Jeremías 39 - Tayta Diospa Wilakuynin

Jerusalén markata Babilonia runakuna ushakäsiyashqan

¹ Puwaq wata y chunka killana Judá nacionpa mandaqnin rey Sedequías kaykaptinmi Babilonia nacionpa mandaqnin rey Nabucodonosor lapan soldädunkunawan aywar Jerusalénta atacayänanpaq jiruruypa churanakuyarqan.

² Chunka wata y chusku killa esqun junaq Sedequías rey kaykaptinnami say soldädukuna murällata uchkuykur markaman yaykuyarqan.

³ Babilonia nacionpa mandaqnin reypa capitanninkuna yaykurirmi chawpi punkuman churakäyarqan. Paykuna kayarqan Nergal-sarezer, Samgar-nebo, mandaq Sarsequim, mandaq Nergal-sarezer y reypa lapan capitanninkunapis.

⁴ Sayta rikarmi rey Sedequías lapan soldädunkunawan sakaypa qeshpiyashpan reypa huertan nishqanpa päsar yarquyarqan ishkay murälla nishqan punkupa. Saypitanami Arabá pampapa aywaq nänipa aywakuyarqan.

⁵ Sayno qeshpiykäyaptinmi Babilonia soldädukuna qatipäyashpan rey Sedequíasta taripäyarqan Jericó pampacho. Prësu sariykurmi Babiloniapa mandaqnin rey Nabucodonosorman apayarqan. Nabucodonosorqa kaykarqan Hamatcho kaykaq Ribla markachömi. Chaykasiyaptinmi Nabucodonosor payta juzgarqan.

⁶ Riblachömi rey Sedequías rikaraykaptin surinkunata wanusiyarqan. Saynölami Judá nacionpa autoridäninkunatapis wanusiyarqan.

⁷ Kikin Sedequíastanami ishkan nawinkunata jorquskir cadinawan watarkur Babiloniaman prësu apayarqan.

⁸ Jerusalénchönami reypa palaciunta y saycho kaq wayikunatapis Babilonia soldädukuna rupasir ushayarqan. Saynölami Jerusalén markapa murällantapis juchusiyarqan.

⁹ Saypitanami wardiakunapa capitannin Nabuzaradán quëdaq runakunata y payman qelikaqkunatapis Babiloniaman apasirqan.

¹⁰ Jinan Judá nacioncho pasaypa pobrikunalatami kachaykurqan. Paykuna arukuyänanpaqmi üva chakrakunata y murupakuyänanpaqmi chakrakunatapis rikasirqan.

Prësu kashqanpita Jeremíasta kacharishqan

¹¹ Babiloniapa mandaqnin rey Nabucodonosormi wardiakunapa capitannin Nabuzaradánta nirqan:

¹² <>.

¹³ Sayno niptinmi wardiakunapa capitannin Nabuzaradán, palaciucho mandaq Nabusazbán, mandaq Nergal-sarezer y Babilonia nacionpa mandaqnin reypa lapan capitanninkunapis

¹⁴ carcilpa sawanninpita Jeremíasta jorqasiyämurqan. Nirkurmi wayinman kutisinanpaq Ahicampa surin y Safánpa wilkan Gedalíasta entregayarqan. Saynöpami quëdaq Judá runa mayinkunawan Jerusaléncho Jeremías tarqan.

Ebed-melecta Tayta Dios promitishqan

¹⁵ Carcilpa sawanlanchöraq Jeremías prësu kaykaptinmi Tayta Dios payta nirqan:

¹⁶ <

¹⁷ Sayno kaptinpis mansashqayki runakunapita noqami sapäshayki.

¹⁸ Noqaman yärakamushqaykipitami mana wanusiyäshunaykipaq sapäshayki. Noqa Tayta Diosmi sayno nï> >>.