Levítico 25 - Tayta Diospa Wilakuynin

Chakrata jamasiyänanpaq nishqan

¹ Sinaí jirkachömi Moisésta Tayta Dios nirqan:

² <

³ Soqta watami chakrakunata muruyanki. Üva plantakunatapis soqta watalami rämapar wayuyninta palayanki.

⁴ Qanchis kaq watachöqa Tayta Diosta cäsukur chakraykikunata jamasiyanki. Say wataqa ama imatapis muruyankisu ni üva plantakunatapis rämapäyankisu.

⁵ Shiwa winamuq trïgutapis ama shuntayankisu. Rämapäni wayuq üvatapis ama palayankisu. Say wataqa chakra jamakunqa.

⁶ Mana pirwayaptikipis y mana churayaptikipis shiwa winamuqkuna y rämapäni wayuq üvakunami mikuyänaykipaq aypanqa. Saynöpis aypanqa ashmayniki warmipis olqupis mikuyänanpaq, minkaynikikuna mikuyänanpaq y qamkunacho taq jäpa runakuna mikuyänanpaqpis.

⁷ Uywaykikuna y jirka uywakuna mikuyänanpaqpis aypanqami.

Jubileo wata imano kananpaq nishqan

⁸ <<

⁹ Say watakuna päsarkuptinmi qanchis kaq killa chunka junaqcho cornëtata maysaychöpis tukasiyanki. Say junaqmi Israel runakuna purificash kayänanpaq kaq junaq kanqa.

¹⁰ Say junaqmi qalaykunqa sagrädu Jubileo wata. Jubileo wata kaptinmi lapanpis ashmay kayashqanpita ayllunkunaman librina kutikuyanqa. Pï runapis chakranta rantikush karqa chakranta shuntakunqanami. Cada pisqa chunka (50) watachömi sayno kanqa.

¹¹ <<

¹² Say wataqa sagrädu kar qamkunapaq Jubileo watami kanqa. Mikuytapis mikuyanki chakraykikunacho shiwa wayushlanta y rämapäni üvakuna wayushlantami.

¹³ <<

¹⁴ Sayno kaptinqa manaraq Jubileo wata chämuptin pipis chakrata rantir o rantikurqa aykacho rantikunanpaqpis shumaq yarpachakusun. Runa mayinta aläpa chanincho pipis rantikunmantaq.

¹⁵ Jubileo watacho chakrata kutisinanpaq ayka wata pishiykashqantapis yupaskir rantiq runa preciunta päganqa. Rantikuq kaqpis preciunta churanqa ayka kuti chakrata murunanpaq kashqantapis yupaskir.

¹⁶ Aska wata murunanpaq kaptinqa masmi chanin kanqa. Walka watalana murunanpaq kaptinqa mënusmi chanin kanqa. Ayka wata murunanpaq kashqantapis yupaskirmi chakrata rantikunqa.

¹⁷ <<

¹⁸ Leynïkunata cäsukur nishqäkunata cumpliyanki. Cumpliyashpaykiqa nacionnikicho alimi kawayanki.

¹⁹ Chakraykikunapis ali wayuptin pacha junta mikurmi jawkala kawayanki.

²⁰ << >

²¹ Saypita ama lakikuyankisu. Soqta kaq watacho chakrayki ali wayunanpaqmi bendicionnïta churamushaq. Saymi cosechar saysikata shuntayanki kimsa wata cosechar shuntayänaykipaq kaqtano.

²² Saymi soqta kaq watacho pirwayashqayki aypanqa puwaq kaq watachöpis mikuyänaykipaq. Saynölami murupakuyashqayki poqumushqanyaq esqun kaq watacho mikuyänaykipaqpis maran aypanqa>.

Rantikuyashqan chakranta y wayinta shuntakuyänanpaq nishqan

²³ <

²⁴ Rantiyashqayki chakrata rantikuyta munarqa punta kaq duëñunta munasiyanki.

²⁵ <

²⁶ Chakranta rantinanpaq pïninpis mana kaptinqa shuntakunanpaq punta kaq duëñunmi qellayta puestunqa.

²⁷ Nirkur rantikuyta munaq runata qellayninta kutisinqa Jubileo wataman chänanpaq ayka wata pishishqantapis cuentata jorquskir. Saynöpami chakranta shuntakunqa.

²⁸ Chakranta shuntakunanpaq qellayta mana aypäsiptinqa Jubileo wata chämushqanyaqmi rantiqpa makilancho kakunqa. Say wata chämuptinnami punta kaq duëñun shuntakunqa.

²⁹ <

³⁰ Watayaq wayinta mana shuntaptinqa rantiqpaq y paypita miraqkunapaqnami kanqa. Jubileo wata chämuptinpis manami shuntanqanasu.

³¹ Muralläni markakunacho kaq wayikunatami isanqa chakrata shuntashqannöla Jubileo wata chämuptin punta kaq duëñun shuntakunqa.

³² <

³³ Shuntakuyta munaptinqa wayinta rantiq runa Jubileo wata chämuptin kutisinqa. Levitakunapaqa markancho wayilanmi herencian kaykan. Israel nacioncho paykunapaq manami mas ima herencianpis kansu.

³⁴ Levitakunapa markankunacho uysha misikuyänanta ama rantikuyanqasu. Sayqa paykunapami imaypis kanqa.

Pobrikunata yanapäyänanpaq nishqan

³⁵ <

³⁶ Imata rantikurpis aläpa chaninchöqa ama rantikuyankisu. Qellayta manarpis wachayninta ama manayankisu. Saypa trukanqa mansapakamar markaykikunacho jawka täyänanpaq Israel mayikita yanapäyanki.

³⁷ Yapaymi nï: Qellayta manarqa wachayninta ama manayankisu. Mikuyta rantikurpis aläpa chanintaqa ama cobrayankisu.

³⁸ Egiptupita jorqamuq Tayta Diosnikimi kä. Qamkunata jorqamushkä Canaánta qoykunäpaq y Diosniki kanäpaqmi.

³⁹ <

⁴⁰ Saypa trukanqa arupakuqtanöla arusiyanki y qorpatanöla rikayanki. Jubileo watayaqlami arupäyäshunki.

⁴¹ Saypitaqa librinami surinkunawan juntu chakranman y ayllunkunaman kutikunqa.

⁴² Israel runakunaqa ashmaynïmi kaykäyan. Noqata sirviyämänanpaqmi Egiptupita jorqamushkä. Saymi Israel mayikikunata ashmay kayänanpaq rantikuyankisu.

⁴³ Tayta Diosniki kaptï mansapakamar Israel mayikikunata ama nakasiyankisu.

Ashmayyuqkunapaq yäsikuy

⁴⁴ <

⁴⁵ Saynöpis ashmaynikikuna kayänanpaq rantiyanki qamkunacho taq jäpa runakunata y nacionnikicho yuriq surinkunata.

⁴⁶ Wanushpaykiqa surikikunata sirvinanpaqpis kachapaykuyanki. Paykunami imaypis sirviqninkuna kayanqa. Israel mayikitami isanqa nakasiyankisu ni ashmaynikipaq sararäkuyankisu.

⁴⁷ <

⁴⁸ Israel mayikipa derëchun kaykanmi ayllunkuna pägaykur jorqunanpaq. Sayno jorqunman wawqin,

⁴⁹ tiyun, prïmun o mayqan legïtimu ayllunpis. Qellaynin kaptinqa kikin ashmaypis pägaykur libri yarqukunqa.

⁵⁰ Libri kananpaq yarqukuyta munar patronninwan cuentata jorqunqa Jubileo watapaq ayka wata pishiykashqantapis. Say pishiykaq watakunapita patronninta päganqa jornal ayka kashqantapis cuentata jorquskirmi.

⁵¹ Jubileo wata chämunanpaq ayka wata pishishqan tupumi patronninta päganqa. Aska wataraq pishiptinqa mastami päganqa.

⁵² Mënus watalana pishiptinqa mënustami päganqa. Saynöpami mana arupashqan kaq watakunapita päganqa.

⁵³ Patronqa say ashmayninta minkaytanöla mana nakasiypa ali rikanqa.

⁵⁴ <

⁵⁵ Manami pipapis ashmaynin kayänanpaqsu Israel runakunata Egiptupita jorqamushkä, sinöqa noqata sirviyämänanpaqmi. Noqami Tayta Diosniki kaykä.