Lucas 24 - Tayta Diospa Wilakuynin

Jesús kawarimushqan

¹ Semäna qalaykunan junaqmi Jesús pamparashqan kaqman saka sakala warmikuna aywayarqan kamarikuyashqan mushkuq jachakunata apakurkur. [Paykunawanmi wakin warmikunapis aywayarqan.]

² Chaykurmi sepultüra saparaq rumi witisish kaykaqta tariyarqan.

³ Ruriman yaykuyashpan Señor Jesúspa ayanta manami tariyarqansu.

⁴ Mansakash kaykäyaptinmi ishkay runakuna chipipiykaq mödanash nawpankunacho yuriskiyarqan.

⁵ Sayta rikaykurmi seqaypa mansakäyashpan urkunpis pasaman töpashqanyaq qonqurpakuykuyarqan. Say runakunanami niyarqan: <<¿Imanirtaq kawaykaq runata ashiykäyanki wanushkuna pamparäyashqancho?

⁶ Manami kaychönasu. ¡Kawarimushnami! Yarpäyay Galileacho kayno niyäshushqaykita:

⁷ >>.

⁸ Sayno niyaptinmi say warmikuna Jesús nishqanta yarparkuyarqan.

⁹ Saypita kutiykuyashpannami chunka juk apostolkunata y saycho kaq runakunatapis wilayarqan rikayashqanta y wiyayashqanta.

¹⁰ Say warmikuna kayarqan María Magdalena, Juana, Santiagupa maman María y wakin warmikunapis.

¹¹ Warmikuna sayno wilayaptinpis juiciun oqrash japuy parlaykäyashqanta yarparmi criyiyarqansu.

¹² Wakin mana criyiyaptinpis Pedrumi isanqa Jesús pamparashqanman cörrila aywarqan. Uchkuman watqaykurmi säbanaslatana rikar espantash kutikurqan.

Emaúsman aywaqkunata Jesús yuripashqan

¹³ Say junaqmi Jesúspa ishkay qatiraqninkuna Emaús markapa aywaykäyarqan. Emaús karqan Jerusalénpita ishkay lëwanölami.

¹⁴ Paykunaqa Jerusaléncho lapan päsashqankunata parlaraykarmi aywaykäyarqan.

¹⁵ Sayno parlaraykar aywaykäyaptinmi Jesús yuripaskir paykunawan aywarqan.

¹⁶ Rikaykarpis Tayta Dios mana permitiptinmi Jesús kashqanta tantiyayarqansu.

¹⁷ Saymi Jesús tapur nirqan: <<¿Imata parlartaq aywaykäyanki?>> Sayno niptinmi aywaykäyashqancho lakish ichiskiyarqan.

¹⁸ Saymi Cleofas jutiyuq runa nirqan: <>

¹⁹ Niptinmi Jesús tapur nirqan: <<¿Imataq kash?>> Sayno tapuptinmi niyarqan: <

²⁰ Paytami mandaq cürakuna y autoridäninsikuna Pilatuman apayaptin crucificaypa wanusiyash.

²¹ Noqakuna yarpäyarqä chikimaqninsipa munayninpita jorqamänansipaq kashqantami. Kananwanqa kimsa junaqnami payta wanusiyashqan.

²² Manami saylasu. Yanapäyämaq warmikunami mana criyiypaqta wilayämash. Kanan tuta saka sakala Jesús pamparashqanman aywarshi

²³ ayanta tariyashnasu. Saychöshi angilkuna yuripaykur Jesús kawarimushqanta wilayash. Saykunatami kutimur wilayämash.

²⁴ Saymi wakin kaq discïpulu mayïkunapis pamparashqanman aywar warmikuna wilakuyashqannöla Jesúspa ayanta tariyashsu>>.

²⁵ Saymi Jesús nirqan: <<¿Juiciuynaqku kayanki mana tantiyayänaykipaq? Profëtakuna wilakuyashqanta ¿imanirtaq criyiyankisu?

²⁶ ¿Manaku musyayanki Cristo wanurkurraq lapanpaq munayyuq kananpaq kashqanta?>>

²⁷ Sayno nishpanmi Moisés qelqashqanpita qalaykur profëtakuna qelqayashqanyaq paykunata tantiyasirqan Cristupaq imata nishqantapis.

²⁸ Emaús markaman chaykuyaptinnami paykunapita Jesús päsaq tukurqan.

²⁹ Saymi ruwar niyarqan: <>. Sayno niyaptinmi paykunawan posädakunanpaq markaman yaykuyarqan.

³⁰ Saypita mësaman jamaykurnami tantata aptarkur Tayta Diosta päkilä nirqan. Nirkurnami pakiskir paykunata aypurqan.

³¹ Say hörami Jesús kashqanta tantiyaskiyarqan. Jesúsnami elaqaskirqan.

³² Saymi kikinpura parlar niyarqan: <<¡Jesús kaptinchir Tayta Diospa palabranta parlapämash nänicho shonqunsipis akaqyarqan!>>

³³ Saymi jinan höra Jerusalénman kutiyarqan. Chaykurnami tariyarqan chunka juk apostolkunawan wakin runakunapis kaykäyaqta.

³⁴ Saycho shuntaraykaqkunami niyarqan: <<¡Rasunpaypami Señor Jesús kawarimush! ¡Simóntapis yuripashqami!>>

³⁵ Niyaptinnami Emaúspita kutiqkunapis wilapäyarqan nänicho ima päsashqanta y tantata pakishqan höra Jesústa reqiyashqantapis.

Apostolninkunata Jesús yuripashqan

³⁶ Sayno parlaykäyaptinmi paykunapa chawpincho Jesús yuriparkur nirqan: <>.

³⁷ Sayno yuripaskiptinmi alma kashqanta yarpäyashpan fiyupa mansakäyarqan.

³⁸ Saymi Jesús nirqan: <<¿Imanirtaq mansakash kaykäyanki? ¿Imanirtaq noqa kashqäta criyiyankisu?

³⁹ Makïta chakïta rikayay. ¡Noqami kä! ¡Yatayämay! Rikayämashqaykinöpis manami almasu kä. Almaqa aysaynaq y tuluynaqmi>>.

⁴⁰ Sayno nirmi makinta y chakintapis rikasirqan.

⁴¹ Rikaykarpis pasaypa kushikuyashpanpis manami criyiyarqanraqsu pay kashqanta. Saymi Jesús tapurqan: <<¿Imalapis kanku mikurkunäpaq?>>

⁴² Sayno niptinmi qarayarqan juk pedäzu kankash pescädutawan [abëjapa mishkinta].

⁴³ Say qarashqantami lapanpa nawpancho mikurqan.

⁴⁴ Mikuskirnami nirqan: <>.

⁴⁵ Nirkurmi Tayta Diospa palabranta tantiyasir

⁴⁶ nirqan: <

⁴⁷ Saynöpis nikan Jerusalénpita qalaykur lapan markakunacho wilakuyänanpaq kashqanta y paypa jutincho wilakuyaptin runakuna jusankunata wanakur perdonashna kayänanpaq kashqanta.

⁴⁸ Lapan ima päsamashqantapis rikash karmi wilakuyänaykipaq testïgu kaykäyanki.

⁴⁹ Qamkunamanmi kachamushaq Taytä promitishqan Espíritu Santuta. Isanqa Jerusalénlacho shuyaraykäyay munayninta chaskiyashqaykiyaq>>.

Gloriaman Jesús kutishqan

⁵⁰ Saypitanami discïpulunkunata Jesús pusharqan Betaniaman. Saychönami makinta joqarkur paykunapaq Tayta Diosta manakurqan.

⁵¹ Sayno manakuykaptinmi gloriamanna Tayta Dios shuntakurqan.

⁵² Saycho discïpulukuna Jesústa adoraskirmi Jerusalénman kushish kutikuyarqan.

⁵³ Saypitanami Tayta Diosta alabayänanpaq waran waran templuman shuntakäyaq. [Amén.]