Josué 8 - Tayta Diospa Wilakuynin

Israel runakuna Hai markaman yaykuyashqan

¹ Saypitanami Josuéta Tayta Dios nirqan: <

² Jericó markacho taq runakunata y mandaqnin reyta ushakäsiyashqaykinölami Hai markacho taq runakunata y mandaqnin reytapis ushakäsiyanki. Say markapitami isanqa uywankunatapis imaykantapis kikikikunapaqna apakayämunki. Elaqpita atacayänaykipaqqa marka qepanpa kamakäyanki>>.

³ Sayno niptinmi Josué kimsa chunka waranqa (30,000) runakunata akrarqan pelyaq aywayänanpaq. Paykunata Hai markaman sakaypa kacharmi

⁴ nirqan: <

⁵ Noqanami wakin kaq runakunawan markaman aywaykur wajupäyäshaq. Pelyaq yarqayämuptinmi nawpata qeshpishqansinöla qeshpiq tukuyäshaq.

⁶ Yapay vincimashqansita yarpar qepäkunata qatipäyämanqa.

⁷ Sayyaqmi pakaraykäyashqaykipita yarqamur markaman yaykuyanki. Tayta Diosninsimi say markata makinsiman churamunqa.

⁸ Markaman yaykuykur Tayta Dios nishqannöla wayikunata jukla rupasiyanki. Kay nishqäkunata mana qonqaypa rurayanki>>.

⁹ Sayno nirmi paykunata Josué kacharqan Hai markaläpa päsar inti jeqanan kaqlächo pakakuyänanpaq. Nishqannölami aywar pakakuyarqan manaraq Bet-el markaman chäyashpan. Josuénami campamentulacho quëdarqan.

¹⁰ Waraynin tutanami saka sakala campamentucho quëdaq runakunata Josué shuntarqan Hai runakunawan pelyaq aywayänanpaq. Say runakunapa puntanman churakarkurmi Israel mayor runakunawan aywayarqan.

¹¹ Marka frentinpa päsarmi norti kaqlächo jamayarqan. Say markapita paykunata rakirarqan juk raqralami.

¹² Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan.

¹³ Saynöpami Israel runakuna ishkay puntaman churanakush kaykäyarqan. Jukaq puntami karqan markapita inti jeqanan kaqlächo y jukaq puntanami karqan nortilächo. Say sakaymi Josuéwan aywaq runakuna pulan pampayaq aywayarqan.

¹⁴ Pasa waraptinnami simpancho kaykäyashqanta rikar Hai markapa mandaqnin rey lapan runakunawan jukla yarquyarqan Arabá pampaman aywaq bajädacho Israel runakunawan pelyayänanpaq. Isanqa manami musyayarqansu wakin Israel runakuna markapa waqtancho pakaraykäyashqanta.

¹⁵ Saymi Josuéwan kaykaq runakuna qeshpiq tukur sunyaq jirkapa aywaq nänipa aywayarqan.

¹⁶ Sayta rikarmi Hai runakunapa mandaqnin rey lapan runakunata nirqan Israel runakunata qatipäyänanpaq. Sayno qatiparmi markapita karutana aywayarqan.

¹⁷ Saymi markacho quëdaqkunata washänanpaq Hai markacho ni Bet-el markacho juk runalapis karqansu.

¹⁸ Saypitanami Josuéta Tayta Dios nirqan: <>. Sayno niptinmi lanzanta Josué joqarirqan.

¹⁹ Saymi Israel runakunaqa pakaraykäyashqanpita yarqamur cörrila markaman yaykushpan lapan wayikunatapis rupasiyarqan.

^20-21 Israel runakunata qatipaykäyashqancho Hai runakuna tikraskiyänanpaqmi pasaypa yanawyayparaq markapita qoshtay sharkuykänaq. Josuéwan kaykaq Israel runakunanapis sayno rupaykaqta rikaykurmi sunyaq jirkapa qeshpiykäyashqancho tikrapäyashpan Hai runakunata atacarna qalaykuyarqan. Saymi Hai runakuna maypa qeshpiytapis kamäpakuyarqansu.

²² Nirkurnami marka rupasiq Israel runakuna yarqayämurqan Hai runakunawan pelyayänanpaq. Sayno ishkanläpita atacarmi Hai runakunata lapanta wanusiyarqan.

²³ Hai markapa mandaqnin reylatami kawaykaqta sariykur Josuéman apayarqan.

²⁴ Qatipaq runakunata wanusir ushaskirnami Israel runakuna Hai markaman kutiykur lapan saycho quëdaqkunata wanusiyarqan.

²⁵ Say junaqmi Hai runakunata warmitapis olqutapis chunka ishkay waranqata (12,000) wanusiyarqan.

²⁶ Josuéqa lanzanta Hai markamanpa toqrirarqan saycho lapan runakunata ushakäsiyashqanyaqmi.

²⁷ Isanqa uywakunata y imaykatapis kuyaylapaq kaqkunataqa manami ushakäsiyarqansu. Saypa trukanqa Josuéta Tayta Dios nishqannöla kikinkunapaqna apakuyarqan.

²⁸ Hai markata Josué rupasishqanpita pasami kananyaqpis raqäkunala kaykäyan.

²⁹ Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.

Ebal jirkacho leykunata Josué liyishqan

³⁰ Saypitanami Ebal jirkacho Israel runakuna yärakuyashqan Tayta Diospaq altarta Josué perqarqan.

³¹ Say altartami Tayta Diospa sirviqnin Moisés Israel runakunata nishqannöla laqläni rumikunawan perqarqan. Moisés qelqashqan leykunachöpis kaynömi qelqaraykan: <>. Saychömi Israel runakuna rupasina sacrificiupaq y jawka kawakuy sacrificiupaq uywakunata altarcho rupasiyarqan.

³² Saynölami Israel runakuna rikaykäyaptin perqashqan altar rumikunaman Moisés yachasishqan leykunata Josué qelqarqan.

³³ Saypitami Israel runakuna, paykunawan kaykaq jäpa runakuna, mayor runakuna y juezkunapis ishkay partiman shuntakäyarqan Tayta Diospa bendicionninta chaskiyänanpaq. Tayta Diospa sirviqnin Moisés nishqannömi pulan runakuna shuntakäyarqan Gerizim jirka chakinman y pulannami shuntakäyarqan Ebal jirka chakinman. Say jirkakuna chawpincho kaykaq pampaman Tayta Diospa Pactu Babulninta apaykurmi Leví trïbu cürakuna ichikuyarqan.

³⁴ Nirkurmi Moisés qelqashqan leykunata Josué sinchipa liyimurqan. Saynöpis liyimurqan bendicionkuna y maldicionkuna qelqarashqantapis.

³⁵ Moisés qelqashqan leykunata Israel runakuna wiyayänanpaqmi lapanta Josué liyimurqan. Say junaqmi saycho kaykäyarqan runakuna, warmikuna, wamrakuna y paykunawan kaykaq jäpa runakunapis.