Jeremías 6 - Tayta Diospa Wilakuynin

Jerusalénta atacayänanpaq wilakushqan

¹ ¡Benjamín trïbu runakuna, Jerusalénpita qeshpir aywakuyay! ¡Tecoacho cornëtata tukayay! ¡Bet-haquerem puntacho qoshnita rurayay! ¡Nortipita fiyupa mansariypaq castïgu chämunanpaqnami kaykan!

² <

³ Saymi uysha misiqkuna uyshankunata qatiqno soldädunkunata pushash Jerusalénman reykuna chäyämunqa. Uysha misiqkuna uyshankunawan posädakuqnömi marka waqtankunapa tumaypa posädakuyanqa. Nirkurmi qewata uyshakuna ushaqno markata chipyaq ushakäsiyanqa.

⁴ <

⁵ ¡Sayno kaykaptinqa sakaypana yaykapaykushun! ¡Lapan palaciunkunatapis juchusishun!> >>

⁶ Say reykunatami lapanta mandaq Tayta Dios nin: <<¡Jerusalén punkuta pakiyänaykipaq qerukunata mutuyay! ¡Murällan waqtankunaman wisar yaykuyänaykipaq alpata qotuyay! Say markacho kaykaq runakunataqa castigashaqmi. Saychöqa pasaypa fiyu runakunami kaykäyan.

⁷ Pukyucho yaku imaypis mana ushakashqannömi Jerusaléncho lutan ruraykuna imaypis ushakansu. Pïmaypis yaqa karmi wanusinakuyparaq maqanakuyan. Runakuna nakasinakuykaqta y chikinakuykaqtami imaypis rikaykä.

⁸ Jerusalén runakuna, imano kawayashqaykitapis shumaq tantiyakuyay. Mana tantiyakuyaptikiqa kachariykuyäshaykimi. Täyashqayki naciontapis sunyaqmanmi tikrasishaq>>.

⁹ Lapanta mandaq Tayta Diosmi nin: <>.

¹⁰ Saymi Tayta Diosta nirqä: <<¿Pitaraq wilapäshaq? ¿Pitaraq anyapäshaq? ¿Piraq wiyamanqa? Say runakunaqa rinrinkuna sapakashnömi kaykäyan. Wilakuynikita wiyarpis asikuyanmi. Imata nishqaykitapis manami wiyayta munayansu.

¹¹ Saymi qam rabyash kashqaykino noqapis rabyash kaykä. Rabyashqaykitaqa manami amuräkümansu>>. Tayta Diosmi nimarqan: <

¹² Runakunapa chakrankunapis, wayinkunapis y warminkunapis jukpanami kayanqa. Kay nacioncho taq runakunataqa noqami castigashaq. Noqa Tayta Diosmi sayno nï.

Profëtapis cürapis jusalikuyashqan

¹³ <

¹⁴ Paykunaqa kuyashqä runakuna däñakush japuy kaykäyaptinpis janalanpa jampiqnölami kaykäyan. Castïgu kananpaq kaykaptinpis niyanmi.

¹⁵ Melanaypaq jusalikurpis manami penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï>>.

Akrashqan runakuna Tayta Diosta mana cäsukuyashqan

¹⁶ Tayta Diosmi nin: <>. Tayta Dios sayno niptinpis runakunaqa niyan: <<¡Manami say nänipa aywayäshaqsu!>>

¹⁷ Saymi rikachakuqkunata churashpan runakunata Tayta Dios nin: <<¡Rikachakuqkuna cornëtata tukayämushqanta maya mayala kaykäyay!>> Sayno niptinpis runakunaqa niyan: <>.

Jerusalén runakuna castigash kayänanpaq wilakushqan

¹⁸ <<¡Maysay nación runakuna, wiyayämay! ¡Kuyashqä runakunata imano castiganäpaq kashqantapis musyayay!

¹⁹ <<¡Mundu intëru, shumaq wiyayämay! Kay runakunata fiyupami castigashaq. Sayno castigashaq wilapashqäta mana wiyakuyashqanpita y leynïkunata mana cäsukuyashqanpitami.

²⁰ Paykunaqa manakaqlapaqmi juklä nacionpita mushkuq jachakunata apayämun. Sabá nacionpita inciensutapis manakaqlapaqmi altarnïman apayämun. Noqaqa manami chaskïnasu sacrificiuta altarcho rupasiyashqantapis. Sacrificiukunata apayämushqanqa manami shonqüpaqnösu.

²¹ Saymi maypa aywayaptinpis paykunapaq trampano kashaq. Taytanpis, surinpis, vecïnunpis y reqinakuyashqanpis wanuyanqami. Noqa Tayta Diosmi sayno nï>>.

²² Tayta Diosmi nin: <

²³ Paykunaqa flëchankunawan y espädankunawanmi kaykäyan. Fiyu runa kayashpanmi pitapis kuyapäyansu. Pelyayashpanpis qaparäyan lamar yaku pulchaqyar qaparaqnöraqmi. Cawallun loqashlami guërraman yarquyänanpaq kaykäyan. ¡Sión runakuna, atacayäshunaykipaqmi shayämunqa!>>

²⁴ Saymi Jerusalén runakuna niyanqa: <

²⁵ ¡Jirkapapis ama aywashunnasu! ¡Nänikunapapis ama purishunnasu! Chikimaqninsikunaqa saychömi espädankunawan kaykäyan. Maysaychöpis pasaypa mansariypaqmi kaykäyan>>.

²⁶ Saymi noqa nï: <<¡Marka mayikuna, qachqa mödanakunata jatikurkur uchpacho qoshpayay! ¡Japalan suriki wanuptin waqaqno fiyupa waqayay! ¡Ushakäsimänansipaq shamuqkuna elaqpitami chäyämunqa!>>

²⁷ Tayta Diosmi nimarqan: <>.

²⁸ Saymi nirqä: <

²⁹ Herrërukuna bräwawan mayjina pükasirpis qellaycho talush metalkunata sulusiyta mana kamäpakuyashqannömi kaykä. Saymi Jerusalén runakunata mayjina wilaparpis jusalikuyta kachariyänanpaq tantiyasiyta kamäpaküsu.

³⁰ Say runakunataqa Tayta Dios mananami yanapanqanasu. Saymi pïmaypis niyanqa jitarish qellay kayashqanta>>.