Josué 15 - Tayta Diospa Wilakuynin

Judá trïbu runakunapa lindërunkuna mayninpa kashqanpis

¹ Judá trïbu runakuna ayllunpa ayllunpa posisionta suertita jitaypa chaskiyashqanqa Edom nacionpa lindërunyaqmi chärarqan. Sur kaqläpami Zin niyashqan sunyaq jirkayaq chärarqan.

² Sur kaqläpa lindërunqa Kachi Lamarpa ura kuchunpitami qalaykurqan.

³ Saypita Acrabim cuestapa päsarmi Zin niyashqan sunyaq jirkaman chärarqan. Saypa päsarnami Cades-barnea sur kaqläpa aywararqan hasta Hezrónyaq. Saypitami wisaypana Adaryaq aywar Carcáyaq tumararqan.

⁴ Carcápitanami päsararqan Asmónman. Asmónpa päsarmi Egipto raqrayaq chärarqan. Saypitanami lindërun chärarqan Mediterráneo Lamaryaq. Saynömi lindërun karqan sur kaqläpa.

⁵ Inti jeqamunan kaqläpanami lindërun karqan Kachi Lamar kuchulanpa hasta Jordán mayuman chashqanyaq. Saypitaqa norti kaqläpanami lindërun qalaykurqan.

⁶ Norti kaq lindërun wisaypa aywarar chärarqan Bet-hoglayaqmi. Saypitami Bet-arabápa norti kaqläpa päsar Bohán Ben-Rubén qaqaman chärarqan.

⁷ Saypita Acor Pampapa päsar Debirman chashpan Gilgalmanmi tumararqan. Gilgalqa Adumínpa sur kaq simpanchömi karqan. Saypita lindërun En-semescho pukyu kaykaqpa päsar En-rogel pukyuyaqmi aywararqan.

⁸ Saypitami jebuseo runakuna täyashqan sur kaqläpa päsar Ben-hinom raqrapa päsararqan. Saychöqa Jerusalénmi kaykan. Ben-hinom raqrapita wisaypana aywararmi löma jananyaq chärarqan. Say lömaqa Jerusalénpita inti jeqanan kaqläpami kaykan. Saypitanami lindërun chärarqan Refaim pampa norti kaq kuchunyaq.

⁹ Saypa päsar löma jananpitaqa lindërun uraraykarqan Neftoacho yaku pashtaq pukyuyaqmi. Saypita päsarmi Efrón jalqakunacho kaykaq markakunayaq chärarqan. Saypitami tumararqan Baala markapa. Baalapa jukaq jutimi Quiriat-jearim karqan.

¹⁰ Baalapita päsarmi inti jeqanan kaqläpa tumararqan Seir jalqakunapa. Saypitami Jearim jalqakuna norti kaqlächo kaykaq Quesalónpa päsar uraypana aywararqan Bet-semespa Timnaman chashqanyaq.

¹¹ Saypitami Ecrón marka norti kaqlä lömapa chaykur tumararqan Sicrónpa y Baala jalqakunapa. Saypita Jabneelpa päsar Mediterráneo Lamarmanmi tinkurqan.

¹² Inti jeqanan kaqläpami Mediterráneo Lamar kuchulanpa lindërun aywararqan. Saynömi Judá trïbu runakuna ayllunpa ayllunpa chaskiyashqan posisionpa lindërunkuna karqan.

Hebrónta y Debirta Caleb qechushqan

¹³ Tayta Dios nishqannölami Jefonipa surin Calebta Josué posisionta aypurqan Judá trïbu runakunapa posisionnincho. Saynöpami Caleb chaskirqan Quiriat-arbata. Say markata sharkasiq Arba jutiyuq runapitami anaceo runakuna mirayarqan. Quiriat-arbapa jukaq jutinmi Hebrón kaykan.

¹⁴ Anaceo runakuna kayarqan Sesai ayllu, Ahimán ayllu y Talmai ayllumi. Say kimsa ayllu anaceo runakunatami markankunapita Caleb qarqurqan.

¹⁵ Saypitanami Debircho taq runakunata atacayänanpaqna yaykuyarqan. Say markapa unay jutinmi karqan Quiriat-sefer.

¹⁶ Saymi Caleb nirqan: <>.

¹⁷ Sayno niptinmi Cenazpa surin Otoniel say markaman yaykur saycho taqkunata vincirqan. Sayno vinciykuptinnami Calebqa surin Acsawan täsirqan. Otonielqa karqan Calebpa shulka wawqinpa surinmi.

¹⁸ Papäninpa wayinpita yarquykäyashqanchönami warmin Acsata Otoniel nirqan: <>. Saymi ashnunpita Acsa urarkuptin papänin Caleb tapur nirqan: <<¿Imatataq munaykanki, hïja?>>

¹⁹ Tapuptinmi Acsa nirqan: <>. Sayno niptinmi papänin rikasirqan jana tuman pukyuyuq chakrata y ura tuman pukyuyuq chakratapis.

Judá trïbu runakuna chaskiyashqan markakuna

²⁰ Judá trïbu runakuna ayllunpa ayllunpa posisionta chaskiyashqan markakuna kaykunami karqan:

²¹ Sur kaqläpa aywar Edom nación cercancho kaq markankuna karqan Cabseel, Edar, Jagur,

²² Cina, Dimona, Adada,

²³ Cedes, Hazor, Itnán,

²⁴ Zif, Telem, Bealot,

²⁵ Hazor-hadata, Queriot, Hezrón (Hezrónpa jukaq jutinmi karqan Hazor),

²⁶ Amam, Sema, Molada,

²⁷ Hazar-gada, Hesmón, Bet-pelet,

²⁸ Hazar-sual, Beerseba, Bizotia,

²⁹ Baala, Iim, Esem,

³⁰ Eltolad, Quesil, Horma,

³¹ Siclag, Madmana, Sansana,

³² Lebaot, Silhim, Aín y Rimón. Say markakuna ishkay chunka esqunmi (29) caseriunkunawan karqan.

³³ Inti jeqanan kaqlä Sefelachömi Judá trïbu runakunapa markankuna karqan Estaol, Zora, Asena,

³⁴ Zanoa, En-ganim, Tapúa, Enam,

³⁵ Jarmut, Adulam, Soco, Azeca,

³⁶ Saaraim, Aditaim, Gedera y Gederotaim. Say markakuna chunka chuskumi caseriunkunawan karqan.

³⁷ Say particho wakin kaq markakunapis karqan Zenán, Hadasa, Migdal-gad,

³⁸ Dileán, Mizpa, Jocteel,

³⁹ Laquis, Boscat, Eglón,

⁴⁰ Cabón, Lahmam, Quitlis,

⁴¹ Gederot, Bet-dagón, Naama y Maceda. Say markakuna chunka soqtami caseriunkunawan karqan.

⁴² Saynöpis wakin markakuna karqan Libna, Eter, Asán,

⁴³ Jifta, Asena, Nezib.

⁴⁴ Keila, Aczib y Maresa. Say markakuna esqunmi caseriunkunawan karqan.

⁴⁵ Judá trïbu runakunaqa caseriunkunatawanmi Ecrón markatapis chaskiyarqan.

⁴⁶ Ecrónpita Mediterráneo Lamaryaq aywar Asdod nawpancho kaykaq markakunapis Judá trïbu runakunapami karqan.

⁴⁷ Asdod markapis, Gaza markapis y lapan caseriunkunapis Judá trïbu runakunapami karqan. Mediterráneo Lamar kuchunpa aywashpan Egipto raqrayaq char lapan saycho kaq markakunawan caseriukuna Judá trïbu runakunapami karqan.

⁴⁸ Jalqakuna kashqan partichöqa Judá trïbu runakunapa markankuna karqan Samir, Jatir, Soco,

⁴⁹ Dana, Quiriat-sana (Quiriat-sanapa jukaq jutinmi karqan Debir),

⁵⁰ Anab, Estemoa, Anim,

⁵¹ Gosén, Holón y Gilo. Say markakuna chunka jukmi caseriunkunawan karqan.

⁵² Say particho kaykaq wakin markakuna karqan Arab, Duma, Esán,

⁵³ Janum, Bet-tapúa, Afeca,

⁵⁴ Humta, Quiriat-arba (Quiriat-arbapa jukaq jutinmi karqan Hebrón) y Sior. Say markakuna esqunmi caseriunkunawan karqan.

⁵⁵ Saynöpis karqan Maón, Carmel, Zif, Juta,

⁵⁶ Jezreel, Jocdeam, Zanoa,

⁵⁷ Caín, Gabaa y Timna. Say markakuna chunkami caseriunkunawan karqan.

⁵⁸ Saynöpis karqan Halhul, Bet-sur, Gedor,

⁵⁹ Maarat, Bet-anot y Eltecón. Say markakuna soqtami caseriunkunawan karqan.

⁶⁰ Saynöpis Judá trïbu runakunapami karqan Quiriat-baal (Quiriat-baalpa jukaq jutinqa karqan Quiriat-Jearimmi) y Rabá. Say markakuna ishkaymi caseriunkunawan karqan.

⁶¹ Sunyaq jirkachöpis Judá trïbu runakunapa markankuna karqan Bet-arabá, Midín, Secaca,

⁶² Nibsán, Kachi Marka y En-gadi. Say markakuna soqtami caseriunkunawan karqan.

⁶³ Judá trïbu runakuna manami qarquyta kamäpakuyarqansu Jerusaléncho taykaq jebuseo runakunata. Kananyaqpis jinalami jebuseo runakunaqa Judá trïbu runakuna kaqcho taykäyan.