Jueces 17 - Tayta Diospa Wilakuynin

Micaíapa ïdulunkuna y cüran kashqan

¹ Efraín jalqakunachömi tarqan juk runa Micaía jutiyuq.

² Paymi juk junaqcho mamanta nirqan: <<¿Yarpaykankiku juk waranqa pachak (1,100) siclo qellaynikita suwapäshuqniki runata maldicionashqaykita? Noqami say suwapäshuqniki runa kaykä>>. Sayno niptinmi maman nirqan: <<¡Tayta Dios bendicionninta qoykuläshunki, hïju!>>

³ Qellayta kutiykasiptinmi maman nirqan: <>.

⁴ Sayno nishpanmi wawan kutisishqan ishkay pachak (200) qellayta ïdulu ruraq runata qoykurqan. Ïduluta rurayta ushaskiptinnami Micaíapa wayinman churarqan.

⁵ Micaíanami saycho takshala capillata rurarqan ïdulunta sayman churaykur adorananpaq. Efodta y wakin ïdulukunatapis ruraykurmi juk surinta cüra kananpaq churarqan.

⁶ Say wisan Israel runakunapa mandaqnin rey mana kaptinmi cada ünun munayashqanno imatapis rurakuyaq.

⁷ Say wisanmi Leví trïbupita juk purikuq maqta Judácho kaykaq Beléncho tarqan.

⁸ Paymi juk junaq Belénpita aywakurqan maychöpis tänanpaq sitiuta ashir. Efraín jalqakunapa puriykashqanchömi Micaíapa wayinman charqan.

⁹ Chaptinmi Micaía tapurqan: <<¿Maypitataq shamuykanki?>> nir. Saymi nirqan: <>.

¹⁰ Niptinmi Micaía nirqan: <>.

¹¹ Sayno niptinmi say maqtaqa saycho tashpan Micaíapa surinnöna rikakurqan.

¹² Saynöpis cüra kananpaq Micaía churaptinmi paypa wayilancho tarqan.

¹³ Leví trïbupita cüran kaptinmi Micaíaqa kushikur yarparqan Tayta Diospa bendicionninwan ali kawananpaq kashqanta.