Jueces 16 - Tayta Diospa Wilakuynin

Gaza markacho Sansón kashqan

¹ Juk kutichömi Sansón aywarqan filisteo runakunapa markan Gazaman. Saychömi prostitüta warmipa wayinman aywar paywan punurqan.

² Markankunacho kaykashqanta musyaykurmi Gaza runakuna jiruruypa churanakur markaman yaykuna punkucho täpar niyarqan: <>.

³ Sansónqa pulan paqasyaqlami punurqan. Say hörami aywakur markaman yaykuna punku wichqaraykaqta tarirqan. Saymi punkuta jorqur quiciunnintinta y cerröjuntinta umrukurkur Hebrón simpan lömayaq apakurqan.

Dalilata Sansón kuyakurkushqan

⁴ Saypita qepatanami Sorec pampacho taq Dalilatana Sansón kuyakurkurqan.

⁵ Sayta musyaykurmi filisteo runakunapa mandaqninkuna aywaykur Dalilata niyarqan: <>.

⁶ Saymi Sansónta Dalila tapur nirqan: <<¿Imanöpataq kalpasapa kanki? ¿Imawan liyashuptikitaq kalpaynaq rikakunkiman?>>

⁷ Sayno tapuptinmi Sansón nirqan: <>.

⁸ Sansón nishqanta wilaykuptinmi filisteo runakunapa mandaqninkuna payman apapäyarqan manaraq sakiq qanchis awrita. Saywanmi Sansónta Dalila liyarqan.

⁹ Manaraq liyar runakunata wayincho Dalila pakash karmi Sansónta liyarkushpan sinchipa nirqan: <<¡Sansón, filisteo runakuna janaykichönami!>> Sayno niptinmi liptayash jïlutanöla awrikunata Sansón rachirirqan. Saymi filisteo runakuna tantiyayarqansu imanir aläpa kalpayuq kashqantapis.

¹⁰ Saypitanami Sansónta Dalila nirqan: <<¿Imanirtaq lulapämashkanki? Kananqa rasun kaqta wilamay. ¿Imano liyaykushuptikitaq qeshpinkimansu?>>

¹¹ Saymi Sansón nirqan: <>.

¹² Saymi mushuq waskakunawan Dalila liyarkur sinchipa nirqan: <<¡Sansón, filisteo runakuna janaykichönami!>> Say hörapis runakunata wayinchömi Dalila pakaraykäsirqan. Filisteo runakuna janancho kashqanta niptinmi llanu jïluta rachiqnöla waskakunata Sansón rachiskirqan.

¹³ Saypitanami Sansónta Dalila yapay nirqan: <<¡Yapaymi lulapämashkanki! Kananqa rasun kaqta wilamay. ¿Imano liyaykushuptikitaq qeshpinkimansu?>> Sayno niptinmi Sansón nirqan: <>.

¹⁴ Sayno niptinmi estäcaman shumaq wataykur sinchipa nirqan: <<¡Sansón, filisteo runakuna janaykichönami!>> Sayno niptinmi punuykashqanpita Sansón sharkur estäcantinta sutariykurqan.

¹⁵ Saynami Dalila nirqan: < nimanki? Kimsa kutinami lulapämashpayki wilamankiraqsu imanöpa kalpasapa kashqaykitapis>>.

¹⁶ Waran waran Dalila saynöla tapupaptinmi Sansón wanunaypanöraq lakikurqan.

¹⁷ Saymi Dalilata rasun kaqta wilashpan nirqan: <>.

¹⁸ Rasun kaqta wilashqanta musyaykurmi filisteo runakunapa mandaqninkunaman Dalila wilakasir nirqan: <<¡Kanan isanqa lapayki shayämuy! ¡Rasun kaqtami Sansón wilamash!>> Saymi mandaqkuna promitiyashqannöla qellayta apakurkur Dalilaman aywayarqan.

¹⁹ Nirkurnami Sansónta Dalila melqaynincho punukäsirqan. Punukaskiptinmi juk runata qayaykur Sansónpa qanchis piltankunata ruturasirqan. Saynöpa Sansón kalpaynaq rikakuskiptinmi

²⁰ sinchipa nirqan: <<¡Sansón, filisteo runakuna janaykichönami!>> Saymi Sansón rikcharkamur yarparqan imaypis salvakushqannöla salvakuyta. Isanqa manami musyarqansu Tayta Dios manana yanapashqanta.

²¹ Saynami filisteo runakuna jinan höra Sansónta prësu sariykur nawinkunatapis jorquyarqan. Gaza markaman prësu apaykuyashpanmi bronci cadinawan watayarqan carcilcho rumi mulinuta tumasinanpaq.

²² Saycho prësu kaykaptilanmi aqsanpis yapay winarqan.

Sansón wanushqan

²³ Saypitanami filisteo runakunapa mandaqninkuna shuntakäyashpan diosnin Dagónpaq sacrificiukunata rupasiyarqan. Saycho kushikurmi say mandaqkuna niyarqan: <<¡Contransi Sansóntami diosninsi Dagón munayninsiman churamush!>>

²⁴ Sansónta rikaykurmi runakuna diosninta alabar niyarqan: <<¡Mikuyninsikuna ushakäsiq y wanusimaqninsi Sansónta diosninsi Dagónmi munayninsiman churamush!>>

²⁵ Sayno kushikurmi niyarqan: <<¡Sansónta puklakunansipaq apayämuy!>> Saymi carcilpita apaykuyaptin pasaypa burlakuyashpan templu tuknaraq ishkay columna chawpinman ichiykasiyarqan.

²⁶ Saynami janchaqnin maqtata Sansón nirqan: <>.

²⁷ Say hörami templu rurincho filisteo runakunapa mandaqninkunawan saysika runakuna kaykäyarqan. Templu jananchöpis Sansónta burlakuyashqanta rikäkurmi warmipis olqupis kimsa waranqano (3,000) kaykäyarqan.

²⁸ Saymi Tayta Diosta manakur Sansón nirqan: <>.

²⁹ Sayno manakuskirmi templuta tuknaraq ishkan columnakunaman tuknakurqan isuq kaq makinwan jukaqta y aluq kaq makinwanna jukaqta.

³⁰ Nirkurmi sinchipa nirqan: <<¡Filisteo runakunawan juntu ushakäshaq!>> Sayno nir lapan kalpanwan columnakunata tanqariptinmi templu juchur nitirqan lapan runakunata y mandaqninkunatapis. Filisteo runakunata puntata wanusishqanpitapis say hörami mas aska runakunata Sansón wanusirqan.

³¹ Saypitanami Sansónpa wawqinkunawan lapan castankuna aywar ayanta pampaq apakuyarqan. Papänin Manoa pamparashqanman apaykurmi Sansóntapis pampayarqan. Say kaykan Zora y Estaol markakuna chawpinchömi. Sansónqa Israel runakunapa jueznin karqan ishkay chunka (20) watami.