Job 4 - Tayta Diospa Wilakuynin

Elifaz nishqan

¹ Saypitanami Temán partipita shamuq Elifaz Jobta nirqan:

² <

³ Qamqa askaqtami shumaq yachasiq kanki. Desvaloraq runatapis valurasiqmi kanki.

⁴ Lutan ruraq runatapis alita rurananpaqmi tantiyasiq kanki. Mansariq runatapis shakyäsiqmi kanki.

⁵ Sayno kaykarmi kikikita desgracia päsashuptikiqa jukla desvalorash rikakunki. Kikiki nakarqa pasaypa turbatanki.

⁶ Tayta Diosta mansapakuq runa kaykarqa ¿manaku payman yärakunkiman?

⁷ <<¡Shumaq tantiyakuy! Jusaynaq runaqa manami nakansu. Ali kawaq runataqa manami desgracia päsansu.

⁸ Yaqa runami isanqa imaypis nakan. Saytaqa nawïpami rikashkä.

⁹ Say niraq runataqa Tayta Diosmi castigan. Rabyashpan lapantami ushakäsin.

¹⁰ <

¹¹ Munayniynaq rikakurmi malaqaypita león wanushqanno wanun. Maman wanuptin león malwakuna maysaypapis aywakuyashqannömi yaqa runapa surinkunapis aywakuyan.

¹² <

¹³ Punukash kaykarmi sueñuynïcho wilapämashqanta wiyashkä.

¹⁴ Fiyupa mansarir suksukyaptïmi tulükunapis taqrarayparaq suksukyash.

¹⁵ Wayra walwalyämuqta mayaptïmi aqsäpis kashalikurkush.

¹⁶ Nawpächo alma kaykaqta mayarmi lantutyaqta rikashkä. Chulukla kaykashqan hörami yachaylapa parlapämar nimash:

¹⁷

¹⁸ Angilninkunamanpis manami yärakunsu. Angilkunapis lutanta ruraykäyaptinqa

¹⁹ masraqchir runaqa lutanta ruran. Runaqa alpalapita rurash karmi puyuno lapiriylapaq kaykan.

²⁰ Elaqpita wanurmi imaypis mana kutimuq aywakun. Wanukuptinqa jutintapis qonqaykuyannami.

²¹ Kay pasacho ushakaqla karmi Dios munashqanno kawanansipaq shumaq manaraq yachakur wanukunsi>.