Isaías 54 - Tayta Diospa Wilakuynin

Israel runakunata imaypis Tayta Dios kuyashqan

¹ Tayta Diosmi nin: <

² Aska wawaykikuna yuriyänanpaq kaykaptinqa tolduykita jatunsay. Estäcakunata jawir waskakunawan tolduykikunata siguray.

³ Qamqa askaqman mirarmi aluq kaqmanpa y isuq kaqmanpapis juntäyanki. Qampita miraqkuna aska nacionkunatami acaparayanqa. Raqälana kaykaq markakunatapis alsarkurmi saycho täyanqa>>.

⁴ Ama mansariynasu. Manami pipis jamurpäshunkinasu. Ama penqakuynasu. Manami pipis ashlishunkinasu. Wawaynaq kar penqakushqaykitapis qonqaykunkinami. Viüdayar penqakushqaykitapis mananami yarpankinasu.

⁵ Kamashuqniki Tayta Diosmi majanpaq shuntashunki. Paypa jutinqa lapanta mandaq Yahwehmi. Payqa imapitapis sapäshunkimi. Israel runakunapa santu Diosninmi kaykan. Saymi pïmaypis musyanqa intëru munduta makincho sararaq Dios kashqanta.

⁶ Kacharish warmino lakish kaykaptikimi Tayta Dios qayashurqayki. Maqta kay warminta juk runa shuntaqnömi shuntakushurqayki. Tayta Diosnikimi nin:

⁷ <

⁸ Fiyupa rabyakurkushpämi juk rätula qampita witikurirqä. Kananpitaqa imaypis kuyapäshaykimi>>. Salvashuqniki Tayta Diosnikimi sayno nin.

⁹ <

¹⁰ Lömakuna kuyuptinpis jirkakuna qotukäkuyaptinpis qamta imaypis kuyapäshaykimi. Jawka kawanaykipaq pactu rurashqansita imaypis cumplishaqmi>>. Kuyapäshuqniki Tayta Diosmi sayno nin.

Mushuq Jerusalénpaq nishqan

¹¹ Jerusalén markatami Tayta Dios nin: <<¡Pasaypa kuyapaypaq marka! ¡Nakasiyäshuptiki manami pipis kuyapaykushunkisu! Sayno kaptinpis kikïmi carbunclo rumikunawan cimientuykita rurashaq. Say jananmanmi zafiro rumikunawan perqashaq.

¹² Rubí rumipitami rikachakuna törrikikunatapis rurashaq. Carbunclo rumipitami punkuykikunatapis rurashaq. Intëru kuchunpa perqa murällaykitapis kuyaylapaq rumikunawanmi perqashaq.

¹³ <

¹⁴ Reypis munashqänömi mandanqa. Mananami pipis nakasishunkipaqnasu. Jawkala kawarmi mansarinkipaqnasu.

¹⁵ Manami mayqan nación runakunatapis kachamushaqsu asulashunaykipaq. Shayämuptin imaptinqa kikinkunatami ushakäsinki.

¹⁶ <

¹⁷ Saymi mayqan soldädu vinciyäshunaykitapis kachapäshaqsu. Yanapaptïmi imatapis jitapäshuqnikita upälasinki. Lapan sirvimaqkunata kikïmi salvashaq>>. Tayta Diosmi sayno nin.