Joel 3 - Tayta Diospa Wilakuynin

Lapan nación runakunata Tayta Dios juzgananpaq nishqan

¹ 1 (4.1) Tayta Diosmi nin: <

² 2 (4.2) Lapan nación runakunata shuntarkurmi Josafat Pampaman apashaq. Saychömi paykunata juzgashaq kuyashqä Israel runakunapa contran rikakuyashqanpita. Qoykushqä nacionninpitami Israel runakunata say contrankuna maysay nacionman qarquyash. Israel nación noqapa kaykaptinmi paykuna aypunakuyash.

³ 3 (4.3) Suertita jitaypami kuyashqä runakunata rakipänakuyash. Wamrakunata olqutapis warmitapis rantikurmi ushayash. Say qellaywanmi upyayash y prostitüta warmikunawan kakuyash.

⁴ 4 (4.4) <<¡Tiro y Sidón markacho taq runakuna! ¡Filistea nacioncho taq runakuna! ¿Imanirtaq rabyanäsiyämanki? ¿Imanirtaq conträ sharkuyanki? Ichiklanami pishiykan qamkunata castiganäpaq.

⁵ 5 (4.5) Qamkunaqa suwapäyämashpaykimi qellaynïtapis, qorïtapis tesörükunatapis templuykikunaman apakuyashkanki.

⁶ 6 (4.6) Qamkunaqa Judá runakunatapis y Jerusalén runakunatapis karuman apaykurmi griego runakunapa ashmayninpaq rantikuyashkanki.

⁷ 7 (4.7) Karuman rantikuyaptikipis kikïmi shuntamushaq. Paykunata rantikuyashqaykinölami qamkunatapis rantikuyäshayki.

⁸ 8 (4.8) Olqutapis warmitapis surikikunata Judá runakunamanmi rantikushaq. Paykunanami karucho taq sabeo runakunaman rantikuyanqa. Noqa Tayta Diosmi sayno nï>>.

⁹ 9 (4.9) Maysay nacionkunachöpis kayno wilakuyay: <<¡Guërraman aywayänaykipaq kamarikuyay! ¡Ali chölunnin kaq soldädukunata shuntayay! ¡Geniu kaqkunaqa lapayki guërraman aywayay!

¹⁰ 10 (4.10) Lampaykipita espädayki rurakuyay. Ösikipitapis lanzayki rurakuyay. Jaka shonqu karpis <¡ali chölumi kä!> niyay.

¹¹ 11 (4.11) Israelpa nawpancho kaq nacionkuna, lapayki jukla shuntakäyämuy>>. Soldäduykikunata pushaykalämuy, Tayta Dios.

¹² 12 (4.12) <

¹³ 13 (4.13) Paykunapa jusankuna seqaypami poqush kaykan. Poquraykaq trïguta ösiwan achuyashqanno wanusiyay. Vïnuta ruraqkuna üvata jaruyashqanno ushakäsiyay. Juzgar castiganäpaq kaq tiempu chämushna kaptinqa sayno rurayay>>.

¹⁴ 14 (4.14) Juzgana Pampachöqa waranqanpa waranqanpami runakuna shuntakash kaykäyan. Paykunata Tayta Dios juzganan junaq chämunqanami.

¹⁵ 15 (4.15) Say junaqqa intipis killapis sakakäkuyanqami. Qoyllarkunapis manami asikyäyanqanasu.

¹⁶ 16 (4.16) Tayta Diosmi Sión lömapita pasa leonnöpis qaparämunqa. Jerusalénpita pasa qayakamushqanmi maqakuynöraq wiyakämunqa. Saymi jana pasapis y kay pasapis suksukyäyanqa. Kuyashqan Israel runakunatami isanqa castïgupita sapanqa.

Judá runakunaman bendicionta churananpaq kashqan

¹⁷ 17 (4.17) Tayta Diosmi nin: <

¹⁸ 18 (4.18) Say wisanmi jirkakunacho y lömakunacho vïnupis y lichipis yakunöraq saysika kanqa. Judá nacioncho raqrakunapapis mana sakiypami yaku aywanqa. Templü rurinpita yaku pashtamurmi Sitim Pampatapis parqunqa.

¹⁹ 19 (4.19) <

²⁰ 20 (4.20) Judácho y Jerusalénchömi isanqa imaypis runakuna täyanqa.

²¹ 21 (4.21) Kikïpis Sión lömachömi täshaq. Runakunata saycho wanusiyashqanpitami mana perdonaypa lapanta juzgashaq>>.