Levítico 14 - Tayta Diospa Wilakuynin

Leprapita aliyar purificash kananpaq nishqan

¹ Mastapis Moisésta Tayta Dios nirqan:

² <

³ Wilaptinmi campamentupita yarqur cüra aywanqa leprawan qeshyaykaq runa aliyashqanta o mana aliyashqantapis rikananpaq. Say runapa lepran aliyashna kashqanta rikarqa

⁴ purificakunanpaqmi apasimunqa ishkay püru kaq pishqukunata, cedru qeruta, puka tëlata y hisöpu jachata.

⁵ Jukaq pishquta wanuskasirnami pukyupita chaqamushqan yaku winaraykaq mitu mankaman yawarninta jutusinqa.

⁶ Say yawaryuq yakumannami ushmasinqa kawaykaq pishquta, cedru qeruta, puka tëlatawan hisöpu jachata.

⁷ Nirkurnami leprawan qeshyashqanpita aliyaq runata yawarwan qanchis kuti saqsupanqa. Purificashna kashqanta cüra wilaskirmi kawaykaq pishquta kachariykunqa.

⁸ <

⁹ Qanchis junaq kaqchönaqa seplaypa aqsanta yapay rutukunqa. Saynöla shaprantapis, cëjantapis y cuerpuncho kaq lapan shaprantapis chipyaq rutukunqa. Saynöla mödanantapis yapay taqshakuskir armakunqa. Saykunata rurarraqmi purificash kanqa.

¹⁰ <

¹¹ Saypitanami purificash kananpaq kaq runata ofrendantinta Tinkuna Toldu patiuman cüra apanqa Tayta Diospa nawpancho kananpaq.

¹² Nirkurnami apamushqan aceitita y juk carnishta Tayta Diospa nawpancho joqarkur wakman kayman cüra kuyusinqa consagrasina sacrificiu kananpaq.

¹³ Saypitanami uywata imaypis pishtashqan sagrädu kaqcho say carnishta pishtanqa. Say carnishpa aysan sagrädu kar purificasina sacrificiupaq apamushqan uywapa aysannömi y consagrasina sacrificiupaq apamushqan uywapa aysannömi cürapa derëchun kanqa.

¹⁴ <

¹⁵ Nirkurnami cüraqa kikinpa isuq kaq maki paltanman ichikla aceitita winarkur

¹⁶ aluq kaq dëdunta say aceitiman jatirkunqa. Saywanmi Tayta Diospa nawpanman qanchis kuti saqsupanqa.

¹⁷ <

¹⁸ Say aceititami purificakuq runapa umanmanpis lushipanqa. Sayno ruranqa say runa Tayta Diospa nawpancho püru kananpaqmi.

¹⁹ <

²⁰ apamushqan jarinantinta altarcho rupasinqa. Saykunatami cüra ruranqa say runa purificash kananpaq. Lapanta sayno rurarkuptinraqmi purificash kanqa.

²¹ <

²² <

²³ Purificakushqanpita puwaq junaqtami saykunata Tinkuna Toldu patiuman apaykur Tayta Diospa nawpancho kaykaq cürata entreganqa.

²⁴ <

²⁵ Saypitanami say carnishta pishtanqa consagrasina sacrificiupaq. Yawarninta sarirkurmi purificakuykaq runata lushipanqa aluq kaq rinrinta y aluq kaq makinpa y chakinpa maman dëduntapis.

²⁶ <

²⁷ Aluq kaq dëdunta say aceitiman jatirkurmi Tayta Diospa nawpanman qanchis kuti saqsupanqa.

²⁸ Saynöpis makincho kaykaq aceitiman dëdunta jatirkurmi purificakuq runata cüraqa pichupanqa aluq kaq rinrinta y aluq kaq makinpa y chakinpa maman dëduntapis. Sayno pichupanqa consagrasina sacrificiupaq pishtashqan carnishpa yawarninta pichupashqan janalanmanmi.

²⁹ Makincho pusuq kaq aceititanami purificakuq runapa umanman lushipanqa. Sayno ruranqa say runa Tayta Diospa nawpancho purificash kananpaqmi.

³⁰ <

³¹ Jukaq kanqa purificasina sacrificiupaq y jukaqna kanqa rupasina sacrificiupaq. Saykunatami churanqa saki mikuyta apamushqan ofrenda jananman. Tayta Diospa nawpancho cüra sayno ruranqa say runa purificash kananpaqmi.

³² Leprawan qeshyaykashqanpita aliyarkur saynömi muchuqkuna purificakuyanqa>>.

Mupalish wayikunata purificananpaq nishqan

³³ Saypitanami Moiséstawan Aarónta Tayta Dios nirqan:

³⁴ <

³⁵ wayipa duëñunmi cüraman aywaykur ninqa: .

³⁶ <

³⁷ <

³⁸ wayipita yarqur qanchis junaqyaq cüra wichqaykunqa.

³⁹ Qanchis junaq cumplirkuptinnami cüra yapay kutinqa wayita rikananpaq. Mupaliykaq miraykashqanta tarirqa

⁴⁰ cüra ninqa mupalish kaq rumikunata jorqurir impüru sitiuman jitariyänanpaqmi. Sayqa kanqa markapita juklächömi.

⁴¹ Saynölami wayi rurintapis raspasinqa. Nirkurmi raspashqan alpata markapita jorqurir impüru sitiuman jitarisinqa.

⁴² Saypitanami jorqushqan rumikunapa trukan juk rumikunatana churaykur juk mituwanna rebucasinqa.

⁴³ <

⁴⁴ cüra yapay yaykunqa wayi imano kaykashqantapis rikananpaq. Wayi rurincho intërupana mupalir mirash kaptinqa say wayi impüru kashqantami ninqa.

⁴⁵ Sayno kaptinqa say wayita juchurasir ruminkunatapis, qerunkunatapis y lapan alpantapis markapita jorqurirmi impüru sitiuman jitarinqa.

⁴⁶ Manaraq juchusiptin pipis say wichqaraykashqan kaq wayiman yaykurqa pasa sakashqanyaqmi impüru kanqa.

⁴⁷ Say wayicho pipis mikurqa o punurqa mödananta taqshakunqa.

⁴⁸ <

⁴⁹ Wayi purificash kananpaqmi apasimunqa ishkay pishqukunata, cedru qeruta, puka tëlata y hisöpu jachata.

⁵⁰ Juk pishquta wanurkasirmi pukyupita chaqamushqan yaku winaraykaq mitu mankaman yawarninta jutusinqa.

⁵¹ Pishqupa yawarninmanmi ushmasinqa cedru qeruta, hisöputa, puka tëlata y kawaykaq pishqutapis. Say yawarwanmi qanchis kuti wayita saqsupanqa.

⁵² Saynömi wayita purificanqa pishqupa yawarninwan, pukyu yakuwan, kawaykaq pishquwan, cedru qeruwan, hisöpu jachawan y puka tëlawan.

⁵³ Sayno rurarkurnami kawaykaq pishquta markapita yarqurir aywakunanpaq kachariykunqa. Saynöpami wayi purificashna kanqa>>.

⁵⁴ Kay leykuna nishqannömi ruranqa pipis leprawan qeshyar qeri ushaptin,

⁵⁵ mödanan mupaliptin, wayin mupaliptin,

⁵⁶ jakapäkuywan qeshyaptin, pashtapäkuywan qeshyaptin y kancha yuriptinpis.

⁵⁷ Kay leykunata cäsukurmi püru kashqanta y impüru kashqantapis musyayanqa. Kaykunami leprapaq leykuna kaykan.