Levítico 16 - Tayta Diospa Wilakuynin

Israel runakuna purificash kayänanpaq kaq junaq

¹ Tayta Diospa nawpanman lutala yaykur Aarónpa ishkan surinkuna wanuyashqanpitami Moisésta Tayta Dios nirqan:

² <

³ Juk turïtuta purificasina sacrificiupaq juk carnita rupasina sacrificiupaq altarcho rupaskasirraqmi Lugar Santïsimuman Aarón yaykunqa.

⁴ Saynöpis jatikunqa lïnupita awash sagrädu tünicanta y lïnupita awash calzoncïlluntami. Saynöla lïnu wachkuwan wachkakurkur umanmanpis lïnu görranta jatikunqa. Say mödanakuna sagrädu kaptin manaraq jatikur armakunqa.

⁵ Israel runakuna apayämushqanpitami purificasina sacrificiupaq ishkay chïvukunata y rupasina sacrificiupaq juk carnita Aarón apamunqa.

⁶ <

⁷ Saypitanami ishkan chïvukunata Tinkuna Toldu patiuman apaykamur Tayta Diospa nawpanman churanqa.

⁸ Saychömi suertita jitanqa mayqan chïvu Tayta Diospaq kananpaq y mayqan chïvu Azazelpaq kananpaqpis.

⁹ Tayta Diospaq kaq chïvutaqa purificasina sacrificiupaqmi altarcho Aarón rupasinqa.

¹⁰ Azazelpaq kaq chïvutanami kawaykaqlata Tayta Diospa nawpanman apamunqa. Nirkurnami sunyaq jirkaman apaykur Azazel kaykashqan kaqman qarqurinqa. Qarquriptinnami Israel runakuna jusalikuyashqanpita perdonash kar purificash kayanqa.

¹¹ <

¹² Nirkurnami Tayta Diospa nawpancho kaykaq altarpita shanshaykaq carbonta inciensu qoshnisikunanwan juntata Tinkuna Toldu rurinman apanqa. Saynölami ishkay aptay ñuchu aqash mushkuq inciensutapis apanqa. Tinkuna Toldu rurincho kaykaq cortïnata päsarmi Lugar Santïsimuman saykunata apanqa.

¹³ Saychömi Tayta Diospa nawpancho shansha apashqanman inciensuta winanqa. Saymi inciensupa qoshtaynin sapakurkunqa Pactu Babulpa sapananta. Sayno sapakurkuptin Aarón manami wanunqasu.

¹⁴ Nirkurmi turïtupa yawarninman dëdunta jatirkur babulpa sapananta punkuläpita saqsupanqa. Saypitanami kikin babultapis dëdunwan qanchis kuti saqsupanqa.

¹⁵ <

¹⁶ Saynöparaqmi Israel runakuna impüru kayashqanpita, mana cäsukuyashqanpita y jusalikuyashqanpita Lugar Santïsimuta y lapan Tinkuna Toldutapis purificanqa.

¹⁷ <

¹⁸ Saypita yarqurnami Tayta Diospa nawpancho kaykaq altartana purificanqa. Saychömi turïtupa yawarninwan y chïvupa yawarninwan altarpa waqrankunata lushipanqa.

¹⁹ Nirkurnami altarpa jananman qanchis kuti dëdunwan yawarta saqsupanqa. Saynöpami Israel runakuna jusalikur impüruyäsiyashqanpita altarta purificanqa sagrädu kananpaq.

²⁰ <

²¹ Chïvupa umanman makinta churaykur Tayta Diosta wilapanqa Israel runakuna lutankunata rurayashqanta, contran sharkuyashqanta y jusalikuyashqanta. Sayno wilaparmi Israel runakunapa lapan jusankunata chïvuman jitapanqa apakunanpaq. Nirkurmi juk runa sunyaqman apaykur chïvuta kachariykunqa aywakunanpaq.

²² Saynöpami say chïvu Israel runakunapa lapan jusankunata apakunqa pipis mana tashqanman.

²³ <

²⁴ Armakuskirnami mödananta jatikuskirna yarqunqa kikinpa jusanpita y Israel runakunapa jusanpita sacrificiuta rupasinanpaq. Sayno rupasiptinmi kikinpa y Israel runakunapa jusankuna perdonash kanqa.

²⁵ Nirkurnami purificasina sacrificiupaq pishtashqan uywapa wiranta altarcho rupasinqa.

²⁶ <

²⁷ <

²⁸ Saykunata rupasiq runaqa mödananta taqshakuskir y armakuskirmi campamentuman kutimunqa.

²⁹ <

³⁰ Say junaqqa lapaykitami purificayäshushpayki Tayta Dios perdonayäshunki. Saymi Tayta Diospa nawpancho lapan jusalikuyashqaykipita maylash kayanki.

³¹ Say junaqqa qamkunapaq jamay junaqmi kanqa. Saymi ayunar ima aruytapis rurayankisu. Say nishqäkunaqa imayyaqpis leymi qamkunapaq kanqa.

³² <

³³ Lugar Santïsimuta, Tinkuna Tolduta y altarta purificanqa. Saynöpami cürakunapis y lapan Israel runakunapis purificash kar perdonash kayanqa.

³⁴ Jusankunapita perdonash kayänanpaqmi cada watacho juk kuti say nishqäkunata Israel runakuna rurayanqa. Say nishqäkunaqa imayyaqpis leymi qamkunapaq kanqa>>. Moisésta Tayta Dios nishqannölami lapantapis rurayarqan.