Josué 6 - Tayta Diospa Wilakuynin

Jericó markaman imano yaykuyänanpaqpis tantiyasishqan

¹ Israel runakunata mansarmi Jericó markapa punkunta wichqakarkayämurqan. Saymi pipis yaykurqansu ni yarqurqansu.

² Sayno kaptinpis Josuétami Tayta Dios nirqan: <

³ Saymi lapan soldäduykikunawan cada junaq Jericó marka murälla waqtanpa soqta junaqyaq tumapäyanki.

⁴ Sayno rurar Pactu Babulpa puntanta qanchis cürakuna aywayanqa cornëtankuna aptash. Qanchis kaq junaqcho isanqa cornëtakunata cürakuna tukayämuptin qanchis kuti lapayki tumapäyanki.

⁵ Say junaq guërrapaq tukashqanno cürakuna tukayashqanta wiyar sinchipa qaparäyanki. Sayno qaparäyaptikimi Jericó markata saparaq murälla kikilan juchunqa. Juchuskiptinmi defrenti say markaman yaykuyanki>>.

⁶ Saymi cürakunata qayaykur Nunpa surin Josué nirqan: <>.

⁷ Saynölami runakunatapis Josué nirqan: <>.

⁸ Josué parlayta ushaskiptinmi Tayta Diospa Pactu Babulninpa puntantana qanchis cürakuna aywayarqan cornëtankunata tukaraykar.

⁹ Paykunapa puntantanami pelyayänanpaq kamarikush runakuna aywayarqan. Babulpa qepanta wakin runakunapis pelyayänanpaq kamarikush aywayaptinmi cürakuna mana chawaypa tukayarqan.

¹⁰ Manaraq yarquyaptin yäsirmi Josué nirqan: <>.

Jericó markaman yaykuyashqan

¹¹ Sayno niptinmi Tayta Diospa babulninta Jericó marka murälla waqtanpa say junaq juk kutila tumasiyarqan. Nirkurnami campamentunman kutiykuyarqan.

¹² Waraynin tuta saka sakalami Josué sharkurqan. Cürakunapis Tayta Diospa Pactu Babulninta umrukurmi yarquyarqan.

¹³ Paykunapa puntantami qanchis cürakuna yarquyarqan cornëtankuna tukaraykar. Paykunapa puntantanami aywayarqan pelyayänanpaq kamarikush runakuna. Wakin runakunanami Tayta Diospa babulnin qepanta aywayarqan. Sayno lapan aywayaptinmi cornëtakunata mana chawaypa tukayarqan.

¹⁴ Jericó markata sayno tumapaskirmi say junaqpis campamentunman kutiyarqan. Saynölami soqta junaqyaq tumayarqan.

¹⁵ Qanchis kaq junaqpis saka sakala markata yapay tumapämuq aywarmi say junaqqa qanchis kuti tumapäyarqan.

¹⁶ Qanchis kaq tumaycho cornëtata tukarayämuptinmi runakunata Josué nirqan: <<¡Qaparäyay! ¡Tayta Diosmi kay markata makinsiman churamush!

¹⁷ Kay markata chipyaq rupasishun. Sayno rupasishqami Tayta Diospaq sacrificiu kanqa. Rikapakuq kachashqansi runakunata pakashqanpitami prostitüta Rahabta y wayincho kaykaqkunalataqa kawaykaqta kachaykushun.

¹⁸ Say markacho kaqkunataqa mayjina ali kaptinpis ama imankunatapis apakushunsu, saypa trukanqa lapanta rupasir ushashun. Imalatapis apakuyaptikiqa maldición lapansimanmi chämunqa.

¹⁹ Qoripita kaqkunata, qellaypita kaqkunata, broncipita kaqkunata y fiërrupita kaqkunatami isanqa Tayta Diospaq shuntashqansi kaqman churashun>>.

²⁰ Cornëtakunata cürakuna tukayaptin y Israel runakunapis qaparäyaptinmi marka saparaq murälla elaqpita juchurqan. Juchuskiptinnami markaman yaykur

²¹ espädawan wanusiyarqan runakunata, warmikunata, maqtakunata, awkinkunata, wäkakunata, uyshakunata, ashnukunatapis.

²² Rikapakuq kachashqan ishkay runakunatami Josué nirqan: <>.

²³ Sayno niptinmi Rahabpa wayinman aywar jorqayämurqan kikinta, mamanta, taytanta, turinkunata y say wayicho lapan castankunatapis. Nirkurnami Israel runakunapa campamentunpita jukläman pushayarqan.

²⁴ Saypitanami Jericó markacho kaqkunata lapan imaykatapis Israel runakuna rupasir ushayarqan. Qellayta, qorita, broncita y fiërrukunatami isanqa Tayta Diospa wayinpaq shuntayashqan kaqman churayänanpaq shuntayarqan.

²⁵ Jericóman rikapakuq kachashqan runakunata pakashqanpitami Rahabta y ayllunkunata Josué wanusirqansu. Saypita pasami kananyaqpis Rahabpa ayllunkuna Israel runakunawan taykäyan.

²⁶ Saypitanami Josué nirqan: <>.

²⁷ Josuéta Tayta Dios yanapashqan maysaychöpis musyakarqanmi.