Joel 2 - Tayta Diospa Wilakuynin

Tayta Dios juzganan junaq mansariypaq kashqan

¹ Tayta Dios juzganan junaq chaykämunnami. Judácho taqkuna, lapayki mansariyashpayki suksukyäyay. Pïmaypis musyananpaq sagrädu Sión lömacho cornëtata tukayay.

² Say junaq pasapis sakakäkunqami. Yanawyayparaqmi pukutaypis sapakurkunqa. Pasa waraptin jirkakunapa inti mashtamushqannömi saysika soldädukuna shayämunqa. Saynöqa manami imaypis kashsu ni imaypis kanqasu.

³ Imatapis tarishqan kaqta nina ushaqnömi lapantapis ushayanqa. Atacayänanpaq manaraq chämuptin Edén huertanömi lapanpis kuyaylapaq kanqa. Päsaskiyaptinmi isanqa sunyaykar rikakunqa. Manami imapis say soldädukunapita qeshpinqasu.

⁴ Guërra cawallukunanömi mansariypaq kayanqa. Cawalluta loqakurkur cörriq soldädukunanömi cörriyanqa.

⁵ Guërra carrëtakuna elaqpita puntapa tumamur taqrarayla aywashqannömi paykunapis patatayla aywapäkushqan mayakanqa. Usya tiempucho muntita nina bunyaypa bunyar ushaqnömi qaparäyanqa. Guërraman aywaq saysika soldädukuna kamarikushla aywayashqannömi aywayanqa.

⁶ Sayta rikaykurmi runakuna pasaypa mansakar cärankunapis almatakash rikakuyanqa.

⁷ Atacaqkunaqa ali chölu kayashpanmi mana mansariypa cörriyashpan marka murälla jananman wisäyanqa. Lapanmi mana yaqaykachaypa wachuchuyla aywayanqa.

⁸ Mana tanqanakuypami lapanpis aywayashlanpa aywayanqa. Paykunata flëchayaptinpis mana qeshpiypami yaykuyanqa.

⁹ Markakunamanpis mana mansariypami yaykuyanqa. Tapia jananpapis cörriyanqami. Wayikunamanpis achpaypami wisäyanqa. Ventänapapis suwanömi yaykuyanqa.

¹⁰ Kay pasapis pasaypami mansakanqa. Jana pasapis suksukyanqami. Intipis y killapis sakakäkunqami. Qoyllarkunapis manami asikyäyanqanasu.

¹¹ Say atacaqkunapa puntantami Tayta Dios aywanqa. Atacayänanpaq mandaptin maqakuynöraqmi wiyakanqa. Nishqanta ruraqkunaqa yupaytapis mana atipaypaqmi kayanqa. Paykunaqa tishyayparaqmi aywayanqa. Tayta Dios juzganan junaq pasaypa mansariypaqmi kanqa. Sayta manami pipis awantanqasu.

Wanakuyänanpaq nishqan

¹² Saymi Tayta Dios nin: <>.

¹³ Jusalikuyashqaykipita pësakur mödanaykikunata rachiyänaykipa trukanqa jusaykikunata kachariyay. Lapan shonquykikunawan kuyashuqniki Tayta Diosninsi munashqanno kawayay. Payqa kuyapäkuq y perdonakuqmi kaykan. Imapitapis juklaqa manami rabyakunsu. Perdonayäshushpaykiqa manami castigayäshunkinasu.

¹⁴ Capazchir castigayäshunaykipa trukan bendicionta qoyäshunkiman. Saynöpami Tayta Diosninsita agradëcikur saki mikuy ofrendatapis vïnutapis apayanki.

¹⁵ Sión lömacho cornëtata tukayay. Lapayki wilanakuyay shuntakaykur ayunayänaykipaq.

¹⁶ Purificakuyänaykipaq lapayki shuntakäyay. Awkinpis wamrapis lapayki aywayay. Chuchuykaq wamrakunatapis apayay. Sayraq majasakashkunapis punukuyänaykipita yarqur ayunaq aywayay.

¹⁷ Tayta Diosta sirviq cürakuna, altar kaqcho waqayay. Tayta Diosta manakur niyay: < niyämänanta>>.

¹⁸ Sayno manakushqaqa kuyapäkuq kashpanmi Tayta Dios perdonamäshun.

¹⁹ Saymi nimäshun: <

²⁰ Norti kaqläpita shamuqkunataqa sunyaq jirkamanmi qarqushaq. Puntanta aywaqkunatami Kachi Lamarman qarpushaq. Qepanta aywaqkunatanami Mediterráneo Lamarman qarpushaq. Saychömi lapanpis ismuyashpan pasaypa asyäyanqa. Sayno ruraptï espantaypaqmi kanqa.

²¹ <

²² Jirka uywakuna, ama mansariyaysu. Qewapis loqluyparaqmi winamunqa. Früta jachakunapis wayunqami. Hïguspis üvapis tampiyparaqmi wayunqa.

²³ Sióncho taqkuna, noqaman yärakayämashpayki kushikuyay. Unaynömi punta kaq tamyata y qepa kaq tamyatapis tiempulancho tamyasimushaq.

²⁴ Saymi trïgutapis askata shuntayanki. Vïnupis aceitipis saysikami kanqa.

²⁵ <

²⁶ Saymi mikuynikikunapis pusuy pusuy kanqa. Qamkunata yanapashpämi kushikuypaq kaqkunata rurashaq. Saymi lapan shonquykikunawan kushish alabayämanki. Manami imaypis yapay penqayman churayäshaykinasu.

²⁷ Saychömi tantiyayanki qamkunawan kaykashqäta. Saynöpis tantiyayanki Tayta Diosniki kashqätami. Noqapita mas manami juk Dios kansu. Kanan kaykäyashqaykinöqa manami penqaycho yapay kayankinasu>>.

Espíritu Santuta Tayta Dios kachamunanpaq nishqan

²⁸ 28 (3.1) <

²⁹ 29 (3.2) Say junaqkunami olqumanpis warmimanpis sirvimaqnïkunaman Espïritüta kachamushaq.

³⁰ 30 (3.3) Jana pasachöpis y kay pasachöpis rikakäsimushaq imaypis mana rikayashqaykikunatami. Yawartapis, ninatapis y ichiraykaq qoshtaytapis rikayankimi.

³¹ 31 (3.4) Intipis sakakäkunqami. Killapis yawarmanmi tikranqa. Saykuna kanqa juzganä junaq manaraq chämuptinmi. Say junaqqa seqaypa mansariypaqmi kanqa.

³² 32 (3.5) Sayno kaptinpis noqata manakamaq kaqtaqa pïmaytapis salvashaqmi. Promitishqänölami Sión lömacho kaykaq Jerusaléncho runakunata salvashaq. Qayashqä kaqkunataqa lapantami salvashaq>>.