Lucas 21 - Tayta Diospa Wilakuynin

Muchuq viüda ofrendashqan

¹ Saypitanami templucho Jesús rikarqan ofrenda winakuyänan babulman rïcu runakuna ofrendata winaykäyaqta.

² Saynöpis rikarqan muchuq viüdata ishkay centävulata winaykaqta.

³ Saymi Jesús nirqan: <

⁴ Wakinkunaqa pusuq qellaylantami winayash. Kay viüdami isanqa saylana rantipakunanpaq kaykaptinpis lapanta winash>>.

Templuta juchusiyänanpaq kashqanta Jesús wilashqan

⁵ Templu perqaraq rumikuna kuyaylapaq kashqanta y templu shumaq adornash kashqanta parlayaptinmi Jesús nirqan:

⁶ <>.

Manaraq kutimuptin imano kananpaq Jesús nishqan

⁷ Saymi Jesústa tapuyarqan: <>

⁸ Sayno niyaptinmi Jesús nirqan: < nir y nir. Sayno niyäshuptikipis ama chaskipäyankisu.

⁹ Guërra kashqanta y wanusinakuy kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu>>.

¹⁰ Mastapis Jesús nirqan: <

¹¹ Pasapis fiyupami kuyunqa. Muchuypis y pestipis maysaychömi kanqa. Jana pasachöpis mansariypaq señalkunami rikakämunqa.

¹² <

¹³ Saynöpami wilakuynïta paykunatapis wilapäyanki.

¹⁴ Saycho imata parlayänaykipaqpis ama yarpachakuyankisu.

¹⁵ Noqami tantiyasishayki imata niyänaykipaqpis. Saymi chikiyäshuqnikikunapis ima niytapis kamäpakuyanqasu.

¹⁶ <

¹⁷ Noqaman yärakayämashqaykipitami pïmaypis chikiyäshunki.

¹⁸ Sayno kaptinpis Tayta Dios manami kachaykuyäshunkisu. Manami juk aqsalaykipis oqrakanqasu.

¹⁹ Imano nakarpis yärakamarqa salvakuyankimi.

²⁰ <

²¹ Sayno kaykaqta rikar Judea markakunacho taqkuna jirkakunapa qeshpir aywakuyäsun. Jerusaléncho taqkunapis qeshpir aywakuyäsun. Chakrakunacho kaykaqkunapis markaman ama kutiyäsunsu.

²² Say junaqkuna fiyupa castïgu kaptinmi Tayta Diospa palabrancho qelqaraykaqkuna lapanpis cumplikanqa.

²³ <<¡Ay imanöraq nakaykuyanqa qeshyaq warmikuna y iti wawayuq warmikuna! Maysaychöpis Israel runakunata Tayta Dios castigaptin fiyupami nakayanqa.

²⁴ Wakintami espädawan wanusiyanqa y wakin kaqtanami maysay nacionkunapa prësu apayanqa. Tayta Diosta mana cäsukuq runakunami Jerusalénta munaynincho sararäyanqa imayyaqpis Tayta Dios nishqanyaq.

Jesucristo kay pasaman kutimunanpaq kashqan

²⁵ <

²⁶ Jana pasapis suksukyaptinmi imapis kay pasata päsananpaq kashqanta yarpar runakuna pasaypa mansariywan pitiyanqa.

²⁷ Saypitanami runakuna rikayanqa Runapa Surin pukutay janancho chipipiykar seqaypa munayyuq shamuykaqta.

²⁸ Say nishqänöla lapanpis qalaykuptin valorta sarir kushikuyanki. Saykunata rikarmi musyayanki nakaykunapita Tayta Dios salvayäshunaykipaqna kaykashqanta>>.

²⁹ Saynölami tinkusiypa yachasir Jesús nirqan: <

³⁰ Raprankuna chinkimuqta rikarmi usya tiempu qalaykunanpaqna kashqanta musyayanki.

³¹ Saynölami nishqäno päsaykashqanta rikar musyayanki Tayta Dios mandaykashqan cercachöna kashqanta.

³² Rasunpami nï: Kanan tiempu runakuna manaraq ushakaptinmi lapan nishqäkuna cumplikanqa.

³³ Jana pasa y kay pasa ushakaptinpis noqa nishqäkuna manami ushakanqasu.

³⁴ <

³⁵ Elaqpita uywata trampa sarishqannömi kay pasacho lapan runakunata say junaq elaqpita sapunqa.

³⁶ Sayno kananpaq kaykaptinqa Tayta Diosta imaypis manakur kamarikushla kaykäyay. Saynöpami shamunanpaq kaq nakaykunapita qeshpir Runapa Surinpa nawpancho kushikuyankipaq>>.

³⁷ Junaqpami templucho Jesús yachasiq y sakaypanami Olivos lömaman aywaq saycho posädakunanpaq.

³⁸ Jesús yachasishqanta wiyayänanpaqmi tuta tutala lapan runakuna templuman aywayaq.