Jueces 4 - Tayta Diospa Wilakuynin

Israel runakunata Baracwan Débora salvayashqan

¹ Aod wanuskiptinnami Israel runakuna jusalikur Tayta Diosta yapay rabyanäsiyarqan.

² Saymi Tayta Diosqa Hazor markacho cananeo runakunapa mandaqnin rey Jabínpa munayninman kachapaykurqan. Soldädunkunapa capitannin Sísarami Haroset-goim markacho tarqan.

³ Rey Jabínpami karqan fiërrupita rurash esqun pachak (900) guërra carrëtankuna. Ishkay chunka (20) wata pasaypa nakasiptinmi Israel runakuna Tayta Diosta manakuyarqan salvananpaq.

⁴ Say wisanmi Israel runakunapa jueznin kaykarqan Tayta Diospa wilakuqnin profetïsa Débora. Pay karqan Lapidotpa warminmi.

⁵ Israel runakunata arreglananpaqmi palmëra jacha chakinman Débora jamakuq. Saymi niyarqan Déborapa Palma Jachan kashqanta. Say jacha karqan Efraín jalqakunacho kaykaq Ramáwan Bet-el tinkuqchömi. Saymanmi Israel runakuna aywayaq ima demanduntapis Débora arreglananpaq.

⁶ Saypita juk junaqchömi Débora qayasirqan Abinoampa surin Baracta. Barac karqan Neftalí trïbu Cedes markacho taq runami. Chaykuptinmi nirqan: <

⁷ Qamkunawan pelyayänanpaqmi Jabínpa lapan soldädunkunata, carrëtankunata y capitán Sísarata Cisón raqraman Tayta Dios chäsinqa. Paykunata vinciyänaykipaqmi Tayta Dios yanapäyäshunki>>.

⁸ Débora sayno niptinmi Barac nirqan: <>.

⁹ Saymi Débora nirqan: <>. Saypitami Déborawan Cedesman Barac aywayarqan.

¹⁰ Cedesman chaykurmi Zabulónwan Neftalí trïbu runakunata Barac qayasirqan. Sayman chunka waranqa (10,000) runakuna shuntakäyaptinmi paykunawan Tabor jirkaman wisäyarqan. Paykunawanmi Déborapis aywarqan.

¹¹ Cedes marka cercanchömi Heber jutiyuq runa tarqan. Pay karqan Moiséspa suedrun Hobab ayllu ceneo runami. Paymi ayllunkunapita rakikar Zaanaimcho kaykaq encina jacha kaqcho toldunkunata sharkarkasir tarqan.

¹² Abinoampa surin Barac soldädunkunawan Tabor jirkaman wisashqanta Sísarata wilayaptinmi

¹³ fiërrupita rurash esqun pachak (900) carrëtankunata y lapan soldädunkunata shuntaykur Sísaraqa Haroset-goimpita Cisón raqraman aywayarqan.

¹⁴ Saymi Baracta Débora nirqan: <>. Sayno niptinmi pelyayänanpaq Tabor jirkapita Barac urämurqan chunka waranqa (10,000) soldädunkunata pushakurkur.

¹⁵ Pelyayaptinmi Tayta Dios pasaypa mansarïsirqan Sísarata, carrëta manijaq soldädunkunata y wakin soldädunkunatapis. Saymi Sísarapis carrëtanta kachariykur chakilapa qeshpir aywakurqan.

¹⁶ Say junaqmi Baracqa Sísarapa soldädunkunata y carrëta manijaqkunatapis espädawan lapanta wanusiyarqan Haroset-goimyaq.

¹⁷ Say wisanmi Hazorpa mandaqnin rey Jabín yachanänakuyarqan ceneo ayllu Heberwan. Saymi Sísaraqa chakilapa qeshpir Heberpa toldun kaykashqanman charqan. Saychömi Heberpa warmin Jael kaykarqan.

¹⁸ Chaykuptinmi Jael nirqan: <>. Toldu rurinman yaykuriptinmi Sísarata jakuwan Jael saparkurqan.

¹⁹ Saynami Sísara nirqan: <>. Sayno niptinmi Jaelqa odripita lichita qararqan. Nirkurmi Sísarata yapay saparkurqan.

²⁰ Saynami Sísara nirqan: <>.

²¹ Sísara pasaypa pishipash karmi wanuyparaq punukäkurqan. Saymi Jaelqa llawchi punta estäcata y mäsuta aptarkur upäla yaykuskir Sísarata sentïdunpa takapaykurqan pasaman päsashqanyaq. Saynöpami Sísarata wanusirqan.

²² Sísarata qatipar Jaelpa toldunman Barac chaptinmi Jael nirqan: <>. Yaykurmi Sísarata tarirqan sentïdunpa estäcawan clävash pampacho wanush sutaraykaqta.

²³ Saynöpami Israel runakunata Tayta Dios yanaparqan cananeo runakunapa mandaqnin rey Jabínta vinciyänanpaq.

²⁴ Saypitanami Israel runakuna cananeo runakunapa mandaqnin rey Jabínwan pelyar yapay yapay vinciyarqan lapanta ushakäsiyashqanyaq.