Isaías 57 - Tayta Diospa Wilakuynin

¹ Tayta Diosta sirviq ali runakuna wanuyaptin manami pipis lakikunsu. Manana nakayänanpaq Tayta Dios shuntakushqanta manami pipis tantiyansu.

² Dios munashqanno kawaqkunaqa wanukur mananami nakayanqanasu.

Ïdulukunata adoraqkunapa contran parlashqan

³ Tayta Diosmi nin: <<¡Jusasapakuna, shumaq wiyakuyay! ¡Qamkunaqa brüja castami kaykäyanki! ¡Majanta jarukuq japuymi ïdulukunata adorar Tayta Diosta manakaqman churaykäyanki!

⁴ ¿Imanirtaq cäsukamaqkunata asipaykäyanki? ¿Imanirtaq manakaqman churar yachapaykäyanki? ¿Imanirtaq qalluykita aqtupaykäyanki? ¡Qamkunaqa lula runakuna y jusasapa runakunami kaykäyanki!

⁵ <

⁶ Qamkunapa diosnikikunaqa mayu kuchuncho ullush rumikunalami kayan. Saykunacho suertiki kashqanta yarparmi vïnutapis jichapaykäyanki. Saki mikuy ofrendakunatapis qarapaykäyanki. Sayno ruraykäyaptiki manami upälakümansu.

⁷ <

⁸ Wayi punkuyki waqtankunamanmi ïdulukunata churaykäyanki. Noqata mana cuentayämashpaykimi adulteriu jusata jusalikuq japuy say ïdulukunawan pactuta rurar adoraykäyanki. Qarapächu warmita rikapaq japuymi say ïdulukunata rikapar adoraykäyanki.

⁹ <

¹⁰ Isanqa ïdulukunata adorayänaykipaq maysaypa aywarpis manakaqlapaq adorayashqaykita manami tantiyakuyankisu. Utikarpis mana ajayaypami jinala adoraykäyanki.

¹¹ <<¿Ïduluykikunata mansapakurku noqaman yärakayämankinasu? ¿Ïduluykikunata respitarku qonqaykayämashkanki? ¿Unaypita mana parlapashqäta yarparku mansapakayämankinasu?

¹² Kananqa imano kawayashqaykitapis pïmaytami musyasishaq. Lapan rurayashqaykipis manakaqlapaqmi kanqa.

¹³ Salvayäshunaykipaq qayakuyaptikipis ïduluykikuna manami salvayäshunkipaqsu. Saykunata lapantami wayra apakunqa. Juk pükaylachömi wayra saqtarinqa. Noqaman yärakamuqkunami isanqa promitishqä nacioncho täyanqa. Paykunaqa sagrädu lömächömi adorayämanqa>>.

Israel runakunata salvashqan

¹⁴ Tayta Diosmi nin: <>.

¹⁵ Jana pasacho taq imayyaqpis kawaq santu Tayta Diosmi nin: <

¹⁶ Saymi kuyashqä runakunata castigaykäshaqnasu. Mananami imayyaqpis rabyashla kaykäshaqsu. Sayno rabyashla imaypis kaptïqa lapan kamashqä runakunami ushakäyanman.

¹⁷ <

¹⁸ Sayno kawaykäyaptinpis wiyakuq kayänanpaqmi yanapäshaq. Shumaq rikar yanapaptïmi lakish kawaqkunapis kushikuyanqa.

¹⁹ Kushish alabayämänanpaqmi yanapäshaq. Karucho kaykaqkunamanpis y cercacho kaykaqkunamanpis ali kawayta tariyänanpaqmi wilakasishaq. Kuyashqä runakunata noqami yanapäshaq.

²⁰ <

²¹ Fiyu runakunaqa manami imaypis ali kawayanqasu>>. Tayta Diosmi sayno nin.