Jeremías 43 - Tayta Diospa Wilakuynin

Mana wiyakuypa Egiptupa aywakuyashqan

¹ Tayta Dios sayno nishqanta Jeremías wilayta usharkuptinmi

² Osaíaspa surin Azarías, Careapa surin Johanán y paykunawan kaykaq runakunapis runa tukuyashpan niyarqan: <<¡Qamqa lulakuykankimi! ¡Tayta Diosninsi manami nishushkankisu Egiptuman mana aywayänäpaq!

³ Saytaqa Neríaspa surin Barucmi yachaykäsishunki Babilonia runakunapa makincho kanansita munar. Barucqa munaykan Babilonia runakuna wanusiyämänanta o prësu apayämänantami>>.

⁴ Sayno nirmi Careapa surin Johanán, capitankuna y paywan kaykaq lapan runakuna Judácho quëdakuyänanpaq Tayta Dios nishqanta wiyakuyarqansu.

⁵ Wiyakuyänanpa trukanqa Johanán y capitankunami Judácho taykaq runakunata pushakurkur Egiptupa aywakuyarqan. Say pushayashqan runakunaqa maysay nacionman qeshpiyashqanpita sayraq Judáman kutimuq runakunami kayarqan.

⁶ Paykunawanmi aywakuyarqan Gedalíaspa makincho Nabuzaradán kachaykushqan runakuna, warmikuna, wamrakuna y Judá nacionpa mandaqnin reypa jipash surinkunapis. Saynölami profëta Jeremías y Neríaspa surin Barucpis paykunawan aywakuyarqan.

⁷ Tayta Dios nishqanta mana wiyakuypami Egiptupa aywakur Tafnes markayaq chäyarqan.

Egiptuta Nabucodonosor atacananpaq Jeremías nishqan

⁸ Tafnescho kaykaptinnami Jeremíasta Tayta Dios nirqan:

⁹ <

¹⁰ Nirkur runakunata ninki:

¹¹ Chaykamurmi Egipto runakunata soldädunkunawan atacar vincinqa. Wanuqpaq kaqkunaqa wanuyanqami. Prësu aywaqpaq kaqkunaqa prësumi aywayanqa. Guërracho espädawan wanuqpaq kaqkunaqa guërrachömi wanuyanqa.

¹² <<

¹³ Bet-semescho kaykaq adorayashqan wanka ruminkunatapis aqullarmi ushayanqa. Egipto runakuna adorayashqan dioskunapa templunkunata lapantami rupasir ushayanqa> >>.