Jeremías 4 - Tayta Diospa Wilakuynin

¹ Sayno nir manakuyaptinmi Tayta Dios ninqa: <

² Sirviyämänaykipaq lapan shonquykiwan promitiyämaptikiqa maysay nacionkunapaqmi bendición kayankipaq. Saynöpami maysaychöpis runakuna alabayämanqa>>.

³ Jerusalén runakunata y Judá runakunatami Tayta Dios nin: <

⁴ Pactu rurashqansita cumpliyänaykipaq shonquykikunata señalakuyay. Sayno mana rurayaptikiqa fiyupami rabyakurkushaq. Rabyakurkuptïqa manami imanöpapis päsasiyta kamäpakuyankipaqsu>>.

Judá nación runakunata castigananpaq Tayta Dios nishqan

⁵ <

⁶ Noqaqa nortiläpitami soldädukunata kachamushaq atacayäshunaykipaq. ¡Runakuna Siónman qeshpir amparakuyänanpaq bandërata jawiyay! ¡Jukla qeshpiyay!

⁷ <<

⁸ Sayno päsashunaykipaq kaykaptinqa lakikuyashpayki qachqa mödanakunata jatikuyay. Pasaypa nanäsikur waqayashpayki qaparäyay. Pasaypa rabyashqätaqa manami imanöpapis päsasiyankipaqsu> >>.

⁹ Tayta Diosmi nin: <>.

¹⁰ Tayta Dios sayno nimaptinmi nirqä: <<¡Ay Tayta Dios! ¿Imanirtaq Jerusalén runakunata lulapashkanki? ¿Imanirtaq profëtakunata kacharqayki Jerusalén runakunata imapis mana päsananpaq kashqanta wilakuyänanpaq? Sayno wilakuyaptinpis kananqa kunkankunaman cuchillun churashnömi kaykäyan>>.

¹¹ Tayta Diosmi nimarqan: <

¹² sinöqa shukukuy wayrami kanqa. Say wayrataqa kikïmi wayräsimushaq. Saywanmi Jerusalén runakunata fiyupa castigashaq>>.

¹³ Sayta rikarmi Jerusalén runakuna niyanqa: <<¡Chikimaqninsikunaqa yanawyaykaq pukutaynöraqmi shamuykäyan! ¡Guërra carrëtankunapis shukukuy wayranöraqmi shamuykäyan! ¡Cawallunkunapis anka aywashqanpitapis mas shiwyaraylami cörriykäyämun! ¡Kananchi kananlaqa! ¡Manami imanöpa qeshpiytapis kamäpakunsinasu!>>

¹⁴ Jerusalén runakuna, salvakuyänaykipaq jusalikuyta wanakur shonquykikunata maylayay. ¡Imayyaqraq jusalikuylapaq yarpachakuykäyanki!

¹⁵ Dan markapita pasa y Efraín jalqakunapita pasami desgracia chämunanpaq kaqta wilakaykäyämun.

¹⁶ Sayno kaptinqa Jerusaléncho taqkunata y cercan nacionkunacho taqkunatapis wilayay karu nacionpita chikiqninkuna shamuykäyashqanta. Say chikiqninkunaqa Judá nacionman yaykur atacayänanpaqmi büllata rurar shamuykäyan.

¹⁷ Jerusalénman chaykurmi corralaypa sapaskiyanqa. Chakrata shumaq saparaq qenchanömi saparäyanqa. Akrashqä runakunata sayno päsanqa conträ rikakuyashqanpitami. Noqa Tayta Diosmi sayno nï.

¹⁸ Judá runakuna, mana cäsukuypa lutanta rurayashqaykipitami saynöqa päsayäshunkipaq. Sayno päsayäshuptiki fiyupa lakikur shonquykikunapis nananqaraqmi.

Jeremías fiyupa lakikushqan

¹⁹ ¡Ay shonqulaw shonqu! ¡Lakikuptï shonqü sapakayparaqmi nanaykun! ¡Manami upälakuytapis kamäpaküsu! Pelyapaq cornëta waqamuqtami wiyashkä. Soldädukuna shamur büllata ruraykäyaqtami wiyashkä.

²⁰ Yaparir yaparir desgracia päsamaptinsimi intëru nacionninsi ushakaykan. Posädakunansi toldunsikunatapis wayinsikunatapis elaqpitami ushakäsiyash.

²¹ Guërracho cornëta waqamuqta ¡imayyaqraq wiyaykäshaq! Atacamaqninsi soldädukuna bandëran aptash shamuykäyaqta ¡imayyaqraq rikaykäshaq!

²² Tayta Diosmi nin: <>.

Desgracia shamuykaqta revelacioncho Jeremías rikashqan

²³ Pasaypa ushakashta y sunyaraykaqtami kay nacionta revelacioncho rikashkä. Jana pasachöpis manami ima asikyaypis kashsu.

²⁴ Jirkakunatapis suksukyaykaqtami rikashkä. Lömakunatapis sinigano suksuykaqtami rikayashkä.

²⁵ Rikachakur manami pï runatapis rikashkäsu. Pishqukunapis lapanmi aywakuyash.

²⁶ Saynölami rikashkä ali wayuq chakrakunachöpis polvulana tumaykaqta. Lapan markakunatapis sunyaraykaqlatami rikashkä. Tayta Dios fiyupa rabyakurmi lapantapis sayno ushakäsish.

²⁷ Tayta Diosmi nin: <

²⁸ Ushakäsinäpaq nishqätaqa cumplishaqmi. Ushakäsiptïqa kay pasapis fiyupami lakikunqa. Jana pasapis sakaymi rikakunqa.

²⁹ <

³⁰ <

³¹ < >>