Isaías 8 - Tayta Diospa Wilakuynin

Judá nacionta Asiria runakuna atacayänanpaq nishqan

¹ Tayta Diosmi nimarqan: <>.

² Nimashqanno qelqanäpaqmi cüra Uríasta y Jeberequíaspa surin Zacaríasta testïgupaq churashkä.

³ Saypitanami warmï profetïsa qeshyaq rikakushpan olqu wamrata qeshyakurqan. Saymi Tayta Dios nimarqan: <

⁴ Say wamra niytapis manaraq pashtasiptinmi Damascuta y Samariata vinciykur Asiria nacionpa mandaqnin rey say markakunapita lapan riquëzankunata apakunqa>>.

⁵ Saypita yapaypis Tayta Dios nimarqan:

⁶ <

⁷ Sayno kayaptinmi Asiria nacionpa mandaqnin reyta kachamushaq Judá nacionta asulananpaq. Éufrates mayu bötiypa bötir aywar imaykatapis ushakäsishqannömi soldädunkunawan shamur Judá runakunatapis atacar ushakäsiyanqa.

⁸ Mayu jakar runata kunkanyaq sariqno y anka luylukarkur aywaqnömi intëru nacionta soldädukuna atacayanqa. ¡Emanuel, nacionnikita saynömi rurayanqa!>>

Contran nacionkuna ushakäyänanpaq nishqan

⁹ Juklä nación runakuna, wiyayämay. Pasaypa ushakäsiyänaykipaq shuntakarpis kikikikunami ushakäyanki. Asulayänaykipaq kamarikuyaptikipis kikikikunatami asulayäshunki.

¹⁰ Imata rurayänaykipaq wilanakuyashqaykipis manami kamakanqasu. Imata rurayänaykipaq yarpäyaptikipis manami rurakanqasu. Sayno kanqa Tayta Dios noqakunawan kaptinmi.

Tayta Diosman yärakuyänanpaq nishqan

¹¹ Judá runakuna yarpäyashqanno mana yarpänäpaqmi Tayta Dios shumaq tantiyasimashpan nimarqan:

¹² <

¹³ Saypa trukanqa munayyuq y santu kashqäta tantiyar cäsukamanki. Runakunata mansapakunaykipa trukanqa noqata mansapakamanki.

¹⁴ Sayno kaptikiqa ima desgraciapitapis sapäshaykimi. Israel runakunapaq y Judá runakunapaqmi isanqa takakäsikuq y tunisikuq rumino kashaq. Jerusaléncho taq runakunapaqpis redno y toqlanömi kashaq.

¹⁵ Paykuna askaqmi tinkakäyanqa, tuniyanqa y wanuyanqa. Wakintanami prësu sariyanqa.

¹⁶ Revelashqäta qelqarkur mana oqrakänanpaq siguranki. Nirkur shumaq cuidayänanpaq cäsukamaqkunata qoykunki>>.

¹⁷ Jacobpita miraqkunata Tayta Dios mana yanapaptinpis noqaqa paytami imaypis shuyäshaq. Imano kaptinpis paylamanmi yärakushaq.

¹⁸ Tayta Dios qomashqan wamräkunawanmi kaycho kaykä. Israelcho señal kayänäpaqmi noqatapis y surïkunatapis churayämash. Payqa Sión lömacho taq lapanta mandaq Tayta Diosmi kaykan.

Rikakuqkunawan y brüjukunawan mana rikasikuyänanpaq nishqan

¹⁹ Wakinkuna niyäshunkimi: <>. Sayno niyäshuptikiqa niyanki: <<¡Imanirtaq wanushkunapa almanta tapukushwan! Saypa trukanqa kuyashqan runakuna kaykarqa ¿manaku kikin Tayta Diosta tapukushwan?>>

²⁰ ¡Tayta Diospa leyninkuna y yachasikuyninkuna imata nishqantapis yarpäyay! Runakuna niyäshushqaykiman Tayta Dios nishqankuna mana tinkuptinmi musyayanki say nishuqnikikuna imatapis mana tantiyaq kaykäyashqanta.

²¹ Paykunaqa lakish y mikanaykarmi maypapis puriyanqa. Malaqaywan fiyupa rabyanäyashpanmi mandaqnin reyta maldicionayanqa. Saynölami jana pasapa rikärir Tayta Diostapis maldicionayanqa.

²² Kay pasacho imata ashirpis munayashqanta tariyänanpa trukan nakaylatami tariyanqa. Ima ruraytapis mana kamäpakurmi pasaypa yanawyaykaq sakaychöno kayanqa.