Josué 17 - Tayta Diospa Wilakuynin

Manasés trïbu runakunapa lindërunkuna mayninpa kashqanpis

¹ Suertita jitaptinmi pulan Manasés trïbu runakunapis posisionta chaskiyarqan. Say runakuna Josépa qechpa surin Manaséspita miraqkunami kayarqan. Manaséspa qechpa surinmi Maquir karqan. Maquirpa surinmi Galaad karqan. Maquirpita miraq runakuna pelyayta ali yachayaptinmi posisionta entregarqan Galaad partita y Basán partita.

² Jordán mayu simpan inti jeqananläpanami Manasés trïbu wakin kaq ayllu runakuna suertita jitaypa chaskiyarqan. Say runakunaqa kayarqan Abiezer ayllu runakuna, Helec ayllu runakuna, Asriel ayllu runakuna, Siquem ayllu runakuna, Hefer ayllu runakuna y Semida ayllu runakunami. Say runakunaqa Josépa surin Manaséspita miraqkunami kayarqan.

³ Manasés trïbupitami juk runa karqan Zelofehad jutiyuq. Pay karqan Heferpa surin, Hefernami karqan Galaadpa surin, Galaadnami karqan Maquirpa surin y Maquirnami karqan Manaséspa surin. Zelofehadpaqa olqu surinkuna manami karqansu, sinöqa warmilantaqmi surinkuna kayarqan. Say warmi surinkunapa jutinkunami karqan Maala, Noa, Hogla, Milca y Tirsa.

⁴ Paykunami cüra Eleazarman, Josuéman y mayor runakunaman aywaykur niyarqan: <>. Sayno niyaptinmi Tayta Dios nishqannöla posisionta Josué aypurqan tiyunkuna posisionta chaskiyashqan kaqcho.

⁵ Saynöpami Manasés trïbu runakunapa posisionnin chunka karqan. Saynölami Jordán mayu wak simpancho Galaad partipis y Basán partipis Manasés trïbu runakunapa posisionnin karqan.

⁶ Olqupis warmipis posisionta chaskiyashqanpitami pulan Manasés trïbu runakunapaq chunka posisionkuna karqan. Galaad partitanami Manaséspita wakin miraqkuna chaskiyarqan.

⁷ Manasés trïbu runakunapa posisionninpa lindërun aywararqan Aserpita Micmetatyaqmi. Micmetat kaykan Siquem simpanmi. Sur kaqläpanami aywararqan Tapúa pukyuyaq.

⁸ Tapúa marka cercankuna Manasés trïbu runakunapa kaptinpis kikin Tapúa markaqa Efraín trïbu runakunapami karqan.

⁹ Tapúa pukyupitanami Manasés trïbu runakunapa posisionninpa lindërun Caná raqra kuchulanpa aywararqan Mediterráneo Lamaryaq. Caná raqra norti kaqlä Manaséspa kaptinpis juk ishkayla markakuna say simpacho Efraín trïbu runakunapami karqan.

¹⁰ Imano kaptinpis Caná raqra sur kaq simpan Efraín trïbu runakunapami karqan. Say raqra norti kaq simpannami Manasés trïbu runakunapa karqan. Raqra kuchulanpa aywararmi lindërun chärarqan Mediterráneo Lamarman. Manasés trïbu runakuna chaskiyashqan norti kaqlä lindërunmi Aser trïbu runakunapa lindërunwan tinkurarqan. Inti jeqamunan kaqlä lindërunnami Isacar trïbu runakunapa lindërunwan tinkurarqan.

¹¹ Manasés trïbu runakuna chaskiyashqan wakin markakunaqa Isacar y Aser trïbu runakunapa posisionninkunachömi karqan. Caseriunkunawanmi say markakuna kayarqan Bet-seán, Ibleam, Dor, Endor, Taanac y Meguido.

¹² Say markakunata posisionninkunapaq chaskirpis saycho taykaq cananeo runakunata manami qarquyta kamäpakuyarqansu.

¹³ Israel runakuna askaman mirayashpannami cananeo runakunata arusir munaynincho sararäyarqan.

Efraínwan Manasés trïbu runakuna posisionnin mas kananpaq manakuyashqan

¹⁴ Josépita miraq runakunami Josuéta niyarqan: <>

¹⁵ Sayno niyaptinmi Josué nirqan: <>.

¹⁶ Niptinmi niyarqan: <>.

¹⁷ Saymi Josépita miraq Manasés y Efraín trïbu runakunata Josué nirqan: <

¹⁸ intëru say muntiyuq jalqakunapis kanqa. Say muntikunata saqukur chakraykikuna kichayanki mayyaqpis lindërun chashqanyaq. Pampacho taq cananeo runakuna munayyuq kayaptinpis y fiërru carrëtankuna kaptinpis qamkuna qarquyankimi>>.