Juan 20 - Tayta Diospa Wilakuynin

Jesús kawarimushqan

¹ Semäna qalaykunan junaqmi María Magdalena saka sakala Jesús pamparaykashqan kaqman aywarqan. Chaykurmi sepultüra saparaq rumi witisish kaykaqta tarirqan.

² Sayta rikaykurmi cörrila kutirqan Simón Pedruta y Jesús kuyashqan discïpuluta wilananpaq. Chaykurmi nirqan: <<¡Jesúspa ayantami apakuyash! ¡Manami musyayäsu maypa apakuyashqantapis!>>

³ Sayno wilaptinmi Jesús kuyashqan discïpuluwan Pedro Jesústa pampayashqan kaqman aywayarqan.

⁴ Cörrila aywarmi jukaq discïpulun Pedruta yalirir puntata charqan.

⁵ Sepultüra punkulapita watqaykurmi säbanaslana luyluraykaqta rikarqan.

⁶ Qepanta Simón Pedro chaykurnami ruriman yaykushpan säbanaslatana paypis tarirqan.

⁷ Jesúspa umanta watapäyashqan träputapis uman kashqanlächo doblashtami tarirqan.

⁸ Say höraraqmi punta chaq discïpulupis ruriman yaykurqan. Paypis saykunata rikarmi criyirqan.

⁹ Sayno kaykaptinpis manami tantiyayarqanraqsu kawarimunanpaq Tayta Diospa palabran nikashqanta.

¹⁰ Saypitanami posädaräyashqan wayiman kutikuyarqan.

María Magdalenata Jesús yuripashqan

¹¹ Maríanami pamparashqan kaqman kutiykur punkucho waqar quëdakurqan. Waqaykashqancho sepultürata watqaykurmi

¹² rikarqan ishkay angilkuna yuraq mödanash kaykaqta. Jukaq jamaraykarqan Jesúspa uman kashqan kaqcho y jukaqnami jamaraykarqan chakin kashqan kaqcho.

¹³ Say angilkunami Maríata tapuyarqan: <<¿Imanirtaq waqaykanki?>> nir. Sayno tapuyaptinmi nirqan: <>.

¹⁴ Sayno nir tikraykushqanchömi Jesústa rikarqan. Isanqa pay kashqanta manami tantiyarqansu.

¹⁵ Jesúsnami tapurqan: <<¿Imanirtaq waqaykanki? ¿Pitataq ashiykanki?>> nir. Sayno tapuptinmi huertacho aruq runa kashqanta yarpar María nirqan: <>.

¹⁶ Saymi Jesús nirqan: <<¡María!>> Sayno niptinmi María tikraykur nirqan: <<¡Raboni!>> Hebreo idiömacho raboni ninanqa yachasikuq ninanmi.

¹⁷ Jesúsnami nirqan: <>.

¹⁸ Sayno niptinmi María Magdalena jukla aywarqan Jesús yuripashqanta y imata nishqankunatapis discïpulunkunata wilananpaq.

Discïpulunkunata Jesús yuripashqan

¹⁹ Say sakaymi discïpulunkuna juk wayicho shuntakash kaykäyarqan. Israel runakunapa autoridäninkunata mansakurmi punkuta trancakurkur kaykäyarqan. Saycho kaykäyaptinmi Jesús yuriparkur nirqan: <>.

²⁰ Sayno nirmi makinta y llapsha pachanta rikasirqan. Jesústa rikaykurmi discïpulunkuna fiyupa kushikuyarqan.

²¹ Jesúsmi yapay nirqan: <>.

²² Sayno nishpanmi paykuna kaqman pükashpan nirqan: <

²³ Pitapis jusanpita perdonayaptiki Tayta Diospis perdonanqami. Mana perdonayaptikimi isanqa perdonanqasu>>.

Jesúswan Tomás tinkuyashqan

²⁴ Discïpulunkuna shuntaraykäyashqanman Jesús chänanpaq Milish niyashqan Tomás manami karqansu. Payqa Jesúspa apostolninmi karqan.

²⁵ Tomáswan tinkurnami discïpulu mayinkuna wilar niyarqan: <<¡Señor Jesucristumi yuripäyämash!>> Saymi Tomás nirqan: <>.

²⁶ Saypita juk semänatanami discïpulunkuna yapay juk wayicho shuntaraykäyarqan. Saychömi isanqa Tomáspis kaykarqan. Punkuta trancakurkur kaykäyaptinmi Jesús paykunapa nawpancho elaqpita yuriskir winchikurqan: <<¡Ali kaway qamkunacho kaykuläsun!>> nir.

²⁷ Nirkurnami Tomásta nirqan: <>

²⁸ Sayno niptinmi Tomás nirqan: <<¡Señorlä y Diosnilä!>>

²⁹ Jesúsnami nirqan: <<¿Rikaykamarraqku criyinki? ¡Mana rikaykämarpis criyiqkunaqa kushishqami kayanqa!>>

Kay libruta imapaq qelqashqanpis

³⁰ Discïpulunkuna rikaykaptin aska milagrukunatami Jesús rurarqan. Saykuna manami lapansu kay librucho qelqaraykan.

³¹ Kay librucho qelqaraykaqkunaqa Jesús salvamaqninsi Cristo kashqanta y Diospa Surin kashqanta criyiyänaykipaq y criyir mana ushakaq kawayta tariyänaykipaqmi.