Josué 5 - Tayta Diospa Wilakuynin

Gilgalcho Israel runakuna señalakuyashqan y Pascuata rurayashqan

¹ Amorreo runakunapa mandaqnin reykunami musyayarqan Israel runakuna simpayänanpaq Jordán mayuta Tayta Dios sakisishqanta. Say reykuna täyarqan Jordán mayu simpan inti jeqananläpami. Saynölami musyayarqan Mediterráneo Lamar kuchuncho taq cananeo runakunapa mandaqnin reykunapis. Sayta musyaykurmi pasaypa mansariyashpan Israel runakunawan pelyaq aywaytapis munayarqansu.

² Jordán mayuta simpaskiyaptinmi Josuéta Tayta Dios nirqan: <>.

³ Sayno niptinmi rumipita cuchillukunata ruraykur Aralot jirkacho Israel runakunata Josué señalasirqan.

⁴ Sayno señalasirqan Egiptupita yarqamuq runakuna sunyaq jirkacho wanur ushakäyash kayaptinmi. Say wanuq runakunaqa Egiptupita yarqamur guërraman aywayänanpaq edäninchömi kayarqan.

⁵ Paykuna señalash kayaptinpis sunyaq jirkacho yuriqkuna señaläni kayaptinmi Josué señalasirqan.

⁶ Egiptupita yarqamur guërraman aywayänanpaq edänincho kaq runakunaqa chusku chunka (40) wata sunyaq jirkapa puriykäyashqanchömi wanuyarqan. Sayno wanuyarqan Tayta Diosta mana cäsukuyashqanpitami. Saymi paykunata Tayta Dios nirqan unay ayllunkunata promitishqan nacionman mana yaykuyänanpaq kayashqanta. Saychöqa lichipis abëjapa mishkinpis yakunöraqmi aska kaykan.

⁷ Egiptupita yarqamuq runakuna wanush kayaptinmi paykunapa surinkunata Josué señalasirqan. Paykunatami Tayta Dios churarqan wanuq kaqkunapa trukan promitishqan nacionta chaskiyänanpaq. Nänicho yurish karmi say junaqyaq señaläni kayarqan.

⁸ Lapanta señalaskiptinnami aliyäyashqanyaq jinan campamentulacho täyarqan.

⁹ Saypitanami Josuéta Tayta Dios nirqan: <>. Tayta Dios sayno nishqanpitami kananyaq say partipa jutin Gilgal kaykan.

¹⁰ Gilgalqa Jericó pampachömi kaykan. Israel runakuna saychömi wata qalaykunan killacho chunka chusku junaq tardi Pascua fiestata rurayarqan.

¹¹ Saypita waraynin junaqmi levadüraynaq tantata mikuyarqan y trïgu kamsatapis uchuyarqan. Saykunami jinancho wayuq mikuykuna karqan.

¹² Say junaqpita pasa mikuyänanpaq maná manana kaptinnami Canaáncho chakrakuna wayushlantana mikuyarqan.

Josuéta Tayta Diospa soldädunkunapa mandaqnin yuripashqan

¹³ Jericó marka cercancho puriykashqanchömi Josué rikarqan espädan aptash ichiraykaq runata. Saymi nawpanman witiykur tapur nirqan: <<¿Qam kaykanki favornïkunaku o conträkunapa favorninku?>>

¹⁴ Sayno tapuptinmi say runa nirqan: <>. Sayno niptinmi Josué pasaman lätakuykur say soldäduta tapur nirqan: <>

¹⁵ Niptinmi Tayta Diospa soldädunkunapa mandaqnin nirqan: <>. Niptinmi lanqinta jukla Josué jorqurqan.