Lucas 2 - Tayta Diospa Wilakuynin

Jesús yurishqan

¹ Say wisanmi Augusto César wilakasirqan mandashqan nacionkunacho lapan runakuna censakuyänanpaq.

² Say punta kaq censakuy karqan Cirenio jutiyuq runa Siria provinciacho gobernador kaykaptinmi.

³ Saymi lapan runakuna unay ayllunkunapa markankunaman censakuq aywayarqan.

⁴ Unay ayllun rey David Beléncho yurish kaptinmi Josépis Galileacho kaykaq Nazaretpita Judeacho kaykaq Belénman censakuq aywarqan.

⁵ Warmin kananpaq parlakushna karmi Maríatapis pusharqan. Say junaqkuna qeshyaq juntanami María kaykarqan.

⁶ Beléncho kaykäyaptinnami killan tinkuskiptin nanay sarirqan.

⁷ Saychönami qechpa wawanta qeshyakurqan. Qorpakuna punukuyänancho posäda mana kaptinmi incharkur uywakuna mikukunalaman punuykasirqan.

Uysha täpaqkunata angilkuna yuripäyashqan

⁸ Say sakaymi Belén marka washa läduncho uyshayuqkuna uyshankunata täpaykäyarqan.

⁹ Sayman ángel yuriparkuptinmi Tayta Diospa chipipiynin asikyapaykurqan. Sayta rikaykurmi uysha täpaqkuna fiyupa mansakäyarqan.

¹⁰ Saymi ángel nirqan: <

¹¹ Kananmi rey Davidpa markancho juk salvador yurish. ¡Payqa Señorninsi Cristumi!

¹² Say ititami tariyanki uywakuna mikukuyänalancho inchash punuraykaqta. Saycho tarirmi wilashqä rasunpaypa kashqanta musyayanki>>.

¹³ Ángel sayno nikaptinmi saysika angilkuna elaqpita yuriskir Tayta Diosta alabar niyarqan:

¹⁴ <<¡Jana pasacho kaqkuna Tayta Diosta alabaykuyäläsun! ¡Kay pasachöpis Tayta Dios kuyashqan kaqkunapaq ali kaway kaykuläsun!>>

¹⁵ Angilkuna jana pasaman kutiskiyaptinmi uysha täpaqkuna jukninpis jukninpis ninakuyarqan: <>.

¹⁶ Sayno nir warakayla aywayashpanmi iti wamra uywakuna mikukunalancho punuraykaqta tariyarqan. Josépis, Maríapis saychömi kaykäyarqan.

¹⁷ Tariykurmi wilayarqan itipaq ángel wilashqanta.

¹⁸ Saymi lapan wiyaqkuna kushikuyarqan.

¹⁹ Maríanami shonqulancho lapanta yarparaykarqan.

²⁰ Ángel wilashqannöla lapantapis tariykurmi uysha täpaqkuna rikayashqanpita y wiyayashqanpita Tayta Diosta alabaraykar kutikuyarqan.

Jesústa templuman apayashqan

²¹ Saypita puwaq junaqyuq kaykaptinmi itipa penqaynincho señalasiyarqan. María manaraq qeshyaq kaptin ángel nishqannölami jutinta churayarqan Jesús kananpaq.

²² Moisés qelqashqan leykunacho nishqannölami María qeshyakushqanpita purificakunan junaq chämuptin Joséwan María Jerusalén templuman itita apayarqan Tayta Diospa munayninman churayänanpaq.

²³ Sayno apayänanpaqmi Diospa leynincho nikan: <>.

²⁴ Saynöpis Diospa leynincho nikan: <>. Say nishqantapis cumpliyänanpaqmi templuman aywayarqan.

²⁵ Say wisanmi Jerusaléncho Simeón jutiyuq runa tarqan. Paymi alilata rurashpan Tayta Diosman yärakur kawarqan. Saynöpis Israel runakuna nakaykäyashqanpita Cristo jorqunanpaq kashqantami shuyakuykarqan. Espíritu Santupa munayninchömi pay kawaq.

²⁶ Paytami Espíritu Santu musyasirqan Tayta Dios kachamushqan Cristuta rikaykurraq wanunanpaq kashqanta.

²⁷ Sayno tantiyasiptinmi templuman Simeón aywarqan. Saymannami Maríawan José Tayta Diospa leynincho nishqanta cumpliyänanpaq Jesústa chäsiyarqan.

²⁸ Saychömi itita marqarkur Tayta Diosta alabar Simeón nirqan:

²⁹ <

³⁰ Kachamushqayki salvadorta rikashkänami.

³¹ Payta kachamushkanki maysaycho taq runakunata salvanaykipaqmi.

³² Mana Israel runakunapaqpis aksimi kanqa. Pay kayninpami kuyashqayki Israel runakunapis reqish kayanqa>>.

³³ Simeón nishqankunata wiyarmi Joséwan María kushikuyarqan.

³⁴ Nirkurmi Tayta Diosta Simeón manakurqan bendicionninta paykunaman churamunanpaq. Jesúspa maman Maríatami nirqan: <

³⁵ Saynöpami runakuna alita o mana alita yarpäyashqanpis musyakanqa. Sayno päsaptinmi shonquyki espädawan tuksishnöraq nananqa>>.

³⁶ Templu patiuchömi Tayta Diospa profëtan Ana jutiyuq chakwanpis kaykarqan. Paypa taytanmi Aser trïbupita Fanuel karqan. Payqa qanchis watalami runanwan tarqan.

³⁷ Saypita puwaq chunka chusku (84) watanami viüdala täkurqan. Templu patiupita mana yarquypami paqasta junaqtapis ayunashpan Tayta Diosta manakuq.

³⁸ Simeón manakuyta ushaskiptinmi Anapis Jesús kaqman chaykur Tayta Diosta agradëcikurqan. Nirkurmi Tayta Dios kachamushqan Cristuta shuyaraykaq runakunata nirqan: <>.

³⁹ Tayta Diospa leynincho nishqanno cumplirkurnami Joséwan María Galileacho kaykaq Nazaret markanman kutikuyarqan.

⁴⁰ Tayta Dios yanapaptinmi winaylanta shumaq yarpayyuq y kalpayuq Jesús rikakurqan.

Templucho Jesústa tariyashqan

⁴¹ Cada watami Jesúspa taytanwan maman Pascua fiestapaq Jerusalénman aywayaq.

⁴² Chunka ishkay watayuqna kaykaptinmi Israel runakunapa costumbrin kashqanno Pascua fiestaman Jesústapis pushayarqan.

⁴³ Fiesta ushaynami Joséwan María markanpana kutikuyarqan. Jerusaléncho Jesús quëdakushqantaqa manami cuentata qokuyarqansu.

⁴⁴ Saymi wakin runakunawan Jesús aywaykashqanta yarpäyashpan juk junaq qoyati aywaykashqanchöraq Jesústa watukayarqan. Saymi ayllunkunacho y reqinakuyashqanchöpis ashiyarqan.

⁴⁵ Mana tariykurmi Jerusalénman ashiq kutiyarqan.

⁴⁶ Kimsa junaqtaraqmi templucho kaykaqta Jesústa tariyarqan. Saychömi ley yachasiqkunawan tapunakur jamaraykänaq.

⁴⁷ Ali yachaq kaptin y tapuyashqanta contestaptinmi wiyaqkuna espantash rikakuyarqan.

⁴⁸ Saycho tariykurmi taytanwan maman fiyupa espantash rikakuyarqan. Mamanmi nirqan: <<¿Imanirtaq kaycho quëdakuykurqayki, hïju? Fiyupa lakishqami ashir puriyashkä>>.

⁴⁹ Sayno niptinmi Jesús nirqan: <<¿Imanirtaq ashiyämashkanki? ¿Manaku musyayanki Taytäpa wayincho kanäpaq kashqanta?>>

⁵⁰ Sayno niptin paykuna manami tantiyayarqansu imanir sayno nikashqantapis.

⁵¹ Saypitanami paykunawan Nazaretman Jesús kutikur mandunta rurar tarqan. Mamanqa lapan ima päsashqankunatapis shonqulanchömi yarpararqan.

⁵² Winaylantami Jesús mas yachaq rikakurqan. Saymi Tayta Diospis y runakunapis kuyayarqan.