkunawan Jesús mikushqan

¹² Levadüraynaq Tantata Mikuna fiesta qalaykunan junaqmi Pascuacho mikuyänanpaq carnishta pishtayaq. Say junaqmi discïpulunkuna Jesústa tapuyarqan: <> nir.

¹³ Sayno niyaptinmi Jesús ishkay discïpulunkunata nirqan: <

¹⁴ Saycho wayiyuqta niyanki: <¿Mayninchöshi cuartu kaykan discïpulunkunawan Pascua mikuyta Jesús mikunanpaq?>

¹⁵ Sayno niyaptikimi altuscho jatun cuartu kamarish kaykaqta rikasiyäshunki. Saycho mikunansipaq kamarikuyanki>>.

¹⁶ Saymi Jerusalénman discïpulunkuna aywayashpan Jesús nishqannöla tariykur Pascua mikuyta kamariyarqan.

¹⁷ Pasa sakaykaptinnami chunka ishkay discïpulunkunawan say wayiman Jesús chäyarqan.

¹⁸ Mikuykäyashqanchömi Jesús nirqan: <>.

¹⁹ Niptinmi lakikuyashpan juknin juknin Jesústa tapuyarqan: <<¿Noqasuraq kaykä?>> niyashpan.

²⁰ Saymi Jesús nirqan: <

²¹ Rasunpaypami Runapa Surinqa qelqaraykashqannöla nakar wanunqa. Payta prësusiq runami isanqa pasaypa kuyapaypaq kanqa. Say runaqa ama yurinmanpissu karqan>>.

Mushuq pactupita Jesús yachasishqan

²² Mikuykäyaptinmi tantata aptarkur Tayta Diosta Jesús päkilä nirqan. Tantata pakiparmi discïpulunkunata nirqan: <>.

²³ Saynölami vïnuyuq väsutapis aptarkur Tayta Diosta päkilä nirqan. Nirkurnami discïpulunkunata makyaptin lapan upuyarqan.

²⁴ Saypitanami nirqan: <

²⁵ Rasunpami nï: Tayta Dios mandaykashqancho mushuq vïnuta upushqäyaq manami vïnuta yapay upushaqnasu>>.

²⁶ Discïpulunkunawan salmukunata cantaskirnami Olivos lömaman aywayarqan.

Pedro ñëgananpaq kashqanta Jesús nishqan

²⁷ Saypitanami Jesús nirqan: <<[Kanan sakaymi] lapayki kachariykamar aywakuyanki. Tayta Diospa palabranchöpis kaynömi qelqaraykan: .

²⁸ Sayno kaptinpis wanushqäpita kawarirkamurmi qamkunapita mas puntata Galileaman aywashaq>>.

²⁹ Niptinmi Pedro nirqan: <>.

³⁰ Saymi Jesús nirqan: <>.

³¹ Sayno niptinmi Pedro nirqan: <>. Wakin kaq discïpulunkunapis saynölami niyarqan.

Getsemanícho Jesús manakushqan

³² Getsemaní nishqanman discïpulunkunawan chaykurmi Jesús nirqan: <>.

³³ Nirkurmi Pedruta, Santiaguta y Juanta washaläman pusharqan. Saychömi seqaypa lakikur

³⁴ nirqan: <>.

³⁵ Nirkur mas washaläman aywashpanmi pasaman lätakuykur Tayta Diosta manakurqan wanuypita salvananpaq.

³⁶ Manakurmi nirqan: <>.

³⁷ Saypita discïpulunkuna kaqman kutirmi punukash kaykäyaqta tarirqan. Saymi Pedruta nirqan: <

³⁸ Rikchayayna. Tayta Diosta manakuyay Satanásta ichipäyänaykipaq. Cäsukamayta munarpis kikilaykikunapitaqa manami kamäpakuyankisu>>.

³⁹ Sayno nirkurmi yapay aywashpan puntata manakushqannöla Tayta Diosta manakurqan.

⁴⁰ Saypita yapay kutirmi discïpulunkunata tarirqan punukash kaykäyaqta. Punuy pasaypa nitiptinmi punukash kaykäyarqan. Sayno kaykaqta tariykuptinmi ima niytapis kamäpakuyarqansu.

⁴¹ Kimsa kuti Diosta manakushqanpita kutirnami nirqan: <<¿Jinalaku punuykäyanki? ¡Rikchayayna! Höra chämushnami Runapa Surinta jusasapa runakunapa makinman entregananpaq.

⁴² ¡Sharkuyay, aywashunna! Entregamaq runa shamuykannami>>.

Jesústa prësu sariyashqan

⁴³ Jesús sayno parlaykaptinraqmi aska runakunata pushash apostolnin Judas Iscariote charqan. Say runakunatami espädankuna y garrutinkuna aptashta mandaq cürakuna, ley yachasiqkuna y Israel mayor runakuna kachayarqan.

⁴⁴ Manaraq charmi pushashqan runakunata yäsir Judas nirqan: <>.

⁴⁵ Saymi chaykur <<¡rabí!>> nishpan Jesústa musaykurqan.

⁴⁶ Sayno musaykuptinmi Jesústa prësu sariyarqan.

⁴⁷ Sariyaptinmi juk discïpulun espädanta jorqurir mas mandaq cürapa ashmayninpa rinrinta wallurirqan.

⁴⁸ Prësu sariyaptinmi runakunata Jesús nirqan: <<¿Imanirtaq suwamannöpis espädaykikunawan y garrutikikunawan shayämushkanki?

⁴⁹ Waran waran templu patiucho qamkunawan kaykaptï ¿imanirtaq saycho prësu sariyämarqaykisu? Isanqa Tayta Diospa palabran nishqannölami kaykuna päsaykäman>>.

⁵⁰ Jesústa prësu sariyaptinnami discïpulunkuna kachaykur qeshpir aywakuyarqan.

⁵¹ Juk maqtalami säbanasnin ayllushla qepanta aywarqan. Say maqtami prësu sariyta munayaptin

⁵² ayllurashqan säbanasta kachariykur qarapächula qeshpir aywakurqan.

Jesústa mas mandaq cüra tapushqan

⁵³ Saypitanami mas mandaq cüraman Jesústa apayarqan. Saymanmi mandaq cürakuna, Israel mayor runakuna y ley yachasiqkunapis shuntakäyarqan.

⁵⁴ Karu qepalanta aywarmi ruri patiuyaq Pedro yaykurqan. Yaykurirmi templu täpaq wardiakunawan ninacho mashakushpan jamaraykarqan.

⁵⁵ Saychömi mandaq cürakuna y lapan Sanedrín juezkuna Jesústa wanusiyta munar testïgukunata ashiyarqan lulakur Jesúspa contran parlayänanpaq. Mayjina ashirpis wanusish kananpaqnöqa manami ima jusantapis tariyarqansu.

⁵⁶ Manakaqkunata jitapäyashpan contran askaq sharkurpis kikinpurami apänakuyarqan.

⁵⁷ Saypitanami wakin runakuna manakaqta jitapäyashpan Jesúspa contran sharkur niyarqan:

⁵⁸ <>.

⁵⁹ Jesúspa contran sayno niyaptinpis manami wakin testïgukuna niyashqankunaman tinkurqansu.

⁶⁰ Saymi mas mandaq cüra sharkurkur Jesústa tapur nirqan: <>

⁶¹ Sayno tapuptinpis manami imatapis Jesús parlakurqansu. Saymi mas mandaq cüra yapay tapur nirqan: <<¿Qamku Diospa Surin Cristo kaykanki?>>

⁶² Sayno tapuptinmi Jesús nirqan: <>.

⁶³ Sayno niptinmi mas mandaq cüra fiyupa rabyashpan sotänantapis rachirir nirqan: <<¿Imapaqnataq mas testïgutapis ashishun?

⁶⁴ Wiyayashkankinami Tayta Diospa contran parlaykashqanta. Kanan ¿imatataq niyanki?>> Sayno niptinmi lapan niyarqan Jesústa wanusiyänanpaq.

⁶⁵ Saymi wakinkuna toqapäyashpan nawinta träpuwan wataparkur kutayarqan: <<¡Mä niyämay pï kutashushqaykitapis!>> niyashpan. Saynölami templu täpaq wardiakunapis maqayarqan.

Jesústa Pedro ñëgashqan

⁶⁶ Ruri patiucho Pedro kaykaptinmi mas mandaq cürapa ashmaynin warmi charqan.

⁶⁷ Ninacho mashakuykaqta rikaykurmi Pedruta nirqan: <>

⁶⁸ Sayno niptinmi Pedro ñëgashpan nirqan: <>. Sayno nishpanmi patiu yaykunaman witikurqan. Say hörami kakash cantarkurqan.

⁶⁹ Saychöpis say ashmay yapay Pedruta rikarmi saycho kaykaq runakunata nirqan: <<¡Kay runaqa Jesúswanmi purish!>>

⁷⁰ Sayno niptinmi mana reqishqanta Pedro yapay nirqan. Saypita mas rätulantami saycho kaykaq runakuna Pedruta yapay niyarqan: <>.

⁷¹ Sayno niyaptinmi Pedro jurashpan nirqan: <<¡Say runataqa manami reqïsu!>>

⁷² Say hörami kakash yapay cantarkurqan. Saymi Pedro yarparkurqan Jesús kayno nishqanta: <>. Sayta yarparkurmi seqaypa pësakushpan waqarqan.