Josué 12 - Tayta Diospa Wilakuynin

Moisés wanusishqan reykuna pï kayashqanpis

¹ Jordán mayuta manaraq simparmi ishkay reykunata wanusir nacionninkunata Israel runakuna sarikurkuyarqan. Say reykuna mandayarqan Arnón mayupita Hermón puntayaqmi. Say karqan Arabá pampa simpan inti jeqamunan kaqläpami.

² Juk wanusishqan rey karqan amorreo runakunapa mandaqnin Sehón. Paymi Hesbóncho tarqan. Rey Sehón mandarqan Arnón mayu nawpancho kaykaq Aroerpita pasa Jaboc mayuyaqmi. Jaboc mayu amonita runakunapa lindërun kaptinmi pulan Galaadpis paypa munaynincho karqan.

³ Saynölami Sehónpa munaynincho karqan Jordán mayu nawpan pampakuna Cineret qochapita pasa Arabá Lamaryaq (Arabá Lamarqa Kachi Lamarmi kaykan) y Bet-jesimotpita sur kaqläpa aywar Pisga niyashqan punta chakinyaq. Saykuna karqan Arabá pampa simpan inti jeqamunan kaqlächömi.

⁴ Jukaq wanusishqan reynami karqan Basán partipa mandaqnin rey Og. Paylanami refaíta runaqa kaykarqan. Og tarqan Astarotcho y Edreichömi.

⁵ Ogpa munayninchömi karqan Hermón puntapita Salcayaq, intëru Basán partipita Gesur lindëruyaq y Maaca lindëruyaq. Pulan Galaadpis Hesbóncho taq rey Sehónpa lindërunyaq paypa munayninchömi karqan.

⁶ Say ishkay reykunatami Tayta Diospa sirviqnin Moisés Israel runakunawan vinciyarqan. Nirkur say partikunatami posisionta aypurqan Rubén trïbuta, Gad trïbuta y pulan Manasés trïbuta.

Josué wanusishqan reykuna pï kayashqanpis

⁷ Israel runakunawan Jordán mayuta simparkur aska reykunatami Josué wanusirqan. Say reykuna mandayashqan partikuna karqan Líbano pampacho kaq Baal-gadpita Seir partiman aywaq Halac jirkayaqmi. Say partikunatami Israel trïbukunata Josué aypurqan posisionnin kananpaq.

⁸ Saymi Israel runakuna chaskiyashqan partikuna karqan jalqakuna kashqan partikuna, Sefela, Arabá pampa, lamar kuchun pampakuna, sunyaq jirkakuna y Neguevpis. Say partikuna karqan heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapami.

⁹ Wanusishqan reykuna kayarqan: Jericó markapa mandaqnin rey, Bet-elpa nawpancho kaykaq Hai markapa mandaqnin rey,

¹⁰ Jerusalén markapa mandaqnin rey, Hebrón markapa mandaqnin rey,

¹¹ Jarmut markapa mandaqnin rey, Laquis markapa mandaqnin rey,

¹² Eglón markapa mandaqnin rey, Gezer markapa mandaqnin rey,

¹³ Debir markapa mandaqnin rey, Geder markapa mandaqnin rey,

¹⁴ Horma markapa mandaqnin rey, Arad markapa mandaqnin rey,

¹⁵ Libna markapa mandaqnin rey, Adulam markapa mandaqnin rey,

¹⁶ Maceda markapa mandaqnin rey, Bet-el markapa mandaqnin rey,

¹⁷ Tapúa markapa mandaqnin rey, Hefer markapa mandaqnin rey,

¹⁸ Afec markapa mandaqnin rey, Sarón markapa mandaqnin rey,

¹⁹ Madón markapa mandaqnin rey, Hazor markapa mandaqnin rey,

²⁰ Simron-merón markapa mandaqnin rey, Acsaf markapa mandaqnin rey,

²¹ Taanac markapa mandaqnin rey, Meguido markapa mandaqnin rey,

²² Cedes markapa mandaqnin rey, Carmelucho kaykaq Jocneam markapa mandaqnin rey,

²³ Dor provinciacho kaykaq Dor markapa mandaqnin rey, Gilgalcho kaykaq Goim markapa mandaqnin rey

²⁴ y Tirsa markapa mandaqnin rey. Say lapan wanuq reykuna kayarqan kimsa chunka jukmi (31).