Jeremías 41 - Tayta Diospa Wilakuynin

Gedalíasta wanusiyashqan

¹ Saypita qanchis killa päsarkuptinnami Ismael jutiyuq runa Mizpa markaman charqan chunka runakunata pushash. Ismael karqan Elisamapa wilkan y Netaníaspa surinmi. Saynöpis karqan Judá nacionpa mandaqnin reykuna ayllu y rey Sedequíaspa yanapaqnin autoridämi. Chaykurmi Gedalíaswan mikur upur jamaräyarqan.

² Mikuykäyashqanchömi pushashqan chunka runakunawan Ismael elaqpita Gedalíasta espädanwan wanurasiyarqan. Gedalíastami Judá nacionpa gobernadornin kananpaq Babilonia nacionpa mandaqnin rey churash karqan. Sayno kaykaptinpis mana mansapakuypami wanusiyarqan.

³ Saynölami Mizpacho Gedalíaswan kaykaq Judá runakunata y Babilonia soldädukunatapis wanusiyarqan.

⁴ Gedalíasta wanusiyashqanta manaraq musyarmi waraynin junaq

⁵ Siquempita, Silupita y Samariapita puwaq chunka (80) runakuna chäyämurqan. Jerusalén markata ushakäsiyashqanpita pasaypa lakikurmi paykuna kaykäyarqan shaprankunata rutukush, mödanankuna rachish y qarankunatapis pishtaypa pishtar ushash. Paykunami apayämurqan saki mikuy ofrendakunata y inciensuta Tayta Diospa templunman churayänanpaq.

⁶ Say runakuna Mizpaman manaraq chäyaptinmi Netaníaspa surin Ismael waqaraykar taripaq aywarqan. Tinkurkushpannami nirqan: <>.

⁷ Markaman chaskiyaptinnami cumpinchinkunawan Ismael say runakunata wanurasiyarqan. Nirkurmi yaku pözuman ayankunata winayarqan.

⁸ Manaraq wanusiyaptinmi say puwaq chunka runakunapita chunka runakuna Ismaelta ruwakuyarqan: <> nir. Sayno niyaptinmi wakin kaqta wanusirpis ruwakuq kaqkunataqa wanusiyarqannasu.

⁹ Ayakunata Ismael winashqan pözuqa karqan rey Asa unay rurasishqan yaku pözumi. Say pözuta uchkusirqan Israel nacionpa mandaqnin rey Baasawan pelyashqan wisanmi. Say pözuman juntaqpaqmi wanusishqan runakunapa ayanta Ismael winarqan.

¹⁰ Nirkurnami Ismael prësu sarirqan reypa warmi surinkunata y Mizpacho quëdaq wakin runakunatapis. Say runakunataqa wardiakunapa capitannin Nabuzaradánmi Gedalíaspa makincho kachash karqan. Paykunata prësu apakurkurmi Amón nacionman Ismael aywakurqan.

Prësu apashqan runakunata Ismaelpa makinpita qechuyashqan

¹¹ Careapa surin Johanán y paywan kaykaq capitankunami mayayarqan runakunata Ismael wanusishqanta.

¹² Saymi lapan runakunata shuntakurkur aywayarqan Ismaelwan pelyayänanpaq. Qatiparmi taripäyarqan Gabaóncho kaykaq yaku shuntakuna jatun kita nawpancho.

¹³ Ismael prësu apaykashqan runakunami Johanánta y paywan aywaykaq capitanninkunata rikaskir pasaypa kushikuyashpan

¹⁴ paykunaman jukla qelikäkuyarqan.

¹⁵ Ismaelnami puwaq yanapaqninkunalawan qeshpir Amón nacionman aywakuykarqan.

¹⁶ Prësu apaykashqan runakuna kayarqan soldädukuna, warmikuna, wamrakuna y autoridäkunami. Paykunatami Johanánqa yanapaqnin capitankunawan Ismaelta Gabaóncho qechuramur

¹⁷ Belénpa nawpancho kaykaq Gerut-quimamman pusharqan. Saychömi posädakuyarqan saylapitana Egiptupa aywakuyta yarpar.

¹⁸ Sayno aywakuyta yarpäyarqan Babiloniapa mandaqnin rey churashqan gobernador Gedalíasta wanusiyashqanpita fiyupa mansarirmi.