Lucas 6 - Tayta Diospa Wilakuynin

Jamay junaqpaq Jesús munayyuq kashqan

¹ Jamay junaqchömi discïpulunkunawan Jesús päsaykäyarqan trïgu poquraykaq chakrakunapa. Saypa päsarmi discïpulunkuna trïguta palar kupa kupaskir uchuyarqan.

² Sayta rikarmi fariseukuna niyarqan: <<¿Imanirtaq jamay junaq kaykaptin leyninsita mana cäsukur trïguta palaykäyanki?>>

³ Saymi Jesús nirqan: <<¿Manaku imaypis liyiyashkanki yanapaqninkunawan David mikanar imata rurashqantapis?

⁴ Davidshi Tayta Diospa wayinman yaykur Diospaq churayashqan tantata mikunaq. Saynölashi yanapaqninkunatapis qaranaq. Say tanta manami David ni paywan kaykaq runakuna mikuyänanpaqsu karqan, saypa trukanqa cürakunalapaqmi>>.

⁵ Nirkur Jesús nirqan: <>.

Makin wanush runata jamay junaqcho Jesús aliyäsishqan

⁶ Saypita juk jamay junaqmi sinagögaman yaykur Jesús yachasirqan. Saychömi aluq kaq makin wanush runapis kaykarqan.

⁷ Sayta rikarmi ley yachasiq runakunawan fariseukuna Jesústa rikapaykäyarqan jamay junaqcho aliyäsiptinqa say achäquila contran sharkuyänanpaq.

⁸ Sayno yarpaykäyashqanta tantiyarmi makin wanush runata Jesús nirqan: <>. Sayno niptinmi say runa ichirkurqan.

⁹ Nirkurnami runakunata Jesús tapurqan: < nishwanku?>>

¹⁰ Nirkurmi saycho kaykaq runakunata rikärishpan makin wanush runata nirqan: <<¡Makikita joqariy!>> Joqarkuptinmi makin aliyaskirqan.

¹¹ Saypitanami fariseukuna fiyupa rabyakur Jesústa acusayänanpaq wilanakuyarqan.

Chunka ishkay apostolninkunata Jesús akrashqan

¹² Saypitanami jirkaman aywaykur Tayta Diosta manakuykar Jesús wararqan.

¹³ Pasa wararkuptinnami discïpulunkunata qayaykur chunka ishkayta akrarqan apostolninkuna kayänanpaq.

¹⁴ Paykunami kayarqan Simón (paytami jutinta churaparqan Pedro jutin kananpaq), Simónpa wawqin Andrés, Santiago, Juan, Felipe, Bartolomé,

¹⁵ Mateo, Tomás, Alfeupa surin Santiago, Zelote nishqan Simón,

¹⁶ Santiagupa surin Judas y Judas Iscariote. Paymi Jesústa rantikurqan.

Askaq runakunata Jesús aliyäsishqan

¹⁷ Apostolninkunawan jirkapita Jesús urämurnami pampacho tarirqan aska discïpulunkunawan saysika runakuna juntaraykäyaqta. Say runakunami shayämush kayarqan intëru Judea provinciapita, Jerusalénpita y lamar kuchuncho kaykaq Tiro y Sidón markakunapitapis. Paykuna juntakäyarqan Jesús yachasishqanta wiyayta munar y qeshyankunapita aliyayta munarmi.

¹⁸ Saychömi supay nakasishqan runakunatapis Jesús kachakäsirqan.

¹⁹ Lapan runakunata munayninwan aliyäsiptinmi pïmaypis Jesústa yataylapis yatayta munayarqan.

Kushikuyänanpaq y lakikuyänanpaq Jesús wilashqan

²⁰ Discïpulunkunata rikärirmi Jesús nirqan: <

²¹ <

²² <

²³ Sayno kaptinpis kushikuyay. Qamkunata gloriacho maynami premiuta Tayta Dios shuyaraykäsiyäshunki. Qamkunatanömi chikishuqnikikunapa unay ayllunkunapis Tayta Diospa profëtankunata nakasiyarqan>>.

²⁴ <<¡Wawalaw, rïcukuna! Qamkunaqa kay pasalachömi kushikuykäyanki.

²⁵ <<¡Wawalaw, pacha junta kawaqkuna! Qamkuna malaqäyankimi. <<¡Wawalaw, kay pasacho kushishla kawaqkuna! Qamkuna fiyupa lakikurmi waqayanki.

²⁶ <<¡Wawalaw, lapan runakunapita alabash kaqkuna! Qamkunatanölami lula profëtakunatapis unay aylluykikuna alabayarqan.

Chikimaqninsita kuyanansipaq Jesús yachasishqan

²⁷ <

²⁸ Ashliyäshuptikipis ali shimilaykipa parlapäyanki. Manakaqta tumpayäshuptikipis paykunapaq Tayta Diosta manakuyanki.

²⁹ Laqyayäshuptiki jukaq qaqlaykitapis kamapäyanki. Punchuykita qechuyäshuptiki chompaykitapis kachapariykuyanki.

³⁰ Imata manakuyäshuptikipis qoykuyanki. Imaykita qechuyäshuptikipis kachapariykuyanki.

³¹ Imanömi runa mayiki rikayäshunaykita munayanki, saynöla qamkunapis runa mayikita ali rikayanki.

³² <

³³ Ali kaqkunalawan ali kawarqa ¿ima alitataq ruraykäyanki? Jusasapa runakunapis saynölaqa kawayanmi.

³⁴ Gänayänayki kashla imatapis manarqa ¿alitasuraq ruraykäyanki? Jusasapa runakunapis gänayänan raykulaqa imatapis manaykuyanmi.

³⁵ <

³⁶ Taytayki kuyapäkuq kashqanno qamkunapis kuyapäkuq kayay.

Runa mayinsita mana jamuränansipaq Jesús nishqan

³⁷ <

³⁸ Ali runa kayaptikiqa Tayta Dios qamkunatapis jichay jichayta lipay lipaytami qarayäshunki. Melqaynikiman juntatami milqaparkuyäshunki. Runa mayikita imanöpis yanapäyashqaykiman tupumi qamkunatapis Tayta Dios yanapäyäshunki>>.

³⁹ Saynöpis tinkusiypa yachasirmi Jesús nirqan: <<¿Qapra runa qapra mayinta pushanmansuraq? Pushanakurqa ¿manasuraq pözuman ishkan jeqakurpuyanman?

⁴⁰ Mayqan yachakuqpis manami yachasiqninpita mastaqa yachansu. Sayno kaptinpis yachakurkurqa yachasiqninnönami yachanqa.

⁴¹ <

⁴² Nawikikunacho jatunkaray qeru jatiraykaptinqa ¿imanöparaq niyankiman: ? ¡Ishkay cära runakuna! Puntata nawikikunacho kaykaq qerutaraq jorquyay. Sayraqmi shumaq rikayanki runa mayikipa nawinpita shukata jorqupäyänaykipaq.

⁴³ <

⁴⁴ Wayuyninpami ima jachatapis reqinsi. Manami kashakunapitasu hïgusta palansi ni shirakakunapitasu üvata palansi.

⁴⁵ Ali runaqa shonqun alita yarpashqantami parlan y fiyu runaqa shonqun mana alita yarpashqantami parlan. Runaqa shonqun yarpashqantami alitapis o mana alitapis parlan.

Cäsukuq runa y mana cäsukuq runa imano kashqanpis

⁴⁶ < niyämanki?

⁴⁷ Nishqäkunata wiyakamaqkuna imano kayashqantapis kanan tantiyasiyäshayki.

⁴⁸ Juk runashi wayita sharkasinanpaq qaqata tarishqanyaq oqtiykur cimientuta perqanaq. Qaqa janancho shumaq perqash kaptinshi mayu jakashpan jaytarpis say wayita juchusinaqsu.

⁴⁹ Juk runanashi cimientuta mana perqaylapa aqusha janalancho wayita sharkasinaq. Sayno kaptinshi mayu jakar jaytaptin say wayi jukla juchunaq. Sayshi pasaypa kuyapaypaq kanaq. Saynömi nishqäkunata mana wiyakamaq runapis kanqa>>.