Jonás 3 - Tayta Diospa Wilakuynin

Nínivicho taq runakuna jusalikuyta wanakuyashqan

¹ Saypitanami Jonásta Tayta Dios yapay nirqan:

² <>.

³ Saymi Tayta Dios nishqanno Nínive jatun markaman Jonás aywarqan. Say markataqa kimsa junaqraqmi pipis puriyta ushaq.

⁴ Níniviman chaykurmi juk junaq qoyati wilakur Jonás purirqan. Wilakurmi kayno nirqan: <<¡Kananpita chusku chunka (40) junaq manaraq kaptinmi kay markata Tayta Dios ushakäsinqa!>>

⁵ Sayno wilakushqanta wiyarmi Nínive runakuna criyiyashpan rïcupis pobripis qachqa mödanata jatikurkur ayunayarqan.

⁶ Jonás wilakushqanta wiyaykurmi Nínivicho mandaq reypis qachqa mödanata jatikuskir uchpaman jamaykur Tayta Diosta manakurqan.

⁷ Saynöpis Nínive runakuna ayunayänanpaqmi autoridäninkunawan wilakasir niyarqan: <

⁸ Saypa trukanqa lapan runakunapis qachqa mödanata jatikurkur lapan shonqunkunawan Tayta Diosta manakuyäsun. Saynöpis jusalikuyta y wanusinakuyta kacharir alina kawayäsun.

⁹ Sayno ruraptinsi capazchir Tayta Dios kuyapämashpansi manana ushakäsimäshunsu>>.

¹⁰ Nínive runakuna jusalikuyashqanta wanakuyaptinmi ushakäsinanpaq wilakasish karpis Tayta Dios manana ushakäsirqannasu.