Jueces 19 - Tayta Diospa Wilakuynin

Gabaa runakuna warmita violaypa wanusiyashqan

¹ Israel runakunacho rey manaraq kaptinmi Efraín jalqakunacho Leví trïbupita juk runa tarqan. Payqa wakin runakunapita karuchömi tarqan. Juk kutimi Judá particho kaykaq Belén markaman aywaykur saypita warmita aparqan concubïna warmin kananpaq.

² Taykashqanchömi say warmiqa runanta kachariykur papänin kaqpa Belénman kutikurqan. Papänin kaqchömi chusku killa tarqan.

³ Saymi runanqa ali shimilanpa parlapar shuntakuq aywarqan juk ashmayninta pushakurkur y ishkay ashnun qatikurkur. Chäyaptinmi warminqa papäninpa wayinman yaykasirqan. Mashanta rikaykurmi suedrunpis kushikurqan.

⁴ Qoyäpänanpaq niptinmi suedrunpa wayincho mikur upur kimsa junaq qoyäyarqan.

⁵ Chusku kaq junaqnami tutalana sharkurqan kutikuyänanpaq. Yarqukuykäyaptinnami suedrunqa nirqan: <>.

⁶ Saymi jamaykur ishkan mikuyarqan upuyarqan. Saychömi suedrunqa ruwarqan say sakaypis punupänanpaq.

⁷ Sayno ruwaptinmi aywakunanpaq kamarikuykashqanchöpis say sakaypis saycho punurqan.

⁸ Pisqa kaq junaqnami aywakunanpaq saka sakala sharkurqan. Say junaqpis suedrun yapaymi ruwarqan: <> nir. Saymi mikur upur jamaräyarqan.

⁹ Saypita concubïna warminwan y ashmayninwan aywakuyänanpaq kamarikuptinmi suedrun nirqan: <>.

¹⁰ Sayno nikaptinmi Leví trïbu runaqa saycho punuyta mana munar concubïna warminta y ashmayninta pushakurkur y ishkay silla ashnunkunata qatikurkur aywakuyarqan. Sayno aywakurmi Jerusalén niyashqan Jebús marka simpanman chäyarqan.

¹¹ Jebús markaman tardina chaykäyashqanchömi ashmaynin nirqan: <>.

¹² Saymi patronnin nirqan: <

¹³ Jukla aywashun Gabaacho karpis o Ramácho karpis posädakunansipaq>>.

¹⁴ Sayno nishpan aywarmi inti jeqaykaptinna Benjamín trïbu runakuna täyashqan Gabaa marka nawpanman chäyarqan.

¹⁵ Saymi nänipita yaqar posädakuyänanpaq Gabaa markaman yaykuyarqan. Pipis mana posädasiptinmi pläzalaman jamaykuyarqan.

¹⁶ Pasa sakaykaptinnami chakracho arushqanpita kutir juk awkin runa päsaykarqan. Say awkinqa Efraín jalqakunapita karpis say wisan Gabaa markachönami taykarqan. Gabaa markachöqa Benjamín trïbu runakunami täyarqan.

¹⁷ Pläzacho jamaraykäyaqta rikarmi awkinqa nirqan: <<¿Maypitataq shamuykäyanki? ¿Maypataq aywaykäyanki?>>

¹⁸ Tapuptinmi nirqan: <

¹⁹ Ashnükuna mikuyänanpaq qewatapis gransatapis apaykäyämi. Kikïkunapaqpis kaykanmi tantapis vïnupis. Manami imapis pishïyämansu>>.

²⁰ Niptinmi awkinqa nirqan: <>.

²¹ Sayno nirmi awkinqa wayinman paykunata pushar ashnunkunata qewata qararqan. Saychömi qorpankunaqa chakinkunata maylakuskir mikuyarqan y upuyarqan.

²² Kushish kaykäyaptinmi say markacho taq yaqa runakuna wayiman juntapaykuyarqan. Nirkurmi punkuta sinchipa takakuyashpan awkinta niyarqan: <<¡Wayikiman posädakamuq runata waqtaman qarqamuy! Say runata violaytami munayä>>.

²³ Saymi wayiyuq yarquskir nirqan: <

²⁴ Munayaptikiqa doncëlla warmi surïta qorpäpa concubïna warminta jorqapäyämushayki munayashqaykita rurayänaykipaq. Kay runata isanqa ama violaykuyälaysu>>.

²⁵ Say runakunaqa imata niptinpis awkinta manami cäsuyarqansu. Saymi Leví trïbu runaqa concubïna warminta waqtaman qarqaparqan. Paytami runakuna warati violarkur pasa wararkuptinna kachaskir aywakuyarqan.

²⁶ Kachaskiyaptinmi warmiqa runan posädaraykashqan wayi punkuman kutiykur wanuskirqan.

²⁷ Aywakunanpaq punkuta tutala kicharmi runaqa concubïna warminta tarirqan kikin punku quiciunman makin churash jitaraykaqta.

²⁸ Saymi nirqan: <>. Sayno niptinpis warminqa mananami parlakurqannasu. Saymi wanushta ashnunman chaqnakurkur wayinpa apakurqan.

²⁹ Wayinman chaykasirmi kusurqan chunka ishkay pedäzuman. Nirkurmi intëru Israel runakuna täyashqan kaqpa cada trïbuman juk pedäzuta apasirqan.

³⁰ Sayta rikaykurmi warmita runakuna violaypa wanusiyashqanta musyashpan lapanpis niyarqan: <>.