Jeremías 32 - Tayta Diospa Wilakuynin

Chakrata Jeremías rantishqan

¹ Kaychömi qelqaraykan Jeremíasta Tayta Dios nishqan. Say wisanmi Sedequías chunka watana Judá nacionpa mandaqnin rey kaykarqan. Nabucodonosornami chunka puwaq watana Babiloniapa mandaqnin rey kaykarqan.

² Say junaqkunami Babilonia nacionpa mandaqnin reypa soldädunkuna Jerusalénta jiruruypa saparaykäyarqan. Jeremíasnami reypa palaciunpa sawannincho prësu wichqaraykarqan.

³ Saycho prësu wichqaränanpaq sariskasirmi rey Sedequías nirqan: <<¿Imanirtaq Tayta Diospa jutincho wilakur nikanki Babiloniapa mandaqnin rey Jerusalénta vincinanpaq kashqanta?

⁴ Saynöpis ¿imanirtaq nikanki Babilonia soldädukuna prësu sariyämar mandaqnin reyman entregayämaptin cära cära tinkunäpaq kashqanta?

⁵ Saynöpis nikanki Babiloniaman prësu apayämaptin Tayta Dios nishqanyaq saycho sararäyämänanpaq kashqanta. ¿Imanirtaq Tayta Diospa jutincho nikanki Babilonia soldädukunata ichiparpis mana vincinansipaq kashqanta?>>

⁶ Say wisanmi Tayta Dios nimarqan:

⁷ < >>.

⁸ Tayta Dios nimashqannölami prïmü Hanameel palaciupa sawannincho prësu kaykashqäman watukamaq shamur nimarqan: <>. Sayno nimaptinmi tantiyarqä rantinäpaq Tayta Dios kamakaykäsishqanta.

⁹ Saymi prïmü Hanameelpa chakranta rantir chunka qanchis qellayta pägarqä.

¹⁰ Manaraq pägarmi papilta rurarkasir sayman firmar sëllarqä. Saynölami testïgukunatapis firmasirqä. Saypitanami aykatapis päganäpaq parlayashqänöla pägarqä.

¹¹ Rurasishqä papilta pipis lutala mana kichananpaqmi cërawan sigurapämarqan. Copia kaq papilmi isanqa siguränila karqan. Ishkan papilkunata aptarkurmi

¹² Neríaspa surin y Maasíaspa wilkan Baructa entregarqä. Sayno entregarqä prïmü Hanameelpa nawpancho, firmaq testïgukunapa nawpancho y sawancho kaykaq Judá runakunapa nawpanchömi.

¹³ Paykuna wiyaykäyaptinmi Baructa nirqä:

¹⁴ <

¹⁵ Kay nacionchöqa yapaymi chakrata, wayita y üva chakratapis rantiyanki y rantikuyankipis. Israel runakunata kuyaq y lapanta mandaq Tayta Dios karmi sayno nï> >>.

Tayta Diosta Jeremías manakushqan

¹⁶ Neríaspa surin Baructa say papilkunata entregaykurmi Tayta Diosta manakur nirqä:

¹⁷ <

¹⁸ Cäsukushuqnikikunataqa maysika kaptinpis kuyapankimi. Jusalikuyta mana kachariqkunatami isanqa castiganki kikinta y surinkunatapis. Munayyuq Tayta Diosmi kanki. Jutikiqa lapanta mandaq Yahwehmi kaykan.

¹⁹ Qam yarpashqaykikunaqa mana atipaypaqmi. Lapan rurashqaykikunapis seqaypa alimi. Rikaykankimi runakuna imata rurayashqantapis. Saymi rurayashqanman tupu yanapanki o castigankipis.

²⁰ <

²¹ Seqaypa munayyuq karmi espantaypaq kaqkunata rurashpayki Egiptupita kuyashqayki unay ayllükunata jorqamurqayki. Imaypis mana rikayashqanta ruraptikimi lapan runakuna pasaypa mansakäyarqan.

²² Nirkurmi promitishqaykinöla kay nacionta qoykurqayki. Kaychöqa lichipis abëjapa mishkinpis yakunöraqmi aska kaykan.

²³ <

²⁴ Saymi Babilonia soldädukuna kay markaman yaykayämunanpaq murälla waqtankunapa alpata qotuyash. Markata jiruruparäyämuptinmi runakuna yarquyta mana puëdir wakinkuna malaqaywan wanuyanqa y wakinnami pestiwan wanuyanqa. Babilonia soldädukuna markaman yaykayämuptinnami wakin runakuna guërracho wanuyanqa. Sayno vinciyämashpanmi munayninman churayämanqa. Kay markata ima päsananpaq kashqantapis nishqaykinölami kanan päsaykan.

²⁵ <>

Jerusalénta Babilonia runakuna munayninman churayänanpaq nishqan

²⁶ Sayno nir manakuptïmi Tayta Dios nimarqan:

²⁷ <

²⁸ Babilonia nacionpa mandaqnin rey Nabucodonosorpa y soldädunkunapa munayninmanmi kay markata churashaq. Paykunami munaynincho sararäyanqa.

²⁹ <

³⁰ <

³¹ Kay markacho täyashqan junaqpita pasami pasaypa rabyanäsiyämash. Saymi chipyaq ushakäsishaq

³² lapanpis jusalikur rabyanäsiyämashqanpita. Sayno rabyanäsiyämash Israel runakuna, Judá runakuna, Jerusaléncho taqkuna, mandaqnin reykuna, autoridäninkuna, cürankuna y profëtankunapis.

³³ Paykunaqa manami imapaqpis cuentayämashsu. Unaypita pasa yaparir yaparir parlapaykaptïpis y jusalikuyta kachariyänanpaq mayjina anyapaykaptïpis ashnu rinri karmi wiyakayämashsu.

³⁴ <

³⁵ Ben-hinom raqracho altarkunata rurarmi Baal diosta adorayash. Moloc diostapis adorayashpanmi say altarkunacho olquta warmitapis surinkunata rupasiyash. Sayta rurayänanpaq manami nirqäsu ni yarpaylapis yarparqäsu. Sayno rurayashpanmi lapan Judá runakunata jusalikasiyash.

Nacionninman shuntamunanpaq nishqan

³⁶ <

³⁷ Niyashqaykinölami kanqa. Seqaypa rabyarmi maysay nacionkunaman qarquyäshayki. Sayno kaptinpis qamkunapita miraqkunataqa say nacionkunapita shuntamushaqmi. Kay nacionman shuntarkamurnami paykunata yanapäshaq jawkana kawayänanpaq.

³⁸ Paykunami kuyashqä runakuna kayanqa. Noqanami paykunapa Diosnin kashaq.

³⁹ Shonqunkunamanmi ali yarpayta churashaq imaypis mansapakamar munashqäno kawayänanpaq. Saynöpami kikinkunapis y surinkunapis ali kawayanqa.

⁴⁰ <

⁴¹ Ali kawayänanpaqmi kushish yanapäshaq. Lapan shonqüwan kuyashpämi plantata plantaqno paykunata kay nacioncho sararäshaq. Say nishqätaqa cumplishaqmi.

⁴² Qamkunata castiganäpaq nishqäta y yanapäyänäpaq nishqätapis cumplishaqmi. Noqa Tayta Diosmi sayno nï.

⁴³ <

⁴⁴ Juklä nacionkunacho täyashqanpita kay nacionman shuntamuptïmi chakrata yapay rantiyanqa y rantikuyanqa. Rantikurmi papilta rurayashpan autoridäwan sëllasiyanqa. Testïgukunawanpis firmasiyanqa. Saynöqa rurayanqa Benjamín particho, Jerusalén nawpankunacho, intëru Judá nación markakunacho, jalqakunacho, Sefelacho kaykaq markakunacho y Neguev markakunachöpis. Noqa Tayta Diosmi sayno nï>>.