Jueces 7 - Tayta Diospa Wilakuynin

Madianita runakunata Gedeón vincishqan

¹ Saypitanami Jerobaal niyashqan Gedeón y paywan kaykaq runakuna tutala yarqur Harod pukyukuna nawpancho campamentunkunata sharkasiyarqan. Madianita runakunapa campamentunnami Israel runakunapita norti kaqläpa kaykarqan. Sayqa More jirkapa chakin pampachömi kaykarqan.

² Saychömi Gedeónta Tayta Dios nirqan: <

³ Sayno mana kananpaq kanan niy mansariq kaqkuna wayinkunaman kutikuyänanpaq>>. Kutikuyänanpaq Gedeón niptinmi ishkay chunka ishkay waranqa (22,000) runakuna kutikuyaptin chunka waranqalana (10,000) Gedeónwan quëdayarqan.

⁴ Saypita yapaymi Gedeónta Tayta Dios nirqan: <>.

⁵ Saymi runakunata yakuman Gedeón pushaptin Tayta Dios nirqan: <>.

⁶ Yakuta makinkunawan chaqarkur laqwaypa upuqkuna kimsa pachakmi (300) kayarqan. Wakin kaqkunaqa qonqurpaykurmi upuyarqan.

⁷ Saynami Gedeónta Tayta Dios nirqan: <>.

⁸ Saymi say runakunata Gedeón nirqan cornëtankunata y mirkapanta kachaykur wayinkunapa kutikuyänanpaq. Kutikuyaptinmi akrashqan kimsa pachak runakunalawanna quëdayarqan. Madianita runakunapa campamentunqa ura pampachömi kaykarqan.

⁹ Say sakaymi Gedeónta Tayta Dios nirqan: <

¹⁰ Atacayta mansarirqa ashmayniki Furalawan campamentunman rikapakuq aywar

¹¹ imata parlayashqantapis shumaq wiyayanki. Parlayashqanta wiyarmi valurayanki mana mansariypa paykunawan pelyayänaykipaq>>. Tayta Dios sayno niptinmi contran runakunapa campamentun kuchunman ashmaynin Furawan Gedeón aywayarqan.

¹² Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

¹³ Sayman chaykur wiyaparaykashqanchömi Gedeón wiyarqan juk soldädu sueñuyninta wilapar nishqanta: <>.

¹⁴ Sayno wilapaptinmi walkiqnin nirqan: <>.

¹⁵ Sueñushqanta wilapaykaqta Gedeón wiyarmi Tayta Diosta agradëcikurqan. Nirkurmi Israel runakuna kaykäyashqan campamentuman kutiykur nirqan: <<¡Sharkuyay! ¡Tayta Diosmi madianita runakunata makinsiman churamush!>>

¹⁶ Saymi kimsa pachak (300) soldädunkunata kimsa puntaman rakiykur cornëtakunata y uyllukunata aypurqan. Uyllukuna rurinman aceitiwan ushmash rupaykaq träpukunata winarmi

¹⁷ soldädunkunata nirqan: <

¹⁸ Saycho cornëtata tukar qalaykuyaptï qamkunapis madianita runakunapa campamentun intërupa jirurupaykur tukayämunki. Saynöpis lapan kalpaykikunawan qayarar niyämunki: <¡Tayta Diospa espädanwan y Gedeónpa espädanwan contransikunata atacashun!> >>

¹⁹ Sayno yäsirkurmi ishkay punta runakunata Gedeón puntasirqan. Paykunapa qepantanami pachak (100) runakunawan Gedeón aywar pulan paqas chäyarqan madianita soldädukunapa campamentun kuchunman. Say hörami täpaq soldädukuna trukanakuykäyarqan. Campamentuman chaykurmi cornëtata tukayarqan y apayashqan uyllukunatapis pakiyarqan.

²⁰ Saymi wakin kaq runakunapis cornëtata tukayashpan uyllunkunata pakiyarqan. Isuq kaq makinwanmi aksita aptaräyarqan y aluq kaq makinwannami cornëtata tukaykäyarqan. Say hörami sinchipa qayarar niyarqan: <<¡Tayta Diospa espädanwan y Gedeónpa espädanwanmi contransikunata atacashun!>>

²¹ Sayno nirmi Israel runakunaqa maypapis mana kuyukuypa madianita runakunapa campamentun kuchunman jiruruypa churakäyashlancho ichiräyarqan. Saynami madianita runakunaqa qaparäyashpan qeshpiyta munar wakpa kaypa cörrikachäyarqan.

²² Cornëtakunata kimsa pachak (300) Israel runakuna tukaykäyaptinmi madianita runakunata Tayta Dios pantakäsirqan kikinpura espädawan wanusinakuyänanpaq. Wakin kaq madianita soldädukunanami Zereraman aywaq nänipa qeshpir Bet-sitaläpa aywakuyarqan. Wakinnami chäyarqan Tabatpa nawpan Abel-meholapa lindërunyaq.

²³ Madianita soldädukuna qeshpir aywakuyaptinmi Neftalí trïbu runakuna, Aser trïbu runakuna y Manasés trïbu runakuna shuntakaykur qatipäyarqan.

²⁴ Saynöpis Efraín jalqakunaman Gedeón wilakasirmi nirqan: <>. Sayno niptinmi Efraín trïbu runakuna lapan shuntakaykur Bet-bara väduman y Jordán mayu väduman atacayänanpaq aywayarqan.

²⁵ Sayman chaykurmi madianita runakunapa mandaqninkuna Orebta y Zeebta prësu sariykur Orebta juk qaqacho wanusiyarqan y Zeebtana üva jarukuyänan pözu kaqcho wanusiyarqan. Saypita pasami Orebta wanusiyashqan qaqapa jutin kaykan Oreb Qaqa y Zeebta wanusiyashqan pözupa jutinmi kaykan Zeeb Pözu. Madianita runakunata karuyaq qatipaykurmi Efraín trïbu runakuna Jordán simpanman kutiykur Orebpa y Zeebpa umanta Gedeónman apayarqan.