Josué 23 - Tayta Diospa Wilakuynin

Israel runakunata Josué yäsishqan

¹ Tayta Dios yanapaptinmi contran runakunata ushakarkasir Israel runakuna aska watana jawkala kawayarqan. Josué awkinna kaykarmi

² Israel runakunata, mayor runakunata, mandaqkunata, juezkunata y soldädukunapa mandaqninkunata qayaykasir nirqan: <

³ Qamkuna rikayashkankimi kay nacioncho taq runakunata Tayta Diosninsi imano ushakäsishqantapis. Paymi noqansipa favorninsi pelyash.

⁴ Trïbunpa trïbunpa chaskinansipaqmi say runakuna täyashqan partikunata suertita jitaypa aypushkä. Manami qechushqansi markakunalatasu aypushkä, sinöqa qechuypaq kaqkunatapis Jordán mayupita qalaykur hasta Mediterráneo Lamaryaqmi aypushkä.

⁵ Say qechuypaq kaq markakunacho tänansipaqmi saycho taq runakunata Tayta Diosninsi qarqunqa. Saymi Tayta Diosninsi promitishqanno say markakunata chaskiyanki.

⁶ <

⁷ Kay markakunacho taykaq jäpa runakunawanqa ama talukäyankisu. Saynöpis paykuna adorayashqan dioskunata ama adorayankisu ni sirviyankisu ni jutincho imatapis ama promitiyankisu ni jutinkunata imalapaqpis ama joqariyankisu.

⁸ Tayta Diosninsita kanan wiyakuyashqaykinöla imaypis wiyakuyanki.

⁹ <

¹⁰ Promitimashqansinöla favorninsi pelyaptinmi qamkunaqa juk runala karpis waranqa (1,000) runakunata qatikachar ushakäsiyankipaq.

¹¹ Sayno kaykaptinqa lapan shonquykikunawan Tayta Diosninsita kuyar pay munashqanno imaypis kawayay.

¹² <

¹³ Tayta Diosninsi say runakunata manami qarqunqasu. Saypa trukanqa say runakuna qamkunapaq kayanqa redno, trampano, lätiguno y nawikicho jatiraykaq kashanömi. Saynöpami maypis täkuypaq nacionninsiman churashushpaykipis Tayta Diosninsi lapaykikunata ushakäsiyäshunki.

¹⁴ <

¹⁵ Tayta Diosninsi yanapäyäshunaykipaq promitiyäshushqaykita cumplishqannölami payta mana wiyakuyaptikiqa ushakäsiyäshunaykipaq niyäshushqaykitapis cumplinqa. Saymi qoykuyäshushqayki ali nacioncho juklaylapis quëdayankisu.

¹⁶ Noqansiwan Tayta Diosninsi pactu rurashqanta mana cumpliyashpayki juk dioskunata adorayaptikiqa Tayta Dios fiyupami rabyakunqa. Saymi manapis aykälata kay qoykuyäshushqayki ali nacioncho ushakäsiyäshunki>>.