Jeremías 24 - Tayta Diospa Wilakuynin

Ishkay canasta hïgusta revelacioncho Jeremías rikashqan

¹ Judá nacionpa mandaqnin rey Joacimpa surin Jeconíasta, Judá nación autoridäkunata, artesänukunata y herrërukunata Babilonia nacionpa mandaqnin rey Nabucodonosor nacionninman apakuptinmi Tayta Dios revelamarqan templu punkucho ishkay canastawan hïgus kaykaqta.

² Jukaq canastachöqa punta poquq hïgus maypis mikukuykay munaymi karqan. Jukaq canastachönami pasaypa melanaypaq ismush hïguskuna karqan.

³ Saymi Tayta Dios tapumarqan: <> Saymi nirqä: <>.

⁴ Saymi Tayta Dios nimarqan:

⁵ <

⁶ Ima desgraciapitapis sapashpämi Judá nacionman shuntamur ali kawayänanpaq yanapäshaq. Yapayqa manami ushakäsishaqnasu ni qarqushaqnasu.

⁷ Tayta Diosnin kashqäta tantiyayänanpaqmi paykunata shumaq tantiyasishaq. Paykunami kuyashqä runakuna kayanqa. Noqanami paykunapa Diosnin kashaq. Lapan shonqunwan yapay yärakayämaptinmi sayno kanqa.

⁸ <<

⁹ Say runakunata castigashqäta musyarmi maysay nacioncho taq runakunapis mansakäyanqa. Maymanpis qarqushqäman chäyaptin pïmaypis manakaqman churarmi jamuräyanqa y asipäyanqa. Pasaypa maldicionädumi kayanqa.

¹⁰ Nacionnincho chipyaq ushakäyashqanyaqmi wakinkuna guërracho wanuyanqa, wakinkuna malaqaywan wanuyanqa y wakinnami fiyu qeshyawan wanuyanqa. Sayno ushakäyanqa unay ayllunkunata y kikinkunata say nacionta qoykush kaptïpis> >>.