Isaías 62 - Tayta Diospa Wilakuynin

Jerusalénta salvananpaq nishqan

¹ Jerusalén, qamta kuyaykarqa manami upälakümansu. Tayta Dios munashqanno kawashqaykiyaq y contraykikunapita salvashushqaykiyaqmi wilapaykäshayki. Salvash karnami pasa waraptin inti asikyaqnöna kankipaq.

² Alina kawashqaykita maysay nación runakunami musyayanqa. Lapan reykunami munayyuq kashqaykita rikayanqa. Kikin Tayta Diosmi mushuq jutita churapäshunki.

³ Rey jatiräkunan corönanömi Tayta Diospa makincho kanki.

⁴ Kacharish kashqaykita niyäshunaykipa trukanqa Tayta Dios fiyupa kuyashushqaykitami niyäshunki. Saynöpis ushakash marka kashqaykita niyäshunaykipa trukanqa Tayta Diospa majan kashqaykitami niyäshunki.

⁵ Jipashwan maqta majasakashqannömi Tayta Diospis qamwan majasakanqa. Warminwan runa kushish kawashqannömi Tayta Diospis qamwan kushish kanqa.

⁶ Jerusalén, murälla perqaykikuna jananmanmi rikachakuqkunata churashkä. Paykuna sakaypa junaqpapis mana chawaypami Tayta Diosta manakuyanqa. Tayta Diosta ruwakuqkuna, ama upälakuyaysu.

⁷ Jerusalénta alsar ushayashqanyaq Tayta Diosta ruwakuyay. Maysaychöpis runakuna Jerusalénta respitayashqanyaq Tayta Diosta manakuyay.

⁸ Tayta Dios munayyuq kashpanmi jurar Jerusalén markata nirqan: <

⁹ Saypa trukanqa shuntashqayki mikuyta kikiki mikurmi alabamanki. Üvaykipita rurashqayki vïnuykitapis kikikimi sagrädu templüpa patiuncho upunki>>.

¹⁰ ¡Marka punkukunapa yarquyay! ¡Runakuna shayämunanpaq nänita alsayay! ¡Nänipita rumikunatapis waklayay! ¡Lapan nación runakuna yaykayämunanpaq señalta jawiyay!

¹¹ Maysaymanpis wilakasirmi Tayta Dios nirqan: <>.

¹² Kuyashqan runakuna santu kayashqantami niyanqa. Tayta Dios salvashqan runakuna kayashqantami niyanqa. Jerusaléntanami maypis täkuy munay marka kashqanta niyanqa. Tayta Dios imaypis manana kacharishqan marka kashqantami niyanqa.