Levítico 9 - Tayta Diospa Wilakuynin

Sacrificiukunata rupasir Aarón qalaykushqan

¹ Saypita puwaq junaqtami Moisés qayarqan Aarónta, surinkunata y Israel mayor runakunatapis.

² Nirkurnami Aarónta nirqan: <

³ Israel runakunatanapis niy purificasina sacrificiupaq juk chïvuta y rupasina sacrificiupaqpis juk watayuq sänu turïtuta y juk watayuq sänu carnishta apayämunanpaq.

⁴ Saynöla jawka kawakuy sacrificiupaqpis juk töruta y juk carnita apayämusun. Lapan saykunata Tayta Diospa nawpancho pishtayanki. Saynöla aceitiwan sapush jarinatapis apayämusun. Sayno apayämusun Tayta Dios kanan junaq noqansiman chämunanpaq kaptinmi>>.

⁵ Sayno niptinmi Aarónta Moisés nishqannöla Israel runakuna saykunata apayarqan Tinkuna Toldu patiuman. Lapan runakuna Tayta Diospa nawpanman shuntakäyaptinmi

⁶ Moisés nirqan: <>.

⁷ Nirkurnami Aarónta Moisés nirqan: <>.

⁸ Sayno niptinmi purificasina sacrificiupaq apamushqan turïtuta altarman apaykur Aarón pishtarqan.

⁹ Saypitanami pishtashqan uywapa yawarninta Aarónpa surinkuna apapäyarqan. Saymi dëdunta yawarman jatirkur altarpa waqrankunata Aarón lushiparqan. Pusuq yawartanami altarpa chakinman talirqan.

¹⁰ Nirkurnami purificasina sacrificiupaq pishtashqan uywapa rurunninkunata, natinnincho kaykaq wiranta y wakin wirantapis altarcho rupasirqan. Moisésta Tayta Dios nishqannölami lapanta rurarqan.

¹¹ Aysantawan qarantami isanqa campamentupita jukläman apaykur rupasirqan.

¹² Nirkurnami rupasina sacrificiupaq apamushqan uywata Aarón pishtarqan. Say uywapa yawarninta surinkuna makyayaptinmi altarpa lädunkunata saqsuparqan.

¹³ Saypitanami say uywapa umanta y cuartusashqan aysata apapäyaptin Aarónqa altarcho rupasirqan.

¹⁴ Pachantawan chakinkunata maylaskir wakinta rupasishqannölami altarcho rupasirqan.

¹⁵ Nirkurnami purificasina sacrificiupaq Israel runakuna apayämushqan chïvuta pishtaskir purificasina sacrificiuta puntata rurashqannöla Israel runakunapaqpis rurarqan.

¹⁶ Saypitanami imaypis rurananpaq Tayta Dios nishqannöla rupasina sacrificiuta rupasirqan.

¹⁷ Tutapa rupasina sacrificiuta rupasishqan jananchömi juk aptay saki mikuytapis rupasirqan.

¹⁸ Saypitanami Israel runakuna jawka kawakuy sacrificiupaq apayämushqan törutapis carnitapis Aarón pishtarqan. Say uywakunapa yawarninta surinkuna makyayaptinmi altarpa lädunkunata saqsuparqan.

¹⁹ Saynölami surinkuna makyayarqan törupawan carnipa chupanta, pacha wiranta, rurunkunata y natinnincho kaykaq wirantapis.

²⁰ Say wirankunatami pishtashqan uywakunapa qasqunkuna jananman churayarqan. Nirkurnami wiralantana altarcho Aarón rupasirqan.

²¹ Qasqunkunata y aluq kaq chankantanami Moisésta Tayta Dios nishqannöla joqarkur wakman kayman kuyusirqan.

²² Purificasina sacrificiupaq, rupasina sacrificiupaq y jawka kawakuy sacrificiupaq apayämushqankunata altarman churarkurmi Israel runakuna jananpa makinta joqarkur paykunata Aarón bendicionta qorqan. Saypitanami altar nawpanpita urarkur

²³ Tinkuna Tolduman Aarónwan Moisés yaykuyarqan. Saypita yarqaskamur Israel runakunata bendicionta qoptinmi Tayta Diospa chipipiynin rikakämurqan.

²⁴ Tayta Diospa nawpanpita nina yarqamurmi altarcho kaykaq aysatawan wirata rupaskirqan. Sayta rikaykurmi lapan Israel runakuna kushikuypita qaparar Tayta Diosta adorayashpan lätakuykuyarqan.